Josué 13:31 - Li Santil hu

³¹ Yijach li naꞌajej Galaad quiqꞌueheꞌ reheb ut li nimla tenamit Astarot joꞌ ajcuiꞌ li nimla tenamit Edrei, li queꞌcuan rubel xcuanquil laj Og, lix reyeb laj Basán. Chixjunil li naꞌajej aꞌin quiqꞌueheꞌ reheb yijach li ralal xcꞌajol laj Maquir, li ralal laj Manasés, aꞌ yal chanru xqꞌuialeb li junju̱nk chꞌu̱tal.

Q'eqchi Bible

³¹ jo' ajwi' li xyiijachil Galahad, Astarot ut Edreí, xtenamitul li x'awab'ejihom laj Og, awab'ej re Basán. Chixjunil a'in reechanihom li xyiijachil li xk'ihaleb' laj Makir, ralal xk'ajol laj Manasés, chi ch'uutal.

Josué 13:31 ပူးပေါင်းရင်းမြစ်များ

Josué 12:4

Laj Og li rey re Basán, aꞌan jun xcomoneb li queꞌchal chak saꞌ li naꞌajej Refaim. Laj Og quicuan aran Astarot ut Edrei.

Josué 9:10

Ut xkabi ajcuiꞌ resil li quixba̱nu reheb li cuib chi rey li queꞌcuan chokꞌ xreyeb laj amorreo li cuanqueb jun pacꞌal li nimaꞌ Jordán. Xkabi resil nak queꞌsach ruheb li rey Sehón aran Hesbón ut laj Og, lix rey eb laj Basán, li quicuan Astarot.

Josué 13:12

Queꞌxcꞌul chokꞌ reheb chixjunil li naꞌajej Basán, li quicuan rubel xcuanquil laj Og, li quicuan chokꞌ rey aran Astarot ut Edrei. Laj Og, aꞌan jun reheb laj refaítas, li queꞌcoleꞌ nak laj Moisés quinumta saꞌ xbe̱neb nak quirisiheb saꞌ li naꞌajej aꞌan.

Josué 13:32

Laj Moisés quixjeqꞌui reheb laj Israel li ru takꞌa Moab, li cuan saꞌ li este jun pacꞌal li nimaꞌ Jordán, li nacana saꞌ xcaꞌyaba̱l li tenamit Jericó.

Josué 17:6

Quixcꞌul laje̱b jachal chic li chꞌochꞌ laj Manasés xban nak li o̱b chi xrabin laj Zelofehad queꞌqꞌueheꞌ xchꞌochꞌeb joꞌ nak queꞌqꞌueheꞌ xchꞌochꞌeb li cui̱nk. Li naꞌajej Galaad, aꞌan li quiqꞌueheꞌ reheb li jun chꞌol chic li ralal xcꞌajol laj Manasés.

Jueces 10:6

Ut eb laj Israel queꞌxba̱nu cuiꞌchic li ma̱usilal chiru li Ka̱cuaꞌ Dios. Queꞌxlokꞌoniheb li yi̱banbil dios Baal ut Astarot. Ut queꞌxlokꞌoniheb ajcuiꞌ lix dioseb laj Siria, ut lix dioseb laj Sidón, joꞌ ajcuiꞌ lix dioseb laj Moab. Ut queꞌxlokꞌoniheb lix dioseb laj Amón ut eb laj filisteo. Eb laj Israel queꞌxtzꞌekta̱na li Ka̱cuaꞌ Dios ut incꞌaꞌ chic queꞌcꞌanjelac chiru.

1 Samuel 7:3

Ut laj Samuel quixye reheb laj Israel: —Cui la̱ex texsukꞌi̱k cuiꞌchic riqꞌuin li Ka̱cuaꞌ chi anchal e̱chꞌo̱l, tento nak te̱tzꞌekta̱na chi junaj cua chixjunileb li jalanil dios li cuanqueb saꞌ e̱ya̱nk joꞌ ajcuiꞌ li yi̱banbil dios xAstarot ut kꞌaxtesihomak e̱rib re li Ka̱cuaꞌ. Junes aꞌan chic te̱lokꞌoni. Ut li Ka̱cuaꞌ ta̱colok e̱re saꞌ rukꞌeb laj filisteo, chan.

1 Samuel 12:10

Nak ac cuanqueb chic saꞌ raylal, queꞌxtzꞌa̱ma xtenkꞌanquileb chiru li Dios ut queꞌxye, “La̱o xoma̱cob xban nak xatkatzꞌekta̱na ut xkalokꞌoniheb li yi̱banbil dios Baal ut Astarot. At Ka̱cuaꞌ, choa̱col taxak chiruheb li xicꞌ nequeꞌiloc ke ut tocꞌanjelak cha̱cuu,” chanqueb.

1 Crónicas 6:71

Yi jach li ralal xcꞌajol laj Manasés queꞌxqꞌue reheb li ralal xcꞌajol laj Gersón li tenamit Golán li cuan saꞌ xcue̱nt Basán rochben lix cocꞌ cꞌaleba̱l ut li tenamit Astarot rochben lix cocꞌ cꞌaleba̱l.

Salmos 60:7

Galaad ut Manasés cue la̱in. Efraín lokꞌ chicuu. Chanchan xcolbal injolom. Judá chanchan lin xukꞌ retalil lin cuanquilal.

Josué 17:5

Joꞌcaꞌin nak queꞌxcꞌul laje̱b jachal chic li chꞌochꞌ saꞌ xbe̱n li ac xeꞌxcꞌul aran Galaad ut Basán. Li naꞌajej aꞌan nacana jun pacꞌal li nimaꞌ Jordán, li cuan saꞌ li este.

Jueces 5:17

Incꞌaꞌ queꞌco̱eb li ralal xcꞌajol laj Galaad li cuanqueb jun pacꞌal li nimaꞌ Jordán saꞌ li este. Ut incꞌaꞌ queꞌco̱eb li ralal xcꞌajol laj Dan li nequeꞌcꞌanjelac saꞌ li ni̱nki jucub. Chi moco queꞌco̱eb li ralal xcꞌajol laj Aser li cuanqueb saꞌ li naꞌajej chire li nimla palau.

Ezequiel 48:4

Ut saꞌ li nuba̱l re lix chꞌochꞌ laj Neftalí tixcꞌul lix naꞌaj laj Manasés. Naticla saꞌ li este ut nacuulac toj chire li palau.