Josué 17:7 - Li Santil hu

⁷ Li naꞌajej li quiqꞌueheꞌ reheb li ralal xcꞌajol laj Manasés naticla chak saꞌ li naꞌajej Aser. Nacuulac saꞌ li naꞌajej Micmetat li cuan saꞌ xcaꞌyaba̱l li naꞌajej Siquem. Naxic toj cuan cuiꞌ li naꞌajej Tapúa.

Q'eqchi Bible

⁷ Li na'ajej li kik'ehe'k re li xteepal laj Manasés a'an Mikmetat, chi xk'atq Aser, sa' xjayal Sikem. Chirix chik a'an li nub'ajl naxik sa' xseeb'al, toj Yasib, sa' li xyo'leb'aal ha' re Tapúhaj.

Josué 17:7 ပူးပေါင်းရင်းမြစ်များ

Josué 21:21

Quiqꞌueheꞌ reheb li tenamit Siquem li tzu̱l ru, li cuan saꞌ lix naꞌajeb li ralal xcꞌajol laj Efraín. Aꞌan li tenamit li quisiqꞌueꞌ ru re teꞌxcol cuiꞌ rib eb li nequeꞌxcamsi ras ri̱tzꞌin chi incꞌaꞌ yal naraj xchꞌo̱l. Ut quiqꞌueheꞌ ajcuiꞌ reheb li tenamit Gezer,

1 Crónicas 6:67

Ut quiqꞌueheꞌ reheb li tenamit Siquem li naru teꞌxcol cuiꞌ ribeb li cuan saꞌ li naꞌajej li tzu̱l ru re laj Efraín. Quiqꞌueheꞌ ajcuiꞌ reheb lix cocꞌ cꞌaleba̱l ut li tenamit Gezer,

1 Reyes 12:25

Ut laj Jeroboam quixtakla xyi̱banquil chi cha̱bil li tenamit Siquem li cuan saꞌ li tzu̱l aran Efraín ut quicana chi cua̱nc aran. Ut quixyi̱b ajcuiꞌ chi cha̱bil li tenamit Penuel.

1 Reyes 12:1

Co̱ laj Roboam Siquem xban nak aran co̱eb chixjunileb laj Israel re teꞌxxakab chokꞌ rey.

Jueces 9:1

Laj Abimelec, li ralal laj Jerobaal, quicuulac Siquem chi a̱tinac riqꞌuineb li ras lix naꞌ ut riqꞌuineb chixjunileb li cuanqueb saꞌ rochoch lix yucuaꞌ lix naꞌ. Ut quixye reheb:

Josué 24:32

Eb laj Israel queꞌxcꞌam chak lix bakel laj José nak queꞌel chak Egipto ut queꞌxmuk aran Siquem saꞌ li chꞌochꞌ li quixlokꞌ laj Jacob junxil riqꞌuineb li ralal laj Hamor. Laj Hamor, aꞌan lix yucuaꞌ laj Siquem. Jun ciento chi tumin plata quixtoj cuiꞌ laj Jacob ut li naꞌajej aꞌan quicana chokꞌ xnaꞌajeb li ralal xcꞌajol laj José.

Josué 24:1

Laj Josué quixchꞌutubeb chixjunileb lix te̱paleb laj Israel aran Siquem. Quixbokeb li nequeꞌcꞌamoc be saꞌ xya̱nkeb, ut eb li nequeꞌtaklan saꞌ xbe̱neb, ut eb laj rakol a̱tin, joꞌ eb ajcuiꞌ li cuanqueb xcuanquil. Queꞌxchꞌutub ribeb chiru li Dios.

Josué 20:7

Ut eb laj Israel queꞌxsicꞌ ruheb li tenamit aꞌin: Cedes li cuan aran Galilea saꞌ li tzu̱l ru saꞌ lix naꞌajeb li ralal xcꞌajol laj Neftalí: li tenamit Siquem li tzu̱l ru li cuan saꞌ lix naꞌajeb li ralal xcꞌajol laj Efraín: ut li tenamit Quiriat-arba li nequeꞌxye ajcuiꞌ Hebrón re. Li tenamit aꞌan cuan saꞌ li naꞌajej tzu̱l ru saꞌ lix naꞌajeb li ralal xcꞌajol laj Judá.

Génesis 37:14

Ut laj Israel quixye re: —Ayu. Toxa̱cuileb chak chanru cuanqueb la̱ cuas joꞌ eb ajcuiꞌ li queto̱mk. Chirix aꞌan tatsukꞌi̱k chak chixyebal cue chanru cuanqueb, chan laj Israel. Laj José qui-el saꞌ li ru takꞌa re Hebrón ut co̱ toj saꞌ li naꞌajej Siquem.

Génesis 37:12

Saꞌ jun li cutan eb li ras laj José queꞌco̱eb Siquem chixberesinquileb lix queto̱mk lix yucuaꞌeb.

Génesis 34:2

Laj Hamor, aj heveo, aꞌan li acuabej re li tenamit aꞌan. Li ralal laj Hamor, aꞌan laj Siquem. Nak laj Siquem quiril lix Dina, quixchap ut quixpuersi ru re nak ta̱cua̱nk riqꞌuin.

Josué 17:6

Quixcꞌul laje̱b jachal chic li chꞌochꞌ laj Manasés xban nak li o̱b chi xrabin laj Zelofehad queꞌqꞌueheꞌ xchꞌochꞌeb joꞌ nak queꞌqꞌueheꞌ xchꞌochꞌeb li cui̱nk. Li naꞌajej Galaad, aꞌan li quiqꞌueheꞌ reheb li jun chꞌol chic li ralal xcꞌajol laj Manasés.

Josué 17:8

Eb li naꞌajej li cuanqueb xcue̱nt Tapúa, aꞌan reheb li ralal xcꞌajol laj Manasés. Abanan li tenamit Tapúa li cuan saꞌ li nuba̱l, aꞌan reheb li ralal xcꞌajol laj Efraín.

Salmos 60:6

Li Dios quia̱tinac chak saꞌ lix santil naꞌaj ut quixye: —Cꞌajoꞌ xsahil inchꞌo̱l nak tinjachi li Siquem ut tinjeqꞌui li ru takꞌa Sucot xcꞌabaꞌ.