Josué 15:8 - Li Santil hu

⁸ Li nuba̱l aꞌin naxic toj saꞌ li ru takꞌa cuan cuiꞌ lix naꞌaj li ralal laj Hinom. Li naꞌajej aꞌan nacana saꞌ li sur li cuanqueb cuiꞌ laj jebuseo. Aꞌan li Jerusalén. Li nuba̱l nacuulac saꞌ xbe̱n li tzu̱l li cuan saꞌ xcaꞌyaba̱l li ru takꞌa re Hinom li nacana saꞌ li oeste re li ru takꞌa li cuan xcue̱nt Refaim, li nacana saꞌ li norte.

Q'eqchi Bible

⁸ Chirix chik a'an naxik sa' xtaq'ahil Ben-Hinón, sa' rokeb'l iq', toj sa' xb'een xTel laj Jebús, naraj naxye toj Jerusalén. Sa' rokeb'l saq'e li xnub'ajl nawulak toj sa' xb'een li tzuul li wank sa' xjayal li xTaq'ahil Hinón, tz'aqal sa' releb'l iq' re li xTaq'ahil Refaín.

Josué 15:8 ပူးပေါင်းရင်းမြစ်များ

Josué 18:16

Li nuba̱l naticla chak cuan cuiꞌ li tzu̱l li cuan saꞌ xcaꞌyaba̱l li ru takꞌa Ben-hinom, li cuan saꞌ li norte riqꞌuin li ru takꞌa re Refaim. Naxic saꞌ li ru takꞌa re Hinom li cuan saꞌ li sur cuanqueb cuiꞌ laj jebuseo ut chirix aꞌan naxic cuan cuiꞌ li yuꞌam haꞌ Rogel.

Josué 15:63

Abanan eb li ralal xcꞌajol laj Judá incꞌaꞌ queꞌru risinquileb laj jebuseo saꞌ li tenamit Jerusalén. Eb laj jebuseo toj cuanqueb saꞌ li tenamit Jerusalén toj chalen anakcuan rochbeneb li ralal xcꞌajol laj Judá.

Jueces 19:10

Abanan li cui̱nk incꞌaꞌ quixcꞌul xchꞌo̱l nak teꞌcana̱k jun kꞌojyi̱nak chic. Quixcꞌam li ixk ut lix mo̱s ut li cuib chi bu̱r. Nak ac nachꞌ cuanqueb riqꞌuin li tenamit Jebús, li nayeman Jerusalén re,

Josué 18:28

Zela, Elef, Jebús li nequeꞌxye ajcuiꞌ Jerusalén re, Gabaa ut Quiriat. Ca̱laju chixjunileb li tenamit rochbeneb li cocꞌ cꞌaleba̱l. Aꞌan aꞌin li naꞌajej li quiqꞌueheꞌ reheb li ralal xcꞌajol laj Benjamín, aꞌ yal chanru xqꞌuial li junju̱nk chꞌu̱tal.

2 Reyes 23:10

Li rey Josías quixtakla xpoꞌbal li naꞌajej Tofet li cuan saꞌ li ru takꞌa saꞌ lix chꞌochꞌ laj Ben-hinom. Quixpoꞌ li naꞌajej aꞌan re nak ma̱ ani chic tixcꞌat li ralal malaj ut lix rabin chokꞌ xmayej chiru li yi̱banbil dios Moloc.

Jueces 1:21

Abanan eb li ralal xcꞌajol laj Benjamín incꞌaꞌ queꞌrisiheb laj jebuseo saꞌ li tenamit Jerusalén. Toj chalen anakcuan eb laj jebuseo cuanqueb saꞌ xya̱nkeb li ralal xcꞌajol laj Benjamín.

Jeremías 19:14

Chirix chic aꞌan laj Jeremías qui-el Tofet ut co̱ cuiꞌchic Jerusalén, li quitakla̱c cuiꞌ xban li Ka̱cuaꞌ chixyebal reheb li tenamit cꞌaꞌru ta̱cꞌulma̱nk. Laj Jeremías quixakli saꞌ li neba̱l re li templo ut quixye reheb li tenamit chi joꞌcaꞌin:

Jeremías 19:6

Ta̱cuulak xkꞌehil nak incꞌaꞌ chic teꞌxye ‘Tofet’ re li naꞌajej aꞌin, chi moco teꞌxye ‘Li Ru Takꞌa re Ben-hinom’. Teꞌxye ban re: ‘Ru Takꞌa re Camsi̱nc’.

Jeremías 19:2

Ut tatxic saꞌ li ru takꞌa Ben-hinom. Tatxakli̱k saꞌ li oqueba̱l li cuanqueb cuiꞌ laj pacꞌonel ut aran ta̱ye reheb li tenamit li a̱tin li tinye a̱cue.

Isaías 17:5

Li naꞌajej Israel nayamnac ta̱cana̱k joꞌ jun lix naꞌaj li acui̱mk nak ac xsiqꞌueꞌ li ru. Chanchanak li ru takꞌa re Refaim nak ac sicꞌbil chixjunil li ru li acui̱mk li na-el saꞌ li naꞌajej aꞌan.

2 Crónicas 28:3

Ut quixcꞌat li pom saꞌ li ru takꞌa Hinom. Ut quixcꞌateb chokꞌ xmayej lix cocꞌal joꞌ queꞌxba̱nu li tenamit li queꞌisi̱c saꞌ li naꞌajej aꞌan xban li Dios nak eb li ralal xcꞌajol laj Israel queꞌoc aran.

2 Samuel 5:22

Chirix chic aꞌan, eb laj filisteo queꞌco̱eb cuiꞌchic aran saꞌ li ru takꞌa re Refaim.

2 Samuel 5:18

Eb laj filisteo queꞌcana saꞌ li ru takꞌa re Refaim.

Jueces 1:8

Eb li ralal xcꞌajol laj Judá queꞌpletic riqꞌuineb li cuanqueb Jerusalén ut queꞌnumta saꞌ xbe̱neb. Queꞌxcamsiheb li cristian ut queꞌxcꞌat lix tenamiteb.

1 Crónicas 11:4

Laj David rochbeneb chixjunileb laj Israel queꞌco̱eb Jerusalén, li nequeꞌxye ajcuiꞌ Jebús re. Cuanqueb laj jebuseo saꞌ li tenamit aꞌan.

Nehemías 11:30

Ut cuanqueb ajcuiꞌ li queꞌco̱eb chi cua̱nc saꞌ eb li tenamit Zanoa ut Adulam. Ut cuanqueb li queꞌco̱eb saꞌ li cꞌaleba̱l. Ut cuanqueb ajcuiꞌ li queꞌco̱eb Laquis ut Azeca. Ut cuanqueb ajcuiꞌ li queꞌco̱eb saꞌ li cꞌaleba̱l. Queꞌco̱eb laj Israel chi cua̱nc saꞌ li tenamit Beerseba nacuulac toj saꞌ li ru takꞌa re Hinom.