Josué 14:1 - Li Santil hu

¹ Li naꞌajej Canaán quiqꞌueheꞌ chokꞌ reheb laj Israel xbaneb laj Eleazar laj tij, ut laj Josué li ralal laj Nun, rochbeneb li nequeꞌcꞌamoc be saꞌ xya̱nkeb lix te̱paleb li ralal xcꞌajol laj Israel.

Q'eqchi Bible

¹ A'an a'in li ch'och' re Kanahán li ke'xk'ul eb' laj Israel cho'q reechanihomeb', jo' chanru kik'ehe'k reheb' xb'aan laj Elehasar, laj tij, ut laj Josué, ralal laj Nun, ut xb'aaneb' ajwi' li xjolomileb' li junkab'al sa' li xteepaleb' laj Israel.

Josué 14:1 ပူးပေါင်းရင်းမြစ်များ

Hechos 13:19

Quixsach ruheb cuukub li xni̱nkal ru tenamit saꞌ li naꞌajej Canaán ut li naꞌajej aꞌan quicana chokꞌ reheb laj Israel.

Números 34:13

Ut laj Moisés quixye reheb laj Israel: —Te̱bu̱li rix li chꞌochꞌ li ta̱qꞌuehekꞌ e̱re. Li Ka̱cuaꞌ quixye nak li chꞌochꞌ aꞌin ta̱jeqꞌui̱k reheb li bele̱b chꞌu̱tal riqꞌuin media chꞌu̱tal eb laj Israel.

Números 34:16

Li Ka̱cuaꞌ quia̱tinac riqꞌuin laj Moisés ut quixye re:

Deuteronomio 12:10

Nak acak xexcuulac jun pacꞌal li nimaꞌ Jordán, li Ka̱cuaꞌ texcanab chi cua̱nc aran. Texcua̱nk saꞌ tuktu̱quil usilal xban nak incꞌaꞌ chic tixqꞌueheb li xicꞌ nequeꞌiloc e̱re chi pletic e̱riqꞌuin, usta cuanqueb chi xjun sutam le̱ naꞌaj.

Josué 13:6

La̱in texintenkꞌa chirisinquileb chi junaj cua saꞌ li naꞌajej Sidón. Te̱sach ruheb chixjunileb li cuanqueb saꞌ li naꞌajej tzu̱l ru toj saꞌ li naꞌajej Líbano ut toj saꞌ li naꞌajej Misrefot-maim. Abanan tento nak ta̱jeqꞌui riqꞌuin bu̱lic li naꞌajej reheb laj Israel joꞌ xinye a̱cue.

Josué 19:51

Aꞌaneb aꞌin li naꞌajej li queꞌxjeqꞌui laj Eleazar laj tij, ut laj Josué li ralal laj Nun, rochbeneb li nequeꞌcꞌamoc be saꞌ xya̱nkeb li ralal xcꞌajol laj Israel. Queꞌxbu̱li rix li naꞌajej chiru li Dios chiru li oqueba̱l re li tabernáculo nak cuanqueb aran Silo. Joꞌcaꞌin nak queꞌxchoy xjeqꞌuinquil li naꞌajej reheb laj Israel.

Josué 21:1

Eb li nequeꞌcꞌamoc be saꞌ xya̱nkeb li ralal xcꞌajol laj Leví queꞌco̱eb riqꞌuin laj Eleazar laj tij ut riqꞌuin laj Josué li ralal laj Nun, joꞌ ajcuiꞌ riqꞌuineb li nequeꞌcꞌamoc be saꞌ xya̱nkeb laj Israel.

Esdras 7:5

Laj Buqui, aꞌan ralal laj Abisúa. Laj Abisúa, aꞌan ralal laj Finees. Ut laj Finees, aꞌan ralal laj Eleazar. Laj Eleazar, aꞌan ralal laj Aarón, li xbe̱n aj tij.

Ezequiel 45:1

Nak ta̱jeqꞌui li chꞌochꞌ riqꞌuin bu̱lic re xqꞌuebal reheb laj Israel li joꞌ qꞌuial teꞌtzꞌak, jun jachal ta̱kꞌaxtesi̱k re li Ka̱cuaꞌ. Lix bisbal, aꞌan cablaju kilómetro riqꞌuin media xnimal rok ut laje̱b kilómetro xnimal ru. Chixjunil li naꞌajej aꞌin santobresinbilak.