Josué 18:6 - Li Santil hu

⁶ Nak acak xeꞌxbis ut ac xeꞌxjachi chi cuukub jachal, teꞌxtzꞌi̱ba retalil ut teꞌxcꞌam chak cuiqꞌuin re nak takabu̱li rix li naꞌajej chiru li Ka̱cuaꞌ Dios.

Q'eqchi Bible

⁶ Naq ak xejachi li ch'och' sa' wuqub' jachal, teetz'iib'a reetalil ut teek'am chaq wik'in re naq tinb'uuli rix arin, chiru li Qaawa' li qaYos.

Josué 18:6 ပူးပေါင်းရင်းမြစ်များ

Josué 14:2

Riqꞌuin bu̱lic quijeqꞌui̱c reheb li naꞌajej aꞌan, joꞌ quiyeheꞌ re laj Moisés xban li Ka̱cuaꞌ Dios. Queꞌxjeqꞌui reheb li bele̱b te̱p li ralal xcꞌajol laj Israel ut li yijach chic li ralal xcꞌajol laj Manasés.

Josué 18:10

Laj Josué quibu̱lic chirix li naꞌajej chiru li Ka̱cuaꞌ Dios aran Silo. Chi joꞌcaꞌin quixjeqꞌui li chꞌochꞌ aꞌin reheb li ralal xcꞌajol laj Israel.

Hechos 13:19

Quixsach ruheb cuukub li xni̱nkal ru tenamit saꞌ li naꞌajej Canaán ut li naꞌajej aꞌan quicana chokꞌ reheb laj Israel.

Proverbios 18:18

Riqꞌuin bu̱lic naru teꞌxyi̱b ru lix chꞌaꞌajquilal li yo̱queb chi pletic. Aꞌan naru tixrak li ple̱t usta cuanqueb xcuanquil li yo̱queb chi pletic.

Proverbios 16:33

Eb li cui̱nk nequeꞌxsicꞌ cꞌaꞌru teꞌxba̱nu riqꞌuin bu̱lic. Abanan li Dios, aꞌan yal re saꞌ xbe̱n chixjunil.

Salmos 105:11

Quixye reheb chi joꞌcaꞌin: —La̱in tinqꞌue e̱re li naꞌajej Canaán. Ut la̱ex tex-e̱chani̱nk re chi junaj cua, chan li Dios.

Josué 18:8

Eb li cui̱nk li queꞌsiqꞌueꞌ ru queꞌco̱eb riqꞌuin laj Josué. Ut laj Josué quixtaklaheb ut quixye reheb: —Ayukex ut qꞌuehomak chak retal li naꞌajej aꞌin. Te̱bis chak ut nak acak xebis, te̱cꞌam chak li retalil cuiqꞌuin arin Silo, re nak la̱in tinbu̱li rix chiru li Ka̱cuaꞌ Dios, chan.

Números 34:13

Ut laj Moisés quixye reheb laj Israel: —Te̱bu̱li rix li chꞌochꞌ li ta̱qꞌuehekꞌ e̱re. Li Ka̱cuaꞌ quixye nak li chꞌochꞌ aꞌin ta̱jeqꞌui̱k reheb li bele̱b chꞌu̱tal riqꞌuin media chꞌu̱tal eb laj Israel.

Números 33:54

Ta̱bu̱li rix li chꞌochꞌ nak ta̱jeqꞌui reheb laj Israel, aꞌ yal jarubeb cuanqueb saꞌ li junju̱nk xte̱pal. Cui nabaleb, nabal ajcuiꞌ li chꞌochꞌ ta̱qꞌue reheb. Ut cui incꞌaꞌ qꞌuiheb, incꞌaꞌ ajcuiꞌ qꞌui li chꞌochꞌ ta̱qꞌue. Aꞌ yal joꞌ qꞌuial ta̱tzꞌak li junju̱nk, aꞌan li ta̱qꞌue reheb. Ta̱jeqꞌui li chꞌochꞌ aꞌ yal ani lix xeꞌto̱nil yucuaꞌeb.

Josué 18:7

Li ralal xcꞌajol laj Leví incꞌaꞌ ta̱qꞌuehekꞌ xnaꞌajeb xban nak eb aꞌan teꞌcꞌanjelak chokꞌ aj tij chiru li Ka̱cuaꞌ. Eb li ralal xcꞌajol laj Gad ut eb li ralal xcꞌajol laj Rubén, ut yijach li ralal xcꞌajol laj Manasés, eb aꞌan ac xeꞌxcꞌul lix naꞌajeb jun pacꞌal li nimaꞌ Jordán, li nacana saꞌ li este. Aran quiqꞌueheꞌ xnaꞌajeb xban laj Moisés laj cꞌanjel chiru li Dios, chan laj Josué.