Josué 18:4 - Li Santil hu

⁴ Sicꞌomak ruheb ox ox chi cui̱nk saꞌ xya̱nkeb li junju̱nk te̱p re nak tebintakla chi rilbal li naꞌajej. Teꞌxqꞌue chak retal chi us ut teꞌcha̱lk cuiqꞌuin ut teꞌxye cue chanru nak takajeqꞌui li naꞌajej aꞌan.

Q'eqchi Bible

⁴ Sik'omaqeb' ru ox oxaq chi winq sa' li junq teep, re naq teb'intaqla chi xb'eeninkil li tenamit. Chi jo'kan truuq tqajek'i li ch'och' naq te'sutq'iiq chaq, a' yaal k'aru li rilomeb'.

Josué 18:4 ပူးပေါင်းရင်းမြစ်များ

Josué 18:9

Queꞌco̱eb ut eb li cui̱nk aꞌin ut queꞌxbis chak li naꞌajej chi cuukub jachal ut queꞌxtzꞌi̱ba retalileb li tenamit saꞌ jun li hu. Ut chirix aꞌan queꞌsukꞌi cuiꞌchic riqꞌuin laj Josué saꞌ lix muheba̱leb aran Silo.

Josué 18:6

Nak acak xeꞌxbis ut ac xeꞌxjachi chi cuukub jachal, teꞌxtzꞌi̱ba retalil ut teꞌxcꞌam chak cuiqꞌuin re nak takabu̱li rix li naꞌajej chiru li Ka̱cuaꞌ Dios.

Josué 18:3

Laj Josué quixye reheb: —¿Joꞌ najtil chic toj yo̱kex chiroybeninquil le̱ naꞌaj? ¿Ma incꞌaꞌ naru te̱cꞌul le̱ naꞌaj li xqꞌue e̱re li Ka̱cuaꞌ lix Dioseb le̱ xeꞌto̱nil yucuaꞌ?

Josué 4:2

—Siqꞌueb ru cablaju chi cui̱nk. Junju̱nk chi cui̱nk ta̱sicꞌ saꞌ xya̱nkeb li junju̱nk xte̱paleb laj Israel.

Josué 3:12

Anakcuan ut ta̱sicꞌ ruheb cablaju chi cui̱nk. Junju̱nk chi cui̱nk ta̱sicꞌ saꞌ xya̱nkeb li junju̱nk xte̱paleb laj Israel.

Números 13:2

—Ta̱taklaheb li cui̱nk chixqꞌuebal retal li naꞌajej Canaán, li tinqꞌue reheb laj Israel. Ta̱taklaheb li cui̱nk li cuanqueb xcuanquil, li nequeꞌcꞌamoc be chiruheb li junju̱nk xte̱paleb laj Israel, chan li Dios.

Números 1:4

Ut cua̱nkeb ajcuiꞌ che̱tenkꞌanquil li nequeꞌcꞌamoc be saꞌ xya̱nkeb li junju̱nk xte̱paleb laj Israel.

Josué 18:5

Cuukub jachal teꞌrisi nak teꞌxjeqꞌui. Ut li naꞌajej li ta̱qꞌuehekꞌ reheb li ralal xcꞌajol laj Judá, aꞌan li cuan saꞌ li sur. Ut li naꞌajej li ta̱qꞌuehekꞌ reheb li ralal xcꞌajol laj José, aꞌan li cuan saꞌ li norte.

Miqueas 2:5

Laj Miqueas quia̱tinac cuiꞌchic riqꞌuineb laj Israel ut quixye reheb: —Ta̱cuulak xkꞌehil nak li Dios tixjeqꞌui cuiꞌchic li chꞌochꞌ, ut la̱ex ma̱cꞌaꞌ textzꞌak xban li ma̱usilal yo̱quex chixba̱nunquil.