Josué 15:2 - Li Santil hu

² Ut li nuba̱l li cuan saꞌ li sur, aꞌan nacuulac cuan cuiꞌ li palau Mar Muerto xcꞌabaꞌ.

Q'eqchi Bible

² Li xnub'ajlil sa' xjayal rokeb'l iq' na'elk chaq sa' xmaril li Atz'aminb'il Palaw, tz'aqal sa' xtiklajik;

Josué 15:2 ပူးပေါင်းရင်းမြစ်များ

Ezequiel 47:8

Quixye cue li cui̱nk: —Li haꞌ aꞌin yo̱ chi xic saꞌ li este. Nanumeꞌ saꞌ li ru takꞌa Arabá ut tox-ocak saꞌ li palau Mar Muerto. Nak li haꞌ aꞌin ta̱oc saꞌ li palau, ta̱cha̱bilokꞌ li haꞌ.

Isaías 11:15

Li Ka̱cuaꞌ Dios riqꞌuin lix nimal xcuanquil tixchakihobresi li palau li cuan Egipto. Ut tixtakla li tikcual ikꞌ saꞌ xbe̱n li nimaꞌ Éufrates. Tixjach ru li nimaꞌ ut teꞌcana̱k cuukub chi cocꞌ nimaꞌ re nak eb li tenamit teꞌnumekꞌ jun pacꞌal chi incꞌaꞌ teꞌrisi lix xa̱beb.

Génesis 14:3

Li o̱b chi rey aꞌin queꞌxchꞌutub ribeb rochbeneb lix soldados saꞌ li ru takꞌa Sidim. Anakcuan li naꞌajej aꞌan Mar Muerto xcꞌabaꞌ.

Ezequiel 47:18

Li nuba̱l li cuan saꞌ li este nacuulac saꞌ xya̱nkeb li naꞌajej Haurán ut Damasco ut saꞌ xya̱nkeb li naꞌajej Galaad ut Israel. Li nimaꞌ Jordán, aꞌan lix nuba̱l. Nacuulac toj cuan cuiꞌ li palau Mar Muerto.

Josué 3:16

Ut li rok li haꞌ li nachal chak takecꞌ quixakli nachꞌ riqꞌuin li tenamit Adam li cuan chixcꞌatk li naꞌajej Saretán. Li tenamit aꞌan najt cuan riqꞌuin li naꞌajej li yo̱queb cuiꞌ chi numecꞌ laj Israel. Ut incꞌaꞌ chic naxic li haꞌ takꞌa saꞌ li palau Mar Muerto xcꞌabaꞌ. Joꞌcan nak quixjach rib li haꞌ nak quixakli. Ut eb laj Israel queꞌnumeꞌ jun pacꞌal saꞌ xjayal li naꞌajej Jericó.

Números 34:3

Li nuba̱l saꞌ li sur ta̱ticla̱k saꞌ li chaki chꞌochꞌ re Zin ut ta̱cuulak toj saꞌ li nuba̱l re Edom. Ta̱ticla̱k cuan cuiꞌ li palau Mar Muerto xcꞌabaꞌ saꞌ li sur ut ta̱xic toj saꞌ li este.

Josué 15:1

Aꞌaneb aꞌin li naꞌajej li quiqꞌueheꞌ reheb li ralal xcꞌajol laj Judá riqꞌuin bu̱lic, aꞌ yal chanru xqꞌuialeb li junju̱nk chꞌu̱tal: Li naꞌajej aꞌan naticla chak saꞌ li nuba̱l re li naꞌajej Edom. Nacuulac saꞌ li sur toj saꞌ li chaki chꞌochꞌ re Zin.

Josué 15:3

Saꞌ li sur nacuulac cuan cuiꞌ li tzu̱l Acrabim ut nacuulac toj saꞌ li chaki chꞌochꞌ aran Zin, ut toj saꞌ li tenamit Cades-barnea. Ut nacuulac toj Hezrón ut nacuulac ajcuiꞌ saꞌ li tzu̱l Adar. Toj saꞌ li naꞌajej Carca naxqꞌue chak vue̱lt.