Josué 13:9 - Li Santil hu

⁹ Li chꞌochꞌ li queꞌxcꞌul eb aꞌan naticla chak saꞌ li tenamit Aroer li cuan chire li nimaꞌ Arnón joꞌ ajcuiꞌ li tenamit li cuan saꞌ li ru takꞌa ut chixjunil li ru takꞌa Medeba. Nacuulac toj saꞌ li tenamit Dibón.

Q'eqchi Bible

⁹ li ch'och' wank Aroher, chire li nima' Arnón, ut li tenamit wank sa' li ru taq'a, jo' ajwi' chixjunil li ru taq'a chalen chaq Mádaba toj Dibón;

Josué 13:9 ပူးပေါင်းရင်းမြစ်များ

Josué 13:16

Li naꞌajej li quixqꞌue reheb, aꞌan naticla chak saꞌ li naꞌajej Aroer. Nacuulac cuan cuiꞌ li nimaꞌ Arnón. Ut quixqꞌue ajcuiꞌ reheb li tenamit li cuan saꞌ xyi li ru takꞌa ut chixjunil li ru takꞌa li cuan Medeba.

Números 21:30

Anakcuan la̱o aj Israel xkasach ruheb le̱ ralal e̱cꞌajol. Xkasach ruheb chixjunil naticla Hesbón nacuulac toj Dibón. Queꞌsacheꞌ ruheb li cuanqueb Nofa ut li cuanqueb Medeba.—

Jeremías 48:22

Ta̱rakekꞌ a̱tin saꞌ xbe̱neb li cuanqueb Dibón, Nebo ut Bet-diblataim,

Jeremías 48:18

La̱ex li cuanquex saꞌ li tenamit Dibón, cubsihomak e̱rib ut chunlankex saꞌ li poks xban nak cha̱lc re laj sachonel, li yo̱ chak chi pletic riqꞌuineb laj Moab ut yo̱ chixjuqꞌuinquil li cab li nequeꞌxcol cuiꞌ ribeb.

Isaías 15:2

Eb li cuanqueb saꞌ li tenamit Dibón teꞌxic chi ya̱bac saꞌ li artal li cuan saꞌ xbe̱n bol. Eb li cuanqueb Moab rahak saꞌ xchꞌo̱leb ut teꞌya̱bak chirixeb li tenamit Nebo ut Medeba. Teꞌxbes lix jolomeb ut teꞌxjo lix macheb xban xrahil xchꞌo̱leb.

Josué 12:2

Laj Sehón lix reyeb laj amorreo li cuan saꞌ li tenamit Hesbón, aꞌan nataklan saꞌ xbe̱n li naꞌajej li naticla chak Aroer li cuan chire li nimaꞌ Arnón. Ut yijach re li ru takꞌa ut yijach li naꞌajej re Galaad. Nacuulac cuan cuiꞌ li nimaꞌ Jaboc saꞌ li nuba̱l re lix tenamiteb li ralal xcꞌajol laj Amón.

Deuteronomio 3:16

Ut reheb li ralal xcꞌajol laj Rubén ut eb li ralal xcꞌajol laj Gad quinqꞌue li naꞌajej li naticla Galaad ut nacuulac toj saꞌ li nimaꞌ Arnón ut nacuulac cuan cuiꞌ li nimaꞌ Jaboc li nuba̱l re lix naꞌajeb li ralal xcꞌajol laj Amón.

Deuteronomio 3:12

Nak quike̱chani li naꞌajej, la̱in quinqꞌue reheb li ralal xcꞌajol laj Rubén ut eb li ralal xcꞌajol laj Gad li naꞌajej li cuan saꞌ li norte. Naticla Aroer chire li nimaꞌ Arnón ut quinqꞌue yijach li naꞌajej li tzu̱l ru li cuan Galaad rochbeneb li tenamit li cuanqueb aran.

Deuteronomio 2:36

Ma̱ jun li tenamit incꞌaꞌ ta conumta saꞌ xbe̱n naticla Aroer ut nacuulac toj Galaad. Ma̱ jun li tenamit kꞌaxal cau rib chiku la̱o. Li Ka̱cuaꞌ Dios quixkꞌaxtesiheb chixjunileb saꞌ kukꞌ.

Josué 13:8

Eb li ralal xcꞌajol laj Rubén ut eb li ralal xcꞌajol laj Gad ac xeꞌxcꞌul lix chꞌochꞌeb joꞌ eb ajcuiꞌ li yijach chic li ralal xcꞌajol laj Manasés queꞌxcꞌul lix chꞌochꞌeb nak laj Moisés quixjeqꞌui lix chꞌochꞌeb joꞌ quixye li Ka̱cuaꞌ. Li naꞌajej li queꞌxcꞌul, aꞌan cuan jun pacꞌal li nimaꞌ Jordán saꞌ li este.

Josué 13:10

Joꞌcan ajcuiꞌ lix tenamit laj Sehón lix reyeb laj amorreo, li quicuan chokꞌ rey aran Hesbón, li quicuulac toj saꞌ li nuba̱l re lix naꞌajeb laj Amón.

2 Samuel 24:5

Queꞌnumeꞌ jun pacꞌal li nimaꞌ Jordán ut queꞌxyi̱b lix muheba̱leb saꞌ li sur re li tenamit Aroer. Li tenamit aꞌan cuan saꞌ xyi li ru takꞌa saꞌ xjayal li cuib chi tenamit Gad ut Jazer.

1 Crónicas 19:7

Queꞌxtoj cablaju xcaꞌcꞌa̱l mil (32,000) chi carruaje, joꞌ eb ajcuiꞌ li teꞌchꞌeꞌok reheb li carruajes. Ut queꞌxtoj ajcuiꞌ li rey re Maaca. Eb aꞌan queꞌchal ut queꞌxyi̱b lix naꞌajeb saꞌ xcaꞌyaba̱l li tenamit Medeba. Ut queꞌxchꞌutub ajcuiꞌ ribeb laj Amón saꞌ lix tenamiteb ut queꞌco̱eb chi pletic.

Nehemías 11:25

Aꞌaneb aꞌin li tenamit li queꞌcana cuiꞌ li ralal xcꞌajol laj Judá: Quiriat-arba, Dibón ut Jecabseel. Cuan li queꞌcana saꞌ tenamit ut cuan ajcuiꞌ li queꞌco̱eb saꞌ cꞌaleba̱l.

Jeremías 48:8

Eb li teꞌsachok e̱ru teꞌcha̱lk saꞌ li junju̱nk chi tenamit. Ut ma̱ jun e̱re teꞌru̱k chi e̱lelic. Ta̱poꞌekꞌ ru li ru takꞌa ut ta̱sachekꞌ ru li chꞌochꞌ li ti̱c ru xban nak joꞌcan quixye li Ka̱cuaꞌ.