Josué 14:12 - Li Santil hu

¹² Joꞌcan nak nintzꞌa̱ma cha̱cuu nak ta̱qꞌue chokꞌ cue li naꞌajej li tzu̱l ru joꞌ quixyechiꞌi chak cue li Ka̱cuaꞌ. La̱at ac nacanau nak cuanqueb li ralal xcꞌajol laj Anac saꞌ li naꞌajej aꞌan. Cuanqueb ni̱nki tenamit ut cauheb rib chi pletic. Abanan la̱in ninnau nak li Dios ta̱cua̱nk cuiqꞌuin ut tinixtenkꞌa chirisinquileb saꞌ li naꞌajej aꞌan joꞌ quixye chak cue, chan laj Caleb.

Q'eqchi Bible

¹² Jo'kan naq nintz'aama chawu naq taak'e we li tzuul a'in anaqwan, jo' yeeb'il chaq we sa' li kutan a'an. Ak nakanaw naq wankeb' aran laj Anak; wankeb' ajwi' ninqi tenamit li yo'oon wankeb' chi yalok. Wi li Qaawa' wanq wik'in, twaanilasiheb', jo' xyehom we li Qaawa'”, chan laj Kaleb.

Josué 14:12 ပူးပေါင်းရင်းမြစ်များ

Hebreos 11:33

Nak queꞌpletic riqꞌuin li jalanil tenamit, xban nak cuanqueb xpa̱ba̱l, queꞌre̱chani. Saꞌ xya̱lal queꞌtaklan ut xban lix pa̱ba̱leb queꞌxcꞌul li quiyechiꞌi̱c reheb xban li Dios. Cuan li queꞌqꞌueheꞌ saꞌ xya̱nkeb li cakcoj re teꞌtiꞌekꞌ, aban ma̱cꞌaꞌ queꞌux re xbaneb li cakcoj.

Filipenses 4:13

La̱in nincuy xnumsinquil chixjunil li raylal xban nak li Cristo naxqꞌue xcacuilal inchꞌo̱l re nak tincuy xnumsinquil.

Números 13:33

Ut queꞌkil ajcuiꞌ chak li ni̱nki cui̱nk li ralal xcꞌajol laj Anac. La̱o chanchano laj sa̱cꞌ nak nocoeꞌril eb aꞌan xban nak kꞌaxal cocꞌo chiruheb, chanqueb.

Números 13:28

Abanan eb li cristian li cuanqueb aran kꞌaxal cauheb rib. Ut li tenamit ni̱nkeb ut yi̱banbil chi cha̱bil ut sutsu riqꞌuin tzꞌac. Ut moco caꞌaj cuiꞌ ta aꞌin. Xkil ajcuiꞌ chak ruheb li ralal xcꞌajol li mamaꞌ cui̱nk aj Anac.

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

Josué 15:14

Ut laj Caleb quirisiheb saꞌ li naꞌajej aꞌan li oxib chi ralal laj Anac. Aꞌaneb laj Sesai, laj Ahimán ut laj Talmai.

Salmos 60:12

Li Dios ta̱tenkꞌa̱nk ke chi numta̱c saꞌ xbe̱neb li xicꞌ nequeꞌiloc ke ut aꞌan ajcuiꞌ ta̱isi̱nk xcuanquileb.

Salmos 44:3

Eb li kaxeꞌto̱nil yucuaꞌ incꞌaꞌ queꞌre̱chani li naꞌajej riqꞌuin li ple̱t queꞌxba̱nu chi moco xban xcuanquileb. La̱at ban cattenkꞌan reheb riqꞌuin la̱ cuanquilal xban nak cacuil xtokꞌoba̱l ruheb ut cacuuxta̱na ruheb.

2 Crónicas 14:11

Laj Asa quixya̱ba xcꞌabaꞌ li Ka̱cuaꞌ lix Dios ut quixye re: —At Ka̱cuaꞌ, at inDios, la̱at nacattenkꞌan reheb li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil. Choa̱tenkꞌa, at Ka̱cuaꞌ at kaDios, xban nak a̱cuiqꞌuin cau kachꞌo̱l. Xochal chi pletic riqꞌuineb li cui̱nk aꞌin saꞌ a̱cꞌabaꞌ la̱at. At Ka̱cuaꞌ, la̱at li kaDios. Incꞌaꞌ naru nanumta junak cui̱nk cha̱cuu la̱at, chan.

1 Samuel 14:6

Laj Jonatán quixye re li natenkꞌan re: —Numeko jun pacꞌal bar cuanqueb cuiꞌ laj filisteo li incꞌaꞌ nequeꞌxpa̱b li Dios. Ma̱re chan nak li Ka̱cuaꞌ toxtenkꞌa xban nak chiru aꞌan ma̱cꞌaꞌ chꞌaꞌaj. Li Dios toxtenkꞌa chi numta̱c saꞌ xbe̱neb, usta nabalo, usta cuibo ajcuiꞌ, chan.

Jueces 1:20

Li tenamit Hebrón quiqꞌueheꞌ re laj Caleb joꞌ quixye laj Moisés. Ut laj Caleb quirisiheb saꞌ li naꞌajej aꞌan li oxib chꞌu̱tal li ralal xcꞌajol laj Anac.

Números 21:34

Li Ka̱cuaꞌ quixye re laj Moisés: —Matxucuac xbaneb. La̱in ac xinkꞌaxtesiheb saꞌ a̱cuukꞌ. Xinqꞌue a̱cue chixjunileb lix soldado ut lix naꞌajeb. Ta̱ba̱nu riqꞌuin aꞌan joꞌ xaba̱nu re laj Sehón lix reyeb laj amorreo li quicuan Hesbón, chan.

Deuteronomio 1:28

¿Bar ta̱ru̱k toxic anakcuan? Xchꞌinan li kachꞌo̱l xban nak eb li kacomon xeꞌxye ke nak eb li cristian aran ni̱nkeb rok chiku la̱o ut cauheb rib. Ut ni̱nkeb li tenamit ut ni̱nkeb ajcuiꞌ xteram li tzꞌac li sutsu̱queb cuiꞌ. Ut xeꞌrileb ajcuiꞌ chak ruheb li ralal xcꞌajol li nimla cui̱nk aj Anac xcꞌabaꞌ.”

2 Reyes 19:4

Lix reyeb laj Asiria quixtakla laj Rabsaces li nim xcuanquil chixhobbal li yoꞌyo̱quil Dios. Ma̱re xrabi ajcuiꞌ li Ka̱cuaꞌ la̱ Dios li hoboc ut tixqꞌue taxak chixtojbal xma̱c li ani xhoboc re. Chattijok chirixeb li katenamit li joꞌ qꞌuial chic xeꞌcana.—

Deuteronomio 9:1

Abihomak la̱ex aj Israel. Anakcuan texnumekꞌ jun pacꞌal li nimaꞌ Jordán re texnumta̱k saꞌ xbe̱neb li qꞌuila tenamit li cuanqueb aran ut te̱re̱chani lix naꞌajeb. Eb aꞌan kꞌaxal cauheb rib che̱ru la̱ex. Ut lix tenamiteb ni̱nkeb ut sutsu̱queb saꞌ tzꞌac kꞌaxal najt xteram.

Deuteronomio 9:3

Joꞌcan ut chenauhak nak li Ka̱cuaꞌ le̱ Dios ta̱xic che̱ru. Chanchanak li xam li yo̱ chixcꞌatbal chixjunil. Aꞌan ta̱numta̱k saꞌ xbe̱neb nak yo̱kex chi xic. Aꞌan ta̱tenkꞌa̱nk e̱re chirisinquileb saꞌ li naꞌajej aꞌan ut tixsach ruheb chi junpa̱t. Li Ka̱cuaꞌ tixba̱nu joꞌ quixyechiꞌi e̱re.