Josué 16:9 - Li Santil hu

⁹ Cuanqueb ajcuiꞌ cuib oxib li tenamit ut li cocꞌ cꞌaleba̱l li quiqꞌueheꞌ reheb li ralal xcꞌajol laj Efraín saꞌ lix naꞌajeb li ralal xcꞌajol laj Manasés.

Q'eqchi Bible

⁹ Wankeb' ajwi' tenamit ut k'aleb'aal, sa' xch'och'eb' laj Efraín, li ke'k'ehe'k reheb' li ralal xk'ajol laj Efraín.

Josué 16:9 ပူးပေါင်းရင်းမြစ်များ

Josué 17:9

Cuan ajcuiꞌ naꞌajej queꞌtzꞌak li ralal xcꞌajol laj Efraín xcomon lix naꞌajeb li ralal xcꞌajol laj Manasés. Li tenamit aꞌin li queꞌtzꞌak li ralal xcꞌajol laj Manasés, aꞌan naticla chak cuan cuiꞌ li nimaꞌ Caná li cuan saꞌ li sur ut nacuulac saꞌ li nuba̱l li nacana saꞌ li norte. Nacuulac toj saꞌ li na-oc cuiꞌ li nimaꞌ saꞌ li palau Mediterráneo.

Josué 16:8

Li nuba̱l aꞌan naticla saꞌ li tenamit Tapúa ut nacuulac cuan cuiꞌ li nimaꞌ Caná ut cuan cuiꞌ li palau Mediterráneo. Aꞌan aꞌin li naꞌajej li quijeqꞌui̱c reheb li ralal xcꞌajol laj Efraín, aꞌ yal chanru xqꞌuialeb li junju̱nk chꞌu̱tal.

Josué 16:10

Eb li ralal xcꞌajol laj Efraín incꞌaꞌ queꞌrisiheb laj cananeo li cuanqueb saꞌ li tenamit Gezer. Toj cuanqueb ajcuiꞌ saꞌ li tenamit aꞌan rochbeneb li ralal xcꞌajol laj Efraín. Abanan tento nak teꞌtojok.

2 Samuel 2:9

Ut quixxakab laj Is-boset chokꞌ xreyeb li cuanqueb Galaad, ut eb li cuanqueb Gesuri, joꞌ eb ajcuiꞌ li cuanqueb Jezreel. Ut quixxakab ajcuiꞌ chokꞌ xreyeb li ralal xcꞌajol laj Efraín ut eb li ralal xcꞌajol laj Benjamín. Quixxakab chokꞌ xreyeb chixjunileb li cuanqueb saꞌ li naꞌajej Israel.

1 Crónicas 7:28

Li naꞌajej li queꞌcuan cuiꞌ, aꞌan laj Bet-el rochben lix cocꞌ cꞌaleba̱l. Saꞌ li oriente xcuulac toj Naarán, saꞌ li oeste xcuulac toj Gezer rochbeneb lix cocꞌ cꞌaleba̱l. Queꞌcuan ajcuiꞌ Siquem rochben lix cocꞌ cꞌaleba̱l toj Gaza rochben lix cocꞌ cꞌaleba̱l.

Ezequiel 48:5

Ut saꞌ li nuba̱l re lix chꞌochꞌ laj Manasés tixcꞌul lix naꞌaj laj Efraín. Naticla saꞌ li este ut nacuulac toj chire li palau.