Josué 16:4 - Li Santil hu

⁴ Aꞌaneb aꞌin li naꞌajej li queꞌtzꞌak li ralal xcꞌajol laj Manasés ut eb li ralal xcꞌajol laj Efraín, li cuib chi ralal laj José.

Q'eqchi Bible

⁴ A'an a'in li reechanihomeb' li ralal xk'ajol laj José, laj Manasés ut laj Efraín.

Josué 16:4 ပူးပေါင်းရင်းမြစ်များ

Josué 17:14

Eb li ralal xcꞌajol laj José queꞌa̱tinac riqꞌuin laj Josué ut queꞌxye re: —¿Cꞌaꞌut nak incꞌaꞌ qꞌui li kanaꞌaj li xaqꞌue ke? La̱o nabalo xban nak li Ka̱cuaꞌ yo̱ chikosobtesinquil toj chalen anakcuan, chan.

Josué 16:5

Aꞌan aꞌin li naꞌajej li queꞌxcꞌul eb li ralal xcꞌajol laj Efraín, aꞌ yal chanru xqꞌuialeb li junju̱nk chꞌu̱tal: Li nuba̱l saꞌ li este naticla chak saꞌ li tenamit Atarot-adar. Nacuulac toj Bet-horón li cuan saꞌ xbe̱n bol.

Génesis 41:52

Ut laj José quixqꞌue aj Efraín chokꞌ xcꞌabaꞌ li ralal jun chic. Ut quixye: —Li Ka̱cuaꞌ Dios xqꞌuehoc re li sahil echej cue saꞌ li tenamit aꞌin bar xincꞌul cuiꞌ li raylal, chan.

Josué 14:4

Cuib te̱p li ralal xcꞌajol laj José. Aꞌaneb li ralal xcꞌajol laj Manasés ut eb li ralal xcꞌajol laj Efraín. Ut incꞌaꞌ queꞌqꞌueheꞌ xchꞌochꞌeb li ralal xcꞌajol laj Leví. Caꞌaj cuiꞌ quiqꞌueheꞌ xnaꞌajeb bar naru teꞌcua̱nk saꞌ eb li tenamit ut quiqꞌueheꞌ ajcuiꞌ xnaꞌajeb re teꞌxqꞌuiresi xqueto̱mkeb.

Josué 18:5

Cuukub jachal teꞌrisi nak teꞌxjeqꞌui. Ut li naꞌajej li ta̱qꞌuehekꞌ reheb li ralal xcꞌajol laj Judá, aꞌan li cuan saꞌ li sur. Ut li naꞌajej li ta̱qꞌuehekꞌ reheb li ralal xcꞌajol laj José, aꞌan li cuan saꞌ li norte.

Ezequiel 47:13

Li nimajcual Dios quixye: —Aꞌaneb aꞌin lix nuba̱l li chꞌochꞌ li ta̱jeqꞌui̱k reheb li cablaju xte̱paleb li ralal xcꞌajol laj Israel. Cuib jachal li chꞌochꞌ li teꞌxcꞌul eb li ralal xcꞌajol laj José.