Josué 16:5 - Li Santil hu

⁵ Aꞌan aꞌin li naꞌajej li queꞌxcꞌul eb li ralal xcꞌajol laj Efraín, aꞌ yal chanru xqꞌuialeb li junju̱nk chꞌu̱tal: Li nuba̱l saꞌ li este naticla chak saꞌ li tenamit Atarot-adar. Nacuulac toj Bet-horón li cuan saꞌ xbe̱n bol.

Q'eqchi Bible

⁵ A'an a'in li xnub'ajl li xna'ajeb' li ralal xk'ajol laj Efraín, chi ch'uutal: sa' releb'l saq'e, li nub'ajl a'an li tenamit Atrot-Arak toj Bet-Jorón taqe'q,

Josué 16:5 ပူးပေါင်းရင်းမြစ်များ

Josué 18:13

Li nuba̱l naxic toj cuan cuiꞌ li naꞌajej Luz li nequeꞌxye ajcuiꞌ Bet-el re ut naxic saꞌ li sur. Ut nacuulac saꞌ li tenamit Atarot-adar li cuan cuiꞌ li tzu̱l li cuan saꞌ li sur riqꞌuin li tenamit Bet-horón li cuan takꞌa.

Josué 16:2

Nocox-e̱lk Bet-el li nequeꞌxye ajcuiꞌ Luz re, ut naxic toj saꞌ li tenamit Atarot saꞌ lix naꞌajeb laj arquitas.

Josué 10:10

Li Ka̱cuaꞌ Dios quirocsi xxiuheb laj amorreo nak queꞌril eb laj Israel. Ut nabaleb li cuanqueb Gabaón queꞌcamsi̱c. Ut li incꞌaꞌ queꞌcam, queꞌa̱linac ut eb laj Israel queꞌxta̱keheb toj saꞌ li naꞌajej Bet-horón. Ut cuanqueb cuiꞌchic li queꞌcamsi̱c nak yo̱queb chi numecꞌ saꞌ eb li naꞌajej Azeca ut Maceda.

1 Crónicas 7:24

Lix rabin laj Efraín, aꞌan lix Seera. Lix Seera quixtiquib li cuib chi tenamit Bet-horón, li cuan takecꞌ ut li cuan takꞌa. Ut quixtiquib ajcuiꞌ li tenamit Uzen-seera.

Ezequiel 48:5

Ut saꞌ li nuba̱l re lix chꞌochꞌ laj Manasés tixcꞌul lix naꞌaj laj Efraín. Naticla saꞌ li este ut nacuulac toj chire li palau.

2 Samuel 2:9

Ut quixxakab laj Is-boset chokꞌ xreyeb li cuanqueb Galaad, ut eb li cuanqueb Gesuri, joꞌ eb ajcuiꞌ li cuanqueb Jezreel. Ut quixxakab ajcuiꞌ chokꞌ xreyeb li ralal xcꞌajol laj Efraín ut eb li ralal xcꞌajol laj Benjamín. Quixxakab chokꞌ xreyeb chixjunileb li cuanqueb saꞌ li naꞌajej Israel.

1 Crónicas 7:28

Li naꞌajej li queꞌcuan cuiꞌ, aꞌan laj Bet-el rochben lix cocꞌ cꞌaleba̱l. Saꞌ li oriente xcuulac toj Naarán, saꞌ li oeste xcuulac toj Gezer rochbeneb lix cocꞌ cꞌaleba̱l. Queꞌcuan ajcuiꞌ Siquem rochben lix cocꞌ cꞌaleba̱l toj Gaza rochben lix cocꞌ cꞌaleba̱l.