Josué 17:1 - Li Santil hu

¹ Ut queꞌbu̱lic chirix li naꞌajej li tixcꞌul laj Manasés li xbe̱n ralal laj José. Laj Maquir, aꞌan li xbe̱n ralal laj Manasés. Laj Maquir, aꞌan lix yucuaꞌ laj Galaad. Eb li ralal xcꞌajol laj Maquir cauheb rib chi pletic. Joꞌcan nak queꞌre̱chani li naꞌajej Galaad ut Basán.

Q'eqchi Bible

¹ Li xteepal laj Manasés kitz'aqk na'ajej sa' xk'ab'a' naq a'an xb'een ralal laj José. Laj Makir aj puub', xb'een ralal laj Manasés ut xyuwa' laj Galahad, kireechani Galahad ut Basán.

Josué 17:1 ပူးပေါင်းရင်းမြစ်များ

Números 26:29

Aꞌaneb aꞌin li ralal xcꞌajol laj Manasés: eb li ralal xcꞌajol laj Maquir; ut eb li ralal xcꞌajol laj Galaad.

Génesis 41:51

Laj José quixqꞌue aj Manasés chok xcꞌabaꞌ li xbe̱n ralal. Ut quixye: —Li Dios xsachoc re saꞌ inchꞌo̱l chixjunil li raylal joꞌ ajcuiꞌ chixjunileb li cuanqueb saꞌ rochoch lin yucuaꞌ, chan.

Génesis 50:23

Chiru laj José queꞌyoꞌla lix cocꞌal laj Efraín, joꞌ ajcuiꞌ lix cocꞌal laj Maquir li ralal laj Manasés. Laj Maquir, aꞌan li ri laj José. Lix cocꞌal laj Maquir chanchan ajcuiꞌ ralal laj José nak narileb.

Génesis 46:20

Laj Manasés ut laj Efraín xcꞌabaꞌeb li cuib chi ralal laj José, li queꞌcuan riqꞌuin lix Asenat aran Egipto. Lix Asenat, aꞌan xrabin laj Potifera, li quicꞌamoc be chi tijoc chiruheb laj On.

Génesis 48:18

Laj José quixye re lix yucuaꞌ: —Incꞌaꞌ, at inyucuaꞌ, ma̱ba̱nu chi joꞌcan xban nak laj Manasés, aꞌan li asbej. Qꞌue ban la̱ nim ukꞌ saꞌ xbe̱n xjolom aꞌan, chan laj José.

1 Crónicas 2:23

Abanan laj Gesur ut laj Aram quixchap chokꞌ reheb li roxcꞌa̱l (60) chi xtenamit laj Jair. Quixchap li tenamit Kenat rochben lix cocꞌ cꞌaleba̱l. Chixjunileb aꞌin, aꞌaneb li ralal xcꞌajol laj Maquir, lix yucuaꞌ laj Galaad.

Jueces 5:14

Eb li ralal xcꞌajol laj Efraín li cuanqueb saꞌ li naꞌajej li queꞌcuan cuiꞌ laj Amalec, queꞌco̱eb saꞌ li ru takꞌa. Queꞌco̱eb ajcuiꞌ li ralal xcꞌajol laj Benjamín. Ut queꞌco̱eb li nequeꞌtaklan saꞌ xya̱nkeb laj Maquir, joꞌ eb ajcuiꞌ li cuanqueb xcuanquil saꞌ xya̱nkeb li ralal xcꞌajol laj Zabulón.

Deuteronomio 21:17

Tento nak tixqꞌue cuib sut xqꞌuial li cꞌaꞌak re ru re li xbe̱n alalbej usta aꞌan ma̱cuaꞌ li ralal li cuan riqꞌuin li rixakil li naxra. Tento nak tixqꞌue re li joꞌ qꞌuial xcꞌulub xcꞌulbal xban nak aꞌan li xbe̱n alalbej.

Números 32:33

Joꞌcan nak laj Moisés quixqꞌue lix naꞌaj laj Sehón lix reyeb laj amorreo ut lix naꞌaj laj Og lix reyeb laj Basán reheb li ralal xcꞌajol laj Gad, ut reheb li ralal xcꞌajol laj Rubén ut reheb ajcuiꞌ yijach li ralal xcꞌajol laj Manasés li ralal laj José. Quixqꞌue ajcuiꞌ reheb li tenamit ut eb li cocꞌ cꞌaleba̱l li cuanqueb chi xjun sutam.

Números 27:1

Saꞌ xya̱nkeb lix te̱pal li ralal xcꞌajol laj Manasés cuanqueb o̱b li ixk ri̱tzꞌineb rib. Eb li o̱b chi ixk aꞌin, aꞌaneb lix rabin laj Zelofehad. Aꞌaneb aꞌin lix cꞌabaꞌeb: lix Maala, lix Noa, lix Hogla, lix Milca ut lix Tirsa. Laj Zelofehad, aꞌan li ralal laj Hefer. Ut laj Hefer, aꞌan li ralal laj Galaad. Ut laj Galaad, aꞌan li ralal laj Maquir. Laj Maquir, aꞌan li ralal laj Manasés. Ut laj Manasés, aꞌan li ralal laj José.

Génesis 48:17

Ut laj José quiril nak lix yucuaꞌ quixqꞌue lix nim ukꞌ saꞌ xjolom laj Efraín li i̱tzꞌinbej. Incꞌaꞌ quicuulac chiru. Laj José ticto quixjal li rukꞌ lix yucuaꞌ ut quixqꞌue lix nim ukꞌ saꞌ xbe̱n xjolom laj Manasés.

Josué 17:2

Ut queꞌbu̱lic ajcuiꞌ chirix li naꞌajej li teꞌxcꞌul li jun chꞌol chic li ralal xcꞌajol laj Manasés, aꞌ yal chanru xqꞌuialeb li junju̱nk chꞌu̱tal. Aꞌaneb aꞌin li queꞌcꞌuluc re li naꞌajej li cuan jun pacꞌal li nimaꞌ Jordán saꞌ li oeste: laj Abiezer, laj Helec, laj Asriel, laj Siquem, laj Hefer, ut laj Semida. Eb li cui̱nk aꞌin, aꞌaneb li ralal laj Manasés ut lix yucuaꞌchineb, aꞌan laj José. Ut eb aꞌan queꞌcuan ralal xcꞌajol.

Josué 22:7

Yijach li ralal xcꞌajol laj Manasés quiqꞌueheꞌ xnaꞌajeb aran Basán saꞌ li este xban laj Moisés. Ut li yijach chic li ralal xcꞌajol laj Manasés quiqꞌueheꞌ xnaꞌajeb xban laj Josué saꞌ xya̱nkeb laj Israel, li xeꞌcana chi cua̱nc aran jun pacꞌal li nimaꞌ Jordán saꞌ li oeste. Ut eb li yijach li ralal xcꞌajol laj Manasés, li quiqꞌueheꞌ xnaꞌajeb saꞌ li este, laj Josué quixtaklaheb saꞌ rochocheb nak acak xtzꞌa̱ma rosobtesinquileb chiru li Ka̱cuaꞌ.

Ezequiel 48:4

Ut saꞌ li nuba̱l re lix chꞌochꞌ laj Neftalí tixcꞌul lix naꞌaj laj Manasés. Naticla saꞌ li este ut nacuulac toj chire li palau.

Génesis 41:52

Ut laj José quixqꞌue aj Efraín chokꞌ xcꞌabaꞌ li ralal jun chic. Ut quixye: —Li Ka̱cuaꞌ Dios xqꞌuehoc re li sahil echej cue saꞌ li tenamit aꞌin bar xincꞌul cuiꞌ li raylal, chan.

2 Samuel 2:9

Ut quixxakab laj Is-boset chokꞌ xreyeb li cuanqueb Galaad, ut eb li cuanqueb Gesuri, joꞌ eb ajcuiꞌ li cuanqueb Jezreel. Ut quixxakab ajcuiꞌ chokꞌ xreyeb li ralal xcꞌajol laj Efraín ut eb li ralal xcꞌajol laj Benjamín. Quixxakab chokꞌ xreyeb chixjunileb li cuanqueb saꞌ li naꞌajej Israel.

Ezequiel 47:13

Li nimajcual Dios quixye: —Aꞌaneb aꞌin lix nuba̱l li chꞌochꞌ li ta̱jeqꞌui̱k reheb li cablaju xte̱paleb li ralal xcꞌajol laj Israel. Cuib jachal li chꞌochꞌ li teꞌxcꞌul eb li ralal xcꞌajol laj José.