Josué 19:28 - Li Santil hu

²⁸ Nacuulac toj saꞌ eb li tenamit Hebrón, Rehob, Hamón ut Caná. Nacuulac toj cuan cuiꞌ li nimla tenamit Sidón.

Q'eqchi Bible

²⁸ Abdón, Rejob, Amón ut Kaná toj sa' li nimla Sidón.

Josué 19:28 ပူးပေါင်းရင်းမြစ်များ

Jueces 1:31

Chi moco eb li ralal xcꞌajol laj Aser queꞌrisiheb li cuanqueb saꞌ eb li tenamit Aco, Sidón, Alab, Aczib, Helba ut Afec joꞌ ajcuiꞌ Rehob.

Josué 11:8

Li Ka̱cuaꞌ quixqꞌueheb laj Israel chi numta̱c saꞌ xbe̱neb. Ut queꞌra̱linaheb toj saꞌ li nimla tenamit Sidón ut toj saꞌ li naꞌajej Misrefot-maim ut toj saꞌ li ru takꞌa Mizpa li cuan saꞌ li este. Ut queꞌxcamsi chixjunileb. Ma̱ jun chic reheb queꞌcana chi yoꞌyo.

San Juan 4:46

Li Jesús co̱ cuiꞌchic saꞌ li tenamit Caná re Galilea li quixsukꞌisi cuiꞌ li haꞌ chokꞌ vino. Ut aran Capernaum cuan jun li cui̱nk aj cꞌanjel chiru li rey. Yaj li ralal.

San Juan 2:11

Aꞌan aꞌin li xbe̱n milagro li quixba̱nu li Jesús nak quixsukꞌisi li haꞌ chokꞌ vino aran Caná re Galilea. Riqꞌuin li milagro aꞌin quixcꞌutbesi nak cuan xcuanquil ut eb lix tzolom queꞌxpa̱b nak li Jesús aꞌan li Ralal li Dios.

San Juan 2:1

Yo̱ chic rox cutan xcꞌulbal a cꞌaꞌak re ru aꞌin nak quicuan jun li sumla̱c saꞌ li tenamit Caná re Galilea. Cuan lix naꞌ li Jesús aran.

Isaías 23:12

Li Dios quixye reheb li cuanqueb saꞌ li tenamit Tiro, li quiyi̱ba̱c xbaneb laj Sidón: —Incꞌaꞌ chic ta̱sahokꞌ saꞌ e̱chꞌo̱l. Junxil chanchanex jun li tukꞌ ixk. Abanan anakcuan rahobtesinbilex chic. Usta nequex-e̱lelic toj Quitim, abanan chi moco aran naru ta̱sahokꞌ saꞌ e̱chꞌo̱l.—

Isaías 23:4

Xuta̱nal xex-el la̱ex aj Sidón, li nimla tenamit li cuan chire li palau. Ta̱cuulak xkꞌehil nak te̱ye: —Chanchan ma̱ jun sut xcuecꞌa li raylal li nequeꞌxcꞌul li ixk li oqueb re chi qꞌuira̱c. Chanchan nak ma̱ jun li cualal incꞌajol xinqꞌuiresi, chi moco te̱lom chi moco xkaꞌal.—

Isaías 23:2

Mex-ecꞌan la̱ex li cuanquex chire li palau, la̱ex li cuanquex saꞌ li tenamit Sidón. Xexbiomoꞌ xbaneb laj cꞌay li nequeꞌchal saꞌ eb li jucub.

Génesis 10:19

Lix chꞌochꞌeb laj cananeo naticla chak toj Sidón ut naxtau xnuba̱l li tenamit Gaza li nacana saꞌ xjayal Gerar. Ut naxtau ajcuiꞌ lix nuba̱l li tenamit Lasa li nacana saꞌ xjayal li ca̱hib chi tenamit Sodoma, Gomorra, Adma ut Zeboim.

Hechos 27:3

Ut saꞌ li cutan jun chic cocuulac Sidón. Laj Julio quixba̱nu usilal re laj Pablo. Quixcanab chi xic riqꞌuineb laj pa̱banel li cuanqueb aran re nak ta̱tenkꞌa̱k xbaneb.

2 Samuel 24:6

Chirix aꞌan queꞌco̱eb saꞌ eb li tenamit Galaad ut Hodsi saꞌ lix naꞌajeb laj hititas. Nak queꞌel aran queꞌco̱eb saꞌ li tenamit Dan-jaán. Ut chirix aꞌan queꞌco̱eb Sidón ut saꞌ eb li naꞌajej li cuanqueb chi xjun sutam.

Josué 21:31

Helcat ut Rehob. Ca̱hib chi tenamit rochbeneb lix naꞌajeb lix queto̱mkeb.

Jueces 18:28

Ma̱ ani quicoloc reheb li cuanqueb Lais xban nak najt cuan li tenamit Sidón riqꞌuineb ut xban ajcuiꞌ nak ma̱ ani aj iqꞌuin nequeꞌxcꞌam ribeb. Li tenamit Lais cuan saꞌ li ru takꞌa chixcꞌatk li tenamit Bet-rehob. Eb li ralal xcꞌajol laj Dan queꞌxyi̱b cuiꞌchic li tenamit ut aran queꞌcana chi cua̱nc.

2 Samuel 24:7

Mokon chic, queꞌco̱eb saꞌ li tenamit Tiro, li kꞌaxal cau rib chi pletic. Ut queꞌco̱eb saꞌ chixjunileb lix tenamiteb laj heveo ut eb laj cananeo. Ut queꞌco̱eb saꞌ li tenamit Beerseba, li cuan saꞌ xcue̱nt Judá ut queꞌcuulac toj Neguev.

Ezequiel 28:21

—At ralal cui̱nk, ilon cuan cuiꞌ li tenamit Sidón ut ta̱ye resil li raylal li ta̱cha̱lk saꞌ xbe̱neb laj Sidón.