Josué 17:11 - Li Santil hu

¹¹ Cuan li naꞌajej quitzꞌak laj Manasés xcomon lix naꞌajeb laj Isacar. Aꞌaneb aꞌin lix cꞌabaꞌeb: Aser ut Bet-seán rochben li cocꞌ cꞌaleba̱l; Ibleam rochben li cocꞌ cꞌaleba̱l joꞌ ajcuiꞌ li tenamit Dor ut li tenamit Endor rochbeneb li cocꞌ cꞌaleba̱l; li tenamit Taanac ut eb li cocꞌ cꞌaleba̱l joꞌ ajcuiꞌ li tenamit Meguido rochbeneb li oxib chi tenamit li cuanqueb saꞌ xbe̱n bol.

Q'eqchi Bible

¹¹ Laj Manasés kixk'ul ajwi' eb' li tenamit a'in sa' xch'och'eb' laj Isakar ut laj Aser: Betsán rochb'eeneb' li xk'aleb'aal; Iblehán rochb'eeneb' li xk'aleb'aal; Dor rochb'eeneb' li xk'aleb'aal; Tanak ut Mejido rochb'eeneb' li xk'aleb'aal, ut jun rox raqal re Néfet.

Josué 17:11 ပူးပေါင်းရင်းမြစ်များ

1 Crónicas 7:29

Eb li ralal xcꞌajol laj Manasés queꞌtaklan saꞌ xbe̱neb li tenamit Bet-seán rochben lix cocꞌ cꞌaleba̱l, Taanac rochben lix cocꞌ cꞌaleba̱l, Meguido rochben lix cocꞌ cꞌaleba̱l, ut Dor rochben lix cocꞌ cꞌaleba̱l. Saꞌ eb li naꞌajej aꞌin queꞌcuan eb li ralal xcꞌajol laj José li ralal laj Israel.

2 Reyes 9:27

Laj Ocozías lix reyeb laj Judá quiril li quicꞌulman. Joꞌcan nak quie̱lelic toj Bet-hagan. Abanan laj Jehú quixta̱ke ut quixye reheb lix soldados nak teꞌxcamsi laj Ocozías. Queꞌxcut chi tzimaj saꞌ lix carruaje saꞌ li taksi̱nc Gur li cuan chixcꞌatk Ibleam. Abanan laj Ocozías co̱ toj Meguido ut aran quicam.

Jueces 5:19

Queꞌchal eb li rey aj Canaán chi pletic saꞌ li tenamit Taanac, li cuan nachꞌ riqꞌuin li haꞌ li cuan Meguido. Abanan ma̱cꞌaꞌ queꞌre̱chani.

Jueces 1:27

Eb li ralal xcꞌajol laj Manasés incꞌaꞌ queꞌru risinquileb li cuanqueb saꞌ eb li tenamit Bet-seán ut Taanac, joꞌ ajcuiꞌ li tenamit Dor. Chi moco queꞌrisiheb saꞌ li cocꞌ cꞌaleba̱l li cuanqueb chi xjun sutam. Ut incꞌaꞌ queꞌrisiheb saꞌ eb li tenamit Ibleam ut Meguido, chi moco queꞌrisiheb saꞌ li cocꞌ cꞌaleba̱l li cuanqueb chi xjun sutam. Joꞌcan nak eb laj cananeo queꞌcana chi cua̱nc saꞌ li naꞌajej aꞌan.

Josué 12:23

li rey re Dor, ut li rey re li tenamit Goim li cuan aran Gilgal,

Salmos 83:10

La̱at casach ruheb saꞌ li naꞌajej Endor ut aran queꞌkꞌa ut queꞌsukꞌi chokꞌ xkꞌemal li chꞌochꞌ.

1 Reyes 9:15

Laj Salomón quixpuersiheb li tenamit chi cꞌanjelac re xyi̱banquil li templo ut lix palacio, ut li cab Milo xcꞌabaꞌ. Ut quixtakla ajcuiꞌ xyi̱banquil li tzꞌac li sutsu cuiꞌ li tenamit Jerusalén. Joꞌcan ajcuiꞌ eb li tenamit Hazor, Meguido ut Gezer.

1 Samuel 31:10

Chirix chic aꞌan queꞌxqꞌue lix chꞌi̱chꞌ laj Saúl saꞌ li rochoch lix Astarot, lix dioseb. Ut queꞌxtꞌuyub li camenak chiru li tzꞌac aran Bet-sán.

1 Samuel 28:7

Laj Saúl quixbokeb li nequeꞌtaklan saꞌ xbe̱neb lix soldados. Quixye reheb: —Sicꞌomak chak junak li ixk aj kꞌe ut la̱in tinxic chi a̱tinac riqꞌuin aꞌan, chan. Eb li cui̱nk queꞌxye re: —Cuan jun li ixk aj kꞌe aran Endor li naxnau kꞌehi̱nc, chanqueb.

Josué 11:2

Ut quixtakla ajcuiꞌ xyebal resil reheb li rey li cuanqueb saꞌ li norte saꞌ li naꞌajej li tzu̱l ru, li cuan cuiꞌ li Palau Cineret, joꞌ ajcuiꞌ eb li rey li cuanqueb saꞌ li sur saꞌ li naꞌajej Arabá. Ut quixtakla resil reheb li cuanqueb saꞌ li ru takꞌa ut eb li cuanqueb saꞌ li oeste saꞌ li tenamit Dor.

Zacarías 12:11

Saꞌ eb li cutan aꞌan ta̱cua̱nk jun nimla rahil chꞌo̱lej saꞌ li tenamit Jerusalén, joꞌ quicꞌulman saꞌ li naꞌajej Hadad-rimón, li cuan saꞌ li ru takꞌa Meguido.

2 Crónicas 35:22

Abanan laj Josías incꞌaꞌ quiraj rabinquil li cꞌaꞌru quixye laj Necao ut incꞌaꞌ quixqꞌue retal nak li Dios yo̱ chi tenkꞌa̱nc re. Joꞌcan nak quixqꞌue li rakꞌ re pletic ut co̱ chi pletic riqꞌuin laj Necao saꞌ li ru takꞌa re Meguido.

1 Crónicas 6:70

Li yi jach li ralal xcꞌajol laj Manasés queꞌxqꞌue li tenamit Aner rochben lix cocꞌ cꞌaleba̱l ut Bileam rochben lix cocꞌ cꞌaleba̱l reheb li ralal xcꞌajol laj Coat li toj ma̱jiꞌ queꞌxcꞌul li reheb aꞌan.

1 Samuel 31:12

Queꞌxchꞌutub rib chixjunileb li cui̱nk li cauheb xchꞌo̱l chi pletic ut queꞌco̱eb. Chixjunil li kꞌojyi̱n queꞌbe̱c. Nak queꞌcuulac aran Bet-sán, queꞌrisiheb li camenak chiru li tzꞌac, laj Saúl joꞌ eb ajcuiꞌ li oxib chi ralal. Queꞌxcꞌameb li camenak toj Jabes ut aran queꞌxcꞌat.

Josué 16:9

Cuanqueb ajcuiꞌ cuib oxib li tenamit ut li cocꞌ cꞌaleba̱l li quiqꞌueheꞌ reheb li ralal xcꞌajol laj Efraín saꞌ lix naꞌajeb li ralal xcꞌajol laj Manasés.

Josué 12:21

li rey re Taanac, ut li rey re Meguido,

Josué 17:10

Li naꞌajej li quitzꞌak laj Efraín, aꞌan li cuan saꞌ li sur. Ut li naꞌajej li quitzꞌak laj Manasés, aꞌan li cuan saꞌ li norte. Ut li nuba̱l reheb li naꞌajej aꞌan, aꞌan li palau Mediterráneo saꞌ li oeste. Naxcꞌul rib lix naꞌajeb riqꞌuin lix naꞌaj laj Aser saꞌ li norte ut naxcꞌul ajcuiꞌ rib lix naꞌajeb riqꞌuin lix naꞌaj laj Isacar saꞌ li este.

Josué 17:16

Eb li ralal xcꞌajol laj José queꞌxye: —Li naꞌajej li tzu̱l ru incꞌaꞌ ta̱tzꞌaklok chokꞌ ke. Ut eb laj cananeo li cuanqueb saꞌ li naꞌajej aꞌan, joꞌ ajcuiꞌ li cuanqueb saꞌ li ru takꞌa cuanqueb xcarruaje re pletic. Joꞌcan ajcuiꞌ li cuanqueb Bet-seán, joꞌ ajcuiꞌ li cuanqueb saꞌ li cꞌaleba̱l. Joꞌcan ajcuiꞌ li cuanqueb saꞌ li ru takꞌa Jezreel, chanqueb.

2 Samuel 21:12

Joꞌcan nak co̱ riqꞌuineb li cui̱nk li cuanqueb Jabes, li cuan saꞌ xcue̱nt Galaad, re tixcꞌam lix bakeleb laj Saúl ut laj Jonatán. (Eb li cui̱nk aꞌan queꞌrelkꞌa li camenak aran Bet-sán saꞌ li naꞌajej li queꞌtꞌuyuba̱c cuiꞌ xbaneb laj filisteo saꞌ li cutan nak queꞌcamsi̱c saꞌ li tzu̱l Gilboa.)

Jeremías 49:2

Ta̱cuulak xkꞌehil nak eb laj Amón li cuanqueb saꞌ li tenamit Rabá teꞌrabi nak eb li tenamit teꞌxjap reheb chi pletic. Ut li tenamit juqꞌuinbil chic ta̱cana̱k. Eb li tenamit li cuanqueb chi xjun sutam teꞌcꞌatekꞌ. Ut eb laj Israel teꞌre̱chani cuiꞌchic li naꞌajej li quimakꞌeꞌ chiruheb xbaneb laj Amón, chan li Ka̱cuaꞌ.