Josué 13:5 - Li Santil hu

⁵ ut lix naꞌajeb laj giblita, ut chixjunil li naꞌajej Líbano li cuan saꞌ li este li nacuulac toj saꞌ li tenamit Baal-gad li cuan saꞌ li tzu̱l Hermón saꞌ li oqueba̱l re li tenamit Hamat.

Q'eqchi Bible

⁵ Toj wank ajwi' li xna'ajeb' laj Kibl, rochb'een chixjunil Líbano sa' xjayal releb'l saq'e, chalen Bahal Gad, chi xtoonal li tzuul Hermón, toj wan wi' li rokeb'aal Jamat.

Josué 13:5 ပူးပေါင်းရင်းမြစ်များ

1 Reyes 5:18

Eb li nequeꞌcꞌanjelac chiru laj Salomón ut eb li nequeꞌcꞌanjelac chiru laj Hiram ut eb li cui̱nk li queꞌchal aran Gebal queꞌxyocꞌ ut queꞌxpechꞌ li cheꞌ. Ut queꞌxyi̱b li pec li ta̱cꞌanjelak re xyi̱banquil li templo.

Josué 12:7

Aꞌaneb aꞌin li rey li queꞌsacheꞌ ruheb xban laj Josué rochbeneb lix soldados. Eb li naꞌajej aꞌan cuanqueb jun pacꞌal li nimaꞌ saꞌ li oeste li na-oc cuiꞌ li sakꞌe. Naticla chak cuan cuiꞌ li tenamit Baal-gad saꞌ li ru takꞌa Líbano. Nacuulac cuan cuiꞌ li tzu̱l Halac ut nacuulac cuan cuiꞌ li naꞌajej Seir. Ut li chꞌochꞌ li queꞌre̱chani laj Josué quixjeqꞌui reheb chixjunju̱nkaleb lix te̱paleb li ralal xcꞌajol laj Israel.

Ezequiel 27:9

Cuanqueb saꞌ li jucub li cui̱nk li queꞌchal chak Gebal re nak teꞌxyi̱b li jucub nak ta̱poꞌekꞌ. Ut eb li nequeꞌchal saꞌ jalan jucub queꞌcuulac e̱riqꞌuin chi yacoc.

Salmos 83:7

joꞌqueb ajcuiꞌ laj Gebal, ut eb li ralal xcꞌajol laj Amón ut laj Amalec, joꞌqueb ajcuiꞌ laj filisteo ut eb laj Tiro,

Josué 11:17

Li naꞌajej li queꞌre̱chani naticla chak cuan cuiꞌ li tzu̱l Halac li cuan cuiꞌ li naꞌajej Seir ut nacuulac toj Baal-gad li cuan saꞌ li ru takꞌa li cuan Líbano nachꞌ riqꞌuin li tzu̱l Hermón. Eb laj Israel queꞌxchap chixjunileb li rey ut queꞌxcamsiheb.

Números 34:8

Ta̱numekꞌ saꞌ li tzu̱l Hor ut ta̱xic toj Hamat ut ta̱cuulak toj Zedad.

Amós 6:2

Ayukex aran Calne ut ilomak chak li tenamit aꞌan. Tex-e̱lk aran ut texxic saꞌ li nimla tenamit Hamat, tojoꞌnak texxic saꞌ lix tenamiteb laj filisteo, Gat xcꞌabaꞌ. Ilomak chak li tenamit aꞌan. ¿Ma kꞌaxal nim ta biꞌ xcuanquileb li tenamit aꞌan chiru le̱ cuanquil la̱ex? ¿Ma kꞌaxal cha̱bil ta biꞌ lix tenamiteb aꞌan chiru le̱ re la̱ex?

Isaías 10:9

¿Ma incꞌaꞌ ta biꞌ juntakꞌe̱teb li tenamit Calno ut Carquemis? ¿Ma incꞌaꞌ ta biꞌ juntakꞌe̱teb li tenamit Hamat ut Arfad? Ut, ¿ma incꞌaꞌ ta biꞌ juntakꞌe̱teb Samaria ut Damasco?

Deuteronomio 3:25

Nintzꞌa̱ma cha̱cuu nak china̱canab chi xic jun pacꞌal li nimaꞌ Jordán chirilbal li cha̱bil naꞌajej. Tincuil taxak li cha̱bil naꞌajej li tzu̱l ru ut li naꞌajej Líbano, chanquin re.

Deuteronomio 1:7

Xocomak li cꞌaꞌru e̱re ut texxic saꞌ li naꞌajej li tzu̱l ru li cuanqueb cuiꞌ eb laj amorreo. Texxic saꞌ eb li naꞌajej li cuanqueb chi xjun sutam. Texxic saꞌ li ru takꞌa re Arabá, ut saꞌ eb li tzu̱l. Ut texxic Neguev, ut chire li palau, ut saꞌ eb lix naꞌajeb laj cananeo ut li naꞌajej Líbano. Texxic toj cuan cuiꞌ li nimla nimaꞌ Éufrates.

Números 13:21

Eb li cui̱nk li queꞌco̱eb chixqꞌuebal retal li naꞌajej queꞌxtiquib chak xqꞌuebal retal saꞌ li chaki chꞌochꞌ Zin. Ut queꞌcuulac toj saꞌ li tenamit Rehob, li cuan nachꞌ riqꞌuin Hamat.

Josué 11:3

Ut quixtakla ajcuiꞌ xyebal resil reheb laj cananeo li cuanqueb saꞌ xcaꞌ pacꞌalil li nimaꞌ Jordán ut reheb laj amorreo, eb laj heteo, eb laj ferezeo, eb laj jebuseo, li cuanqueb saꞌ li tzu̱l ru joꞌ eb ajcuiꞌ laj heveo li cuanqueb nachꞌ riqꞌuin li tzu̱l Hermón li cuan saꞌ li naꞌajej Mizpa.

1 Reyes 8:65

Saꞌ eb li cutan aꞌan laj Salomón quixba̱nu jun li ninkꞌe rochbeneb chixjunileb laj Israel. Kꞌaxal nabaleb li chꞌutchꞌu̱queb aran. Eb aꞌan queꞌchal chak saꞌ eb li naꞌajej Hamat ut toj cuan cuiꞌ li nimaꞌ re Egipto. Li ninkꞌe aꞌin queꞌxba̱nu cuukub cutan ut chirix aꞌan queꞌxba̱nu cuukub cutan chic. Ca̱laju cutan queꞌninkꞌei̱c re xlokꞌoninquil li Dios.

Jeremías 52:9

Nak ac xeꞌxchap li rey Sedequías, queꞌxcꞌam aran Ribla li cuan saꞌ xcue̱nt Hamat ut queꞌxcꞌam riqꞌuin lix reyeb laj Babilonia. Ut aran quirakeꞌ a̱tin saꞌ xbe̱n.