Josué 14:2 - Li Santil hu

² Riqꞌuin bu̱lic quijeqꞌui̱c reheb li naꞌajej aꞌan, joꞌ quiyeheꞌ re laj Moisés xban li Ka̱cuaꞌ Dios. Queꞌxjeqꞌui reheb li bele̱b te̱p li ralal xcꞌajol laj Israel ut li yijach chic li ralal xcꞌajol laj Manasés.

Q'eqchi Bible

² Li ch'och' a'in kijek'imank chi b'uulinb'il sa' xyanqeb' li b'eleeb' chi teep ut li xyiijachil xteepal laj Manasés, jo' chanru kixye li Qaawa' re laj Moisés.

Josué 14:2 ပူးပေါင်းရင်းမြစ်များ

Números 34:13

Ut laj Moisés quixye reheb laj Israel: —Te̱bu̱li rix li chꞌochꞌ li ta̱qꞌuehekꞌ e̱re. Li Ka̱cuaꞌ quixye nak li chꞌochꞌ aꞌin ta̱jeqꞌui̱k reheb li bele̱b chꞌu̱tal riqꞌuin media chꞌu̱tal eb laj Israel.

Números 33:54

Ta̱bu̱li rix li chꞌochꞌ nak ta̱jeqꞌui reheb laj Israel, aꞌ yal jarubeb cuanqueb saꞌ li junju̱nk xte̱pal. Cui nabaleb, nabal ajcuiꞌ li chꞌochꞌ ta̱qꞌue reheb. Ut cui incꞌaꞌ qꞌuiheb, incꞌaꞌ ajcuiꞌ qꞌui li chꞌochꞌ ta̱qꞌue. Aꞌ yal joꞌ qꞌuial ta̱tzꞌak li junju̱nk, aꞌan li ta̱qꞌue reheb. Ta̱jeqꞌui li chꞌochꞌ aꞌ yal ani lix xeꞌto̱nil yucuaꞌeb.

Proverbios 16:33

Eb li cui̱nk nequeꞌxsicꞌ cꞌaꞌru teꞌxba̱nu riqꞌuin bu̱lic. Abanan li Dios, aꞌan yal re saꞌ xbe̱n chixjunil.

San Mateo 25:34

Ut la̱in li Rey tinye reheb li cuanqueb saꞌ lin nim: “Osobtesinbilex xban lin Yucuaꞌ. E̱chanihomak li nimajcual cuanquilal cauresinbil chokꞌ e̱re chalen chak saꞌ xticlajic li ruchichꞌochꞌ.

Proverbios 18:18

Riqꞌuin bu̱lic naru teꞌxyi̱b ru lix chꞌaꞌajquilal li yo̱queb chi pletic. Aꞌan naru tixrak li ple̱t usta cuanqueb xcuanquil li yo̱queb chi pletic.

Hechos 1:26

Joꞌcan nak queꞌxbu̱li rix li ani ta̱cana̱k chi cꞌanjelac. Ut nak ac xeꞌbu̱lic, li cꞌanjel aꞌan quicana saꞌ xbe̱n laj Matías. Ut saꞌ ajcuiꞌ li ho̱nal aꞌan laj Matías qui-oc chokꞌ apóstol saꞌ xya̱nkeb li junlaju chic.

Números 34:17

—Aꞌaneb aꞌin lix cꞌabaꞌeb li cui̱nk li teꞌjeqꞌui̱nk re li chꞌochꞌ: Laj Eleazar laj tij ut laj Josué li ralal laj Nun.

Josué 18:6

Nak acak xeꞌxbis ut ac xeꞌxjachi chi cuukub jachal, teꞌxtzꞌi̱ba retalil ut teꞌxcꞌam chak cuiqꞌuin re nak takabu̱li rix li naꞌajej chiru li Ka̱cuaꞌ Dios.

Números 26:52

Li Ka̱cuaꞌ quia̱tinac riqꞌuin laj Moisés ut quixye re:

Josué 13:7

Li chꞌochꞌ aꞌin ta̱jeqꞌui reheb li bele̱b xte̱paleb laj Israel ut li yijach lix te̱pal li ralal xcꞌajol laj Manasés.—

Josué 18:10

Laj Josué quibu̱lic chirix li naꞌajej chiru li Ka̱cuaꞌ Dios aran Silo. Chi joꞌcaꞌin quixjeqꞌui li chꞌochꞌ aꞌin reheb li ralal xcꞌajol laj Israel.

Ezequiel 45:1

Nak ta̱jeqꞌui li chꞌochꞌ riqꞌuin bu̱lic re xqꞌuebal reheb laj Israel li joꞌ qꞌuial teꞌtzꞌak, jun jachal ta̱kꞌaxtesi̱k re li Ka̱cuaꞌ. Lix bisbal, aꞌan cablaju kilómetro riqꞌuin media xnimal rok ut laje̱b kilómetro xnimal ru. Chixjunil li naꞌajej aꞌin santobresinbilak.