Josué 17:5 - Li Santil hu

⁵ Joꞌcaꞌin nak queꞌxcꞌul laje̱b jachal chic li chꞌochꞌ saꞌ xbe̱n li ac xeꞌxcꞌul aran Galaad ut Basán. Li naꞌajej aꞌan nacana jun pacꞌal li nimaꞌ Jordán, li cuan saꞌ li este.

Q'eqchi Bible

⁵ Jo'ka'in naq eb' laj Manasés ke'xk'ul lajeeb' jachal chik li ch'och' sa' xb'een li tenamit Galahad ut Basán, li wankeb' sa' releb'l saq'e re li nima' Jordán,

Josué 17:5 ပူးပေါင်းရင်းမြစ်များ

Josué 17:14

Eb li ralal xcꞌajol laj José queꞌa̱tinac riqꞌuin laj Josué ut queꞌxye re: —¿Cꞌaꞌut nak incꞌaꞌ qꞌui li kanaꞌaj li xaqꞌue ke? La̱o nabalo xban nak li Ka̱cuaꞌ yo̱ chikosobtesinquil toj chalen anakcuan, chan.

Josué 13:11

Ut quijeqꞌui̱c ajcuiꞌ reheb li naꞌajej Galaad ut lix tenamiteb laj gesureo ut lix naꞌajeb laj maacateo, ut chixjunil li tzu̱l Hermón ut chixjunil li naꞌajej Basán. Nacuulac toj saꞌ li tenamit Salca.

Josué 17:4

Eb li ixk aꞌin queꞌco̱eb riqꞌuineb laj Eleazar laj tij ut laj Josué li ralal laj Nun, rochbeneb li nequeꞌcꞌamoc be saꞌ xya̱nkeb li tenamit ut queꞌxye reheb: —Li Ka̱cuaꞌ Dios quixye re laj Moisés nak ta̱qꞌue kachꞌochꞌ la̱o, joꞌ eb ajcuiꞌ li kechꞌalal, chanqueb. Joꞌcan nak laj Josué quixqꞌue xchꞌochꞌeb aꞌan joꞌ nak quixqꞌue reheb li rechꞌalal, joꞌ quiyeheꞌ reheb xban li Ka̱cuaꞌ Dios.

Josué 17:6

Quixcꞌul laje̱b jachal chic li chꞌochꞌ laj Manasés xban nak li o̱b chi xrabin laj Zelofehad queꞌqꞌueheꞌ xchꞌochꞌeb joꞌ nak queꞌqꞌueheꞌ xchꞌochꞌeb li cui̱nk. Li naꞌajej Galaad, aꞌan li quiqꞌueheꞌ reheb li jun chꞌol chic li ralal xcꞌajol laj Manasés.

Josué 22:7

Yijach li ralal xcꞌajol laj Manasés quiqꞌueheꞌ xnaꞌajeb aran Basán saꞌ li este xban laj Moisés. Ut li yijach chic li ralal xcꞌajol laj Manasés quiqꞌueheꞌ xnaꞌajeb xban laj Josué saꞌ xya̱nkeb laj Israel, li xeꞌcana chi cua̱nc aran jun pacꞌal li nimaꞌ Jordán saꞌ li oeste. Ut eb li yijach li ralal xcꞌajol laj Manasés, li quiqꞌueheꞌ xnaꞌajeb saꞌ li este, laj Josué quixtaklaheb saꞌ rochocheb nak acak xtzꞌa̱ma rosobtesinquileb chiru li Ka̱cuaꞌ.

Ezequiel 48:4

Ut saꞌ li nuba̱l re lix chꞌochꞌ laj Neftalí tixcꞌul lix naꞌaj laj Manasés. Naticla saꞌ li este ut nacuulac toj chire li palau.