Josué 14:4 - Li Santil hu

⁴ Cuib te̱p li ralal xcꞌajol laj José. Aꞌaneb li ralal xcꞌajol laj Manasés ut eb li ralal xcꞌajol laj Efraín. Ut incꞌaꞌ queꞌqꞌueheꞌ xchꞌochꞌeb li ralal xcꞌajol laj Leví. Caꞌaj cuiꞌ quiqꞌueheꞌ xnaꞌajeb bar naru teꞌcua̱nk saꞌ eb li tenamit ut quiqꞌueheꞌ ajcuiꞌ xnaꞌajeb re teꞌxqꞌuiresi xqueto̱mkeb.

Q'eqchi Bible

⁴ Eb' li ralal xk'ajol laj Josué ke'xjunaji rib' sa' wiib' teep: a'aneb' a'in li xteepal laj Manasés ut li xteepal laj Efraín. Ab'an ink'a' kik'ehe'k xch'och'eb' laj Leví: ka'ajwi' ke'xk'ul kok' na'ajej b'arwi' te'wanq ut te'xk'iiresi li xketomqeb'.

Josué 14:4 ပူးပေါင်းရင်းမြစ်များ

Génesis 48:5

Ut li cuib la̱ cualal li queꞌyoꞌla arin Egipto nak ma̱jiꞌ nincꞌulun arin a̱cuiqꞌuin, tzꞌakal cualaleb ajcuiꞌ nak nequeꞌcuil. Joꞌcan nak laj Efraín ut laj Manasés teꞌcua̱nk chokꞌ cue joꞌ nak cuanqueb laj Simeón ut laj Rubén.

Génesis 41:51

Laj José quixqꞌue aj Manasés chok xcꞌabaꞌ li xbe̱n ralal. Ut quixye: —Li Dios xsachoc re saꞌ inchꞌo̱l chixjunil li raylal joꞌ ajcuiꞌ chixjunileb li cuanqueb saꞌ rochoch lin yucuaꞌ, chan.

Génesis 46:20

Laj Manasés ut laj Efraín xcꞌabaꞌeb li cuib chi ralal laj José, li queꞌcuan riqꞌuin lix Asenat aran Egipto. Lix Asenat, aꞌan xrabin laj Potifera, li quicꞌamoc be chi tijoc chiruheb laj On.

Génesis 48:1

Mokon chic coxeꞌxye re laj José: —Anakcuan xniman xyajel la̱ yucuaꞌ, chanqueb re. Ut laj José quixcꞌameb chirix xcabichaleb li ralal, laj Manasés ut laj Efraín. Ut queꞌco̱eb chirilbal laj Jacob.

Números 26:28

Eb li ralal xcꞌajol laj José, aꞌaneb laj Manasés ut laj Efraín.

2 Crónicas 30:1

Li rey Ezequías quixtakla li hu riqꞌuineb chixjunileb li ralal xcꞌajol laj Israel ut eb laj Judá ut quixtakla ajcuiꞌ resil riqꞌuineb chixjunileb li ralal xcꞌajol laj Efraín ut laj Manasés. Quixbokeb chixjunileb Jerusalén saꞌ lix templo li Ka̱cuaꞌ re nak teꞌxba̱nu li ninkꞌe Pascua re xlokꞌoninquil li Ka̱cuaꞌ lix Dioseb laj Israel.

Génesis 41:52

Ut laj José quixqꞌue aj Efraín chokꞌ xcꞌabaꞌ li ralal jun chic. Ut quixye: —Li Ka̱cuaꞌ Dios xqꞌuehoc re li sahil echej cue saꞌ li tenamit aꞌin bar xincꞌul cuiꞌ li raylal, chan.

Génesis 48:6

Ut eb li jun chꞌol chic la̱ cualal li teꞌyoꞌla̱k, aꞌaneb a̱cue. Saꞌ xcꞌabaꞌeb li cuib li raseb teꞌtzꞌako̱nk riqꞌuin li cꞌaꞌru teꞌre̱chani eb aꞌan.

Josué 16:4

Aꞌaneb aꞌin li naꞌajej li queꞌtzꞌak li ralal xcꞌajol laj Manasés ut eb li ralal xcꞌajol laj Efraín, li cuib chi ralal laj José.