Josué 17:14 - Li Santil hu

¹⁴ Eb li ralal xcꞌajol laj José queꞌa̱tinac riqꞌuin laj Josué ut queꞌxye re: —¿Cꞌaꞌut nak incꞌaꞌ qꞌui li kanaꞌaj li xaqꞌue ke? La̱o nabalo xban nak li Ka̱cuaꞌ yo̱ chikosobtesinquil toj chalen anakcuan, chan.

Q'eqchi Bible

¹⁴ Sa' jun kutan eb' li ralal xk'ajol laj José ke'aatinak rik'in laj Josué ut ke'xye re: “K'a'ut naq ink'a' k'i li qana'aj xak'e qe? Laa'o naab'alo xb'aan naq li Qaawa' ki'osob'tesink qe”, chankeb'.

Josué 17:14 ပူးပေါင်းရင်းမြစ်များ

Génesis 48:22

La̱in numtajenak xqꞌuial li cꞌaꞌak re ru li xinqꞌue a̱cue chiruheb la̱ cuas. Anakcuan tinkꞌaxtesi a̱cue li naꞌajej Siquem li xincue̱chani nak xinpletic riqꞌuineb laj amorreo, chan laj Jacob re laj José.

Génesis 48:19

Abanan laj Israel incꞌaꞌ quixcꞌul xchꞌo̱l xba̱nunquil chi joꞌcan ut quixye, —La̱in ninnau nak aꞌan li asbej, at cualal. Ta̱nima̱nk lix cuanquil aꞌan. Abanan li i̱tzꞌinbej kꞌaxal cuiꞌchic numtajenak lix cuanquil chiru li asbej. Kꞌaxal nabaleb li ralal xcꞌajol li teꞌcua̱nk, chan laj Israel.

Números 13:7

Ut saꞌ lix te̱paleb li ralal xcꞌajol laj Isacar, quitakla̱c laj Igal li ralal laj José.

Josué 16:4

Aꞌaneb aꞌin li naꞌajej li queꞌtzꞌak li ralal xcꞌajol laj Manasés ut eb li ralal xcꞌajol laj Efraín, li cuib chi ralal laj José.

Josué 17:15

Laj Josué quichakꞌoc ut quixye reheb: —Cui la̱ex nabalex, ayukex saꞌ li qꞌuicheꞌ ut te̱cꞌale ru. Saꞌ li naꞌajej aꞌan cuanqueb laj ferezeo ut eb laj refaíta. Ayukex aran xban nak li naꞌajej aꞌin incꞌaꞌ chic natzꞌakloc chokꞌ e̱re, chan.

Ezequiel 48:5

Ut saꞌ li nuba̱l re lix chꞌochꞌ laj Manasés tixcꞌul lix naꞌaj laj Efraín. Naticla saꞌ li este ut nacuulac toj chire li palau.

Génesis 48:20

Ut saꞌ li cutan aꞌan laj Israel quixtzꞌa̱ma chiru li Dios nak aꞌan taxak chi-osobtesi̱nk reheb li cuib chi al. Ut laj Israel quixye ajcuiꞌ reheb, —Nak junak li kalal kacꞌajol tixtzꞌa̱ma chiru li Dios nak aꞌan ta̱osobtesi̱nk re junak chic, joꞌcaꞌin tixye, “Li Ka̱cuaꞌ Dios taxak ta̱osobtesi̱nk a̱cue joꞌ nak queꞌosobtesi̱c laj Efraín ut laj Manasés xban li Ka̱cuaꞌ Dios,” chan laj Israel reheb. Ut chi joꞌcaꞌin laj Israel quixnimobresi xcuanquil laj Efraín chiru laj Manasés.

Números 26:54

Cui nabaleb, nim li naꞌajej li ta̱qꞌuehekꞌ reheb. Cui ut incꞌaꞌ nabaleb, incꞌaꞌ ajcuiꞌ nabal li chꞌochꞌ teꞌxcꞌul. Ta̱jeqꞌui li chꞌochꞌ aꞌ yal joꞌ qꞌuialeb saꞌ li junju̱nk chꞌu̱tal.

Números 36:12

Queꞌsumla riqꞌuineb li ralal xcꞌajol laj Manasés li ralal laj José. Ut li chꞌochꞌ li queꞌre̱chani quicana saꞌ xcue̱nt lix te̱pal lix yucuaꞌ.