Josué 15:63 - Li Santil hu

⁶³ Abanan eb li ralal xcꞌajol laj Judá incꞌaꞌ queꞌru risinquileb laj jebuseo saꞌ li tenamit Jerusalén. Eb laj jebuseo toj cuanqueb saꞌ li tenamit Jerusalén toj chalen anakcuan rochbeneb li ralal xcꞌajol laj Judá.

Q'eqchi Bible

⁶³ Ab'anan eb' li ralal xk'ajol laj Judá ink'a' ke'ruhank chi risinkileb' laj Jebús li wankeb' Jerusalén. Jo'kan naq eb' laj Jebús toj wankeb' ajwi' Jerusalén anaqwan, rochb'eeneb' li ralal xk'ajol laj Judá.

Josué 15:63 ပူးပေါင်းရင်းမြစ်များ

Jueces 1:21

Abanan eb li ralal xcꞌajol laj Benjamín incꞌaꞌ queꞌrisiheb laj jebuseo saꞌ li tenamit Jerusalén. Toj chalen anakcuan eb laj jebuseo cuanqueb saꞌ xya̱nkeb li ralal xcꞌajol laj Benjamín.

Jueces 1:8

Eb li ralal xcꞌajol laj Judá queꞌpletic riqꞌuineb li cuanqueb Jerusalén ut queꞌnumta saꞌ xbe̱neb. Queꞌxcamsiheb li cristian ut queꞌxcꞌat lix tenamiteb.

Josué 15:8

Li nuba̱l aꞌin naxic toj saꞌ li ru takꞌa cuan cuiꞌ lix naꞌaj li ralal laj Hinom. Li naꞌajej aꞌan nacana saꞌ li sur li cuanqueb cuiꞌ laj jebuseo. Aꞌan li Jerusalén. Li nuba̱l nacuulac saꞌ xbe̱n li tzu̱l li cuan saꞌ xcaꞌyaba̱l li ru takꞌa re Hinom li nacana saꞌ li oeste re li ru takꞌa li cuan xcue̱nt Refaim, li nacana saꞌ li norte.

Josué 15:62

Li tenamit Nibsán ut li tenamit li na-el cuiꞌ li atzꞌam joꞌ ajcuiꞌ li tenamit En-gadi. Cuakib chixjunileb li tenamit li quiqꞌueheꞌ reheb rochbeneb li cocꞌ cꞌaleba̱l.

1 Reyes 9:21

Eb li ralal xcꞌajoleb li queꞌcana chi cua̱nc saꞌ li tenamit Israel queꞌqꞌueheꞌ chi cꞌanjelac chi cau xban laj Salomón re xtojbal rix lix naꞌajeb. Eb aꞌan queꞌcana chi cua̱nc aran xban nak eb laj Israel incꞌaꞌ queꞌru chirisinquileb saꞌ lix naꞌajeb.

1 Crónicas 8:28

Aꞌaneb aꞌin li queꞌtaklan saꞌ xbe̱neb li junju̱nk xte̱paleb li ralal xcꞌajol laj Benjamín li queꞌcuan aran Jerusalén.