Josué 15:4 - Li Santil hu

⁴ Nacuulac cuan cuiꞌ li naꞌajej Asmón, ut nacuulac cuan cuiꞌ li nimaꞌ re Egipto ut nocoxrakekꞌ cuan cuiꞌ li palau Mediterráneo. Aꞌan aꞌin li nuba̱l li nacana saꞌ li sur.

Q'eqchi Bible

⁴ nanume'k wan wi' Asmón, naxik sa' xjayal li nima' re Ejiipt toj sa' li palaw. A'anaq a'in leenub'ajl laa'ex sa' rokeb'l iq'.

Josué 15:4 ပူးပေါင်းရင်းမြစ်များ

Números 34:5

Ta̱numekꞌ Asmón ut ta̱cuulak cuan cuiꞌ li nimaꞌ, li cuan saꞌ li nuba̱l re li naꞌajej Egipto, ut toxrakekꞌ toj saꞌ li palau Mediterráneo.

Josué 13:3

Li naꞌajej aꞌan naticla chak saꞌ li nimaꞌ Sihor saꞌ li este re li tenamit Egipto li nacuulac toj saꞌ li nuba̱l re li tenamit Ecrón li cuan saꞌ li norte li nequeꞌxye nak reheb laj cananeo. Saꞌ li naꞌajej aꞌan cuanqueb o̱b li rey. Ut aꞌaneb li nequeꞌtaklan saꞌ xbe̱neb laj filisteo li cuanqueb saꞌ eb li tenamit Gaza, Asdod, Ascalón, Gat ut Ecrón, joꞌ ajcuiꞌ eb laj aveo;

Éxodo 23:31

La̱in tinqꞌue retalil bar ta̱numekꞌ li nuba̱l re li naꞌajej li tinqꞌue e̱re. Li nuba̱l ta̱numekꞌ cuan cuiꞌ li Caki Palau ut ta̱cuulak cuan cuiꞌ li palau Mediterráneo li cuan saꞌ xcue̱nt lix tenamiteb laj filisteo ut ta̱cuulak cuan cuiꞌ li chaki chꞌochꞌ ut toj cuan cuiꞌ li nimaꞌ Éufrates. La̱in tinkꞌaxtesiheb saꞌ e̱rukꞌ li cuanqueb saꞌ li naꞌajej aꞌan, ut la̱ex tex-isi̱nk reheb aran.

Génesis 15:18

Aꞌan aꞌin li retalil nak saꞌ li cutan aꞌan li Ka̱cuaꞌ Dios quixba̱nu jun li contrato riqꞌuin laj Abram. Ut li Dios quixye re laj Abram: —Li naꞌajej aꞌin tinqꞌue chokꞌ a̱cue ut chokꞌ reheb ajcuiꞌ la̱ cualal a̱cꞌajol li teꞌcua̱nk. Li naꞌajej li tinqꞌue reheb naticla chak cuan cuiꞌ li nimaꞌ re Egipto ut nocoxrakekꞌ cuan cuiꞌ li nimla nimaꞌ Éufrates, chan.

Josué 15:3

Saꞌ li sur nacuulac cuan cuiꞌ li tzu̱l Acrabim ut nacuulac toj saꞌ li chaki chꞌochꞌ aran Zin, ut toj saꞌ li tenamit Cades-barnea. Ut nacuulac toj Hezrón ut nacuulac ajcuiꞌ saꞌ li tzu̱l Adar. Toj saꞌ li naꞌajej Carca naxqꞌue chak vue̱lt.

Josué 15:47

Li naꞌajej Asdod rochbeneb li tenamit ut eb li cocꞌ cꞌaleba̱l, li naꞌajej Gaza rochbeneb li tenamit ut eb li cocꞌ cꞌaleba̱l nacuulac cuan cuiꞌ li nimaꞌ re Egipto ut nacuulac cuan cuiꞌ li palau Mediterráneo.

1 Reyes 8:65

Saꞌ eb li cutan aꞌan laj Salomón quixba̱nu jun li ninkꞌe rochbeneb chixjunileb laj Israel. Kꞌaxal nabaleb li chꞌutchꞌu̱queb aran. Eb aꞌan queꞌchal chak saꞌ eb li naꞌajej Hamat ut toj cuan cuiꞌ li nimaꞌ re Egipto. Li ninkꞌe aꞌin queꞌxba̱nu cuukub cutan ut chirix aꞌan queꞌxba̱nu cuukub cutan chic. Ca̱laju cutan queꞌninkꞌei̱c re xlokꞌoninquil li Dios.

Isaías 27:12

Saꞌ li cutan aꞌan li Ka̱cuaꞌ tixchꞌutubeb lix tenamit. Naticla chak cuan cuiꞌ li nimaꞌ Éufrates. Nacuulac toj saꞌ lix nuba̱leb laj Egipto. Li junju̱nk chi aj Israel teꞌchꞌutuba̱k joꞌ nak naxocman ru li trigo.