Josué 15:1 - Li Santil hu

¹ Aꞌaneb aꞌin li naꞌajej li quiqꞌueheꞌ reheb li ralal xcꞌajol laj Judá riqꞌuin bu̱lic, aꞌ yal chanru xqꞌuialeb li junju̱nk chꞌu̱tal: Li naꞌajej aꞌan naticla chak saꞌ li nuba̱l re li naꞌajej Edom. Nacuulac saꞌ li sur toj saꞌ li chaki chꞌochꞌ re Zin.

Q'eqchi Bible

¹ A'an a'in li ch'och' kik'ehe'k rik'in b'uulink reheb' li ralal xk'ajol laj Judá, chi ch'uutal. Li na'ajej a'in natiklaak chaq sa' xnub'ajl Edom ut sa' li chaqich'och' re Sin, sa' xjayal rokeb'l iq', ut nawulak toj Kadés, sa' rokeb'l iq'.

Josué 15:1 ပူးပေါင်းရင်းမြစ်များ

Ezequiel 47:19

Li nuba̱l li cuan saꞌ li sur naticla Tamar ut nacuulac toj cuan cuiꞌ li haꞌ li cuan Cades. Ut nacuulac toj saꞌ li palau Mediterráneo. Aꞌan li nuba̱l li cuan saꞌ li sur.

Josué 14:2

Riqꞌuin bu̱lic quijeqꞌui̱c reheb li naꞌajej aꞌan, joꞌ quiyeheꞌ re laj Moisés xban li Ka̱cuaꞌ Dios. Queꞌxjeqꞌui reheb li bele̱b te̱p li ralal xcꞌajol laj Israel ut li yijach chic li ralal xcꞌajol laj Manasés.

San Marcos 3:8

Nak queꞌrabi resil li xni̱nkal usilal yo̱ chixba̱nunquil li Jesús, quilajeꞌchal chirilbal. Cuan li queꞌchal chak Jerusalén ut Idumea. Ut cuan ajcuiꞌ queꞌchal chak jun pacꞌal li nimaꞌ Jordán. Ut queꞌchal ajcuiꞌ chak Tiro ut Sidón chirilbal li Jesús.

Números 20:16

Nak kaya̱ba xcꞌabaꞌ li Ka̱cuaꞌ, quirabi li katij ut quixtakla jun lix ángel chikisinquil aran Egipto. Anakcuan cuanco Cades, li tenamit li cuan nachꞌ riqꞌuin lix nuba̱l la̱ naꞌaj.

Deuteronomio 32:51

Ta̱cꞌulma̱nk chi joꞌcan xban nak chixcabichalex xekꞌet li cua̱tin chiruheb laj Israel nak cuanquex chiru li haꞌ li cuan Meriba li cuan Cades saꞌ li chaki chꞌochꞌ Zin. La̱ex incꞌaꞌ xeqꞌue inlokꞌal chiruheb laj Israel.

Josué 15:2

Ut li nuba̱l li cuan saꞌ li sur, aꞌan nacuulac cuan cuiꞌ li palau Mar Muerto xcꞌabaꞌ.

Josué 18:5

Cuukub jachal teꞌrisi nak teꞌxjeqꞌui. Ut li naꞌajej li ta̱qꞌuehekꞌ reheb li ralal xcꞌajol laj Judá, aꞌan li cuan saꞌ li sur. Ut li naꞌajej li ta̱qꞌuehekꞌ reheb li ralal xcꞌajol laj José, aꞌan li cuan saꞌ li norte.

Ezequiel 48:7

Ut saꞌ li nuba̱l re lix chꞌochꞌ laj Rubén tixcꞌul lix naꞌaj laj Judá. Naticla saꞌ li este ut nacuulac toj chire li palau.

Génesis 35:23

Aꞌaneb aꞌin li ralal li quicuan riqꞌuin lix Lea. Laj Rubén, aꞌan li asbej. Chirix chic aꞌan quicuan laj Simeón, laj Leví, laj Judá, laj Isacar ut laj Zabulón.

1 Reyes 8:65

Saꞌ eb li cutan aꞌan laj Salomón quixba̱nu jun li ninkꞌe rochbeneb chixjunileb laj Israel. Kꞌaxal nabaleb li chꞌutchꞌu̱queb aran. Eb aꞌan queꞌchal chak saꞌ eb li naꞌajej Hamat ut toj cuan cuiꞌ li nimaꞌ re Egipto. Li ninkꞌe aꞌin queꞌxba̱nu cuukub cutan ut chirix aꞌan queꞌxba̱nu cuukub cutan chic. Ca̱laju cutan queꞌninkꞌei̱c re xlokꞌoninquil li Dios.