Josué 15:7 - Li Santil hu

⁷ Chirix aꞌan naxic saꞌ li naꞌajej Debir cuan cuiꞌ li ru takꞌa Acor. Naxqꞌue chak vue̱lt saꞌ li naꞌajej Gilgal li cuan saꞌ xcaꞌyaba̱l li tzu̱l Adumín, li cuan saꞌ li sur re li nimaꞌ. Ut naxic saꞌ li yuꞌam haꞌ En-semes xcꞌabaꞌ ut nocox-e̱lk cuan cuiꞌ li yuꞌam haꞌ Rogel.

Q'eqchi Bible

⁷ Li nub'ajl nataqe'k chalen chaq sa' xtaq'ahil Akor toj Debir, ut naxik wi' chik sa' releb'l iq' wan wi' xsutam li pek sa' xjayal li taqsink re Adumín, sa' xjayal rokeb'l iq' re li Nima'. Li xnub'ajl nanume'k sa' li ha' re En-Semes ut nokox'elq En-Rokel.

Josué 15:7 ပူးပေါင်းရင်းမြစ်များ

1 Reyes 1:9

Saꞌ jun li cutan laj Adonías quixba̱nu jun li ninkꞌe. Quixcamsi eb li bo̱yx, li carner, ut eb li cuacax li toj sa̱jeb li ni̱nkeb xtibeleb. Quixcamsiheb nachꞌ riqꞌuin li nimla pec Zohelet xcꞌabaꞌ li cuan nachꞌ riqꞌuin li haꞌ Rogel. Quixbokeb chixjunileb li ralal li rey re teꞌxic saꞌ lix ninkꞌe. Ut quixbokeb ajcuiꞌ li nequeꞌcꞌanjelac chiru li rey li chalenakeb Judá.

2 Samuel 17:17

Laj Jonatán ut laj Ahimaas cuanqueb chire li haꞌ Rogel. Incꞌaꞌ naru teꞌoc Jerusalén xban nak naru nequeꞌileꞌ. Joꞌcan nak jun li mo̱s ixk naxic chixyebal reheb cꞌaꞌru yo̱ chicꞌulma̱nk saꞌ li tenamit. Ut chirix aꞌan, laj Jonatán ut laj Ahimaas nequeꞌxic chixyebal re li rey David.

Josué 7:26

Ut queꞌxtu̱b nabal li pec saꞌ xbe̱n ut eb li pec aꞌan toj cuanqueb anakcuan. Riqꞌuin aꞌin qui-el xjoskꞌil li Ka̱cuaꞌ saꞌ xbe̱neb laj Israel. Toj chalen anakcuan nequeꞌxye re li naꞌajej aꞌan “Li ru takꞌa re Acor”.

Oseas 2:5

xban nak eb aꞌan ralal xcꞌajol li ixk li incꞌaꞌ naxuta̱nac xba̱nunquil li ma̱usilal. Li ixk aꞌan quixye: —La̱in tinxic riqꞌuineb li cui̱nk li nequeꞌqꞌuehoc cue lin cua cuucꞌa, li nequeꞌqꞌuehoc cue li cha̱bil tꞌicr lana ut lino joꞌ ajcuiꞌ li vino ut li aceite olivo, chan.

Isaías 65:10

Lix queto̱mkeb li cualal incꞌajol li nequeꞌsicꞌoc cue teꞌcua̱nk saꞌ li ru takꞌa Sarón. Ut eb lix cuacax teꞌichajibk saꞌ li ru takꞌa Acor.

Josué 15:15

Nak ac quire̱chani lix naꞌajeb aꞌan, co̱ chirisinquileb li cuanqueb saꞌ li tenamit Debir. (Li tenamit Debir, Quiriat-sefer nequeꞌxye re junxil.)

Josué 10:43

Ut laj Josué rochbeneb lix soldados queꞌsukꞌi cuiꞌchic aran Gilgal saꞌ li naꞌajej li yo̱queb cuiꞌ chi hila̱nc.

Josué 7:24

Laj Josué ut chixjunileb laj Israel queꞌxchap laj Acán ut queꞌxcꞌam saꞌ li ru takꞌa Acor rochben li plata, li tꞌicr, li oro, ut eb li ralal xcꞌajol joꞌ ixk joꞌ cui̱nk. Queꞌxcꞌam ajcuiꞌ lix bo̱yx, lix bu̱r ut eb lix carner. Ut queꞌxcꞌam ajcuiꞌ lix muheba̱l. Chixjunil li cꞌaꞌru cuan re queꞌxcꞌam.

Josué 4:19

Eb laj Israel queꞌnumeꞌ saꞌ li nimaꞌ Jordán saꞌ li laje̱b xbe li xbe̱n po re li chihab aꞌan. Ut queꞌxqꞌue lix muheba̱leb saꞌ li naꞌajej Gilgal saꞌ xbehil li tenamit Jericó.

Josué 15:6

Naxic toj saꞌ li naꞌajej Bet-hogla ut nacuulac toj saꞌ li naꞌajej Bet-arabá. Ut naxic toj cuan cuiꞌ li sako̱nac li cuan saꞌ lix naꞌaj laj Bohán li ralal laj Rubén.

Josué 18:17

Naxqꞌue chak vue̱lt saꞌ li naꞌajej En-semes ut naxic toj Gelilot li cuan saꞌ xcaꞌyaba̱l li tzu̱l Adumín ut nacuulac toj cuan cuiꞌ li sako̱nac li cuan saꞌ lix naꞌaj laj Bohán li ralal laj Rubén.