Josué 13:3 - Li Santil hu

³ Li naꞌajej aꞌan naticla chak saꞌ li nimaꞌ Sihor saꞌ li este re li tenamit Egipto li nacuulac toj saꞌ li nuba̱l re li tenamit Ecrón li cuan saꞌ li norte li nequeꞌxye nak reheb laj cananeo. Saꞌ li naꞌajej aꞌan cuanqueb o̱b li rey. Ut aꞌaneb li nequeꞌtaklan saꞌ xbe̱neb laj filisteo li cuanqueb saꞌ eb li tenamit Gaza, Asdod, Ascalón, Gat ut Ecrón, joꞌ ajcuiꞌ eb laj aveo;

Q'eqchi Bible

³ chalen chaq Sijor li wank chi xk'atq Ejiipt toj sa' xnub'ajl Ekrón, sa' xjayal releb'l iq'. Li ch'och' a'in nayeemank naq reheb' laj Kanahán, ut eb' li neke'taqlank sa' xb'eeneb' laj Filistea, a'aneb' li wankeb' aran Gasa, Asdod, Askalón, Gat ut Ekrón.

Josué 13:3 ပူးပေါင်းရင်းမြစ်များ

Jeremías 2:18

¿Cꞌaꞌut nak te̱raj xic chixpatzꞌbal e̱tenkꞌanquil aran Egipto? ¿Ma textenkꞌa ta biꞌ li nimaꞌ Nilo? Ut, ¿cꞌaꞌut nak te̱raj xic xpatzꞌbal e̱tenkꞌanquil aran Asiria? ¿Ma naru ta biꞌ texcol li nimaꞌ Éufrates?

Jueces 3:3

Aꞌaneb aꞌin li tenamit li queꞌcanaba̱c saꞌ li naꞌajej Canaán: eb li o̱b chi rey li queꞌtaklan saꞌ xbe̱neb laj filisteo, chixjunileb laj cananeo, eb laj Sidón, ut eb laj heveo li queꞌcuan saꞌ eb li tzu̱l re Líbano, li naticla saꞌ li tzu̱l Baal-hermón toj saꞌ li naꞌajej Hamat.

Deuteronomio 2:23

Ut eb laj Caftor queꞌxsach ruheb laj aveo li queꞌcuan saꞌ li naꞌajej nacuulac toj Gaza. Ut eb laj caftoreo queꞌcana chi cua̱nc saꞌ lix naꞌajeb.)

1 Samuel 6:4

Li tenamit queꞌxye reheb: —¿Cꞌaꞌru takatakla re xtojbal rix li kama̱c? chanqueb. Eb laj tij ut laj kꞌe queꞌxye: —Te̱takla o̱b retalil li tumor yi̱banbil riqꞌuin oro ut o̱b li chꞌo yi̱banbil riqꞌuin oro. Jun reheb li junju̱nk le̱ rey xban nak juntakꞌe̱t li raylal li xqꞌue saꞌ e̱be̱n la̱ex joꞌ ajcuiꞌ le̱ rey.

Josué 13:13

Caꞌaj cuiꞌ eb li ralal xcꞌajol laj Gesur ut eb li ralal xcꞌajol laj Maaca incꞌaꞌ queꞌisi̱c saꞌ lix naꞌajeb xbaneb laj Israel. Queꞌcana ban chi cua̱nc saꞌ xya̱nkeb toj chalen anakcuan.

Génesis 10:6

Aꞌaneb aꞌin lix cꞌabaꞌeb li ralal laj Cam: laj Cus, laj Mizraim, laj Fut, ut laj Canaán.

Jueces 16:5

Eb li nequeꞌtaklan saꞌ xbe̱neb laj filisteo queꞌxye re lix Dalila: —Balakꞌi laj Sansón re nak tixye a̱cue cꞌaꞌut nak kꞌaxal cuan xmetzꞌe̱u ut chanru nak ta̱ru̱k tonumta̱k saꞌ xbe̱n re nak takachap ut takabacꞌ. Cui ta̱ye ke, la̱o takaqꞌue a̱tumin. Jun mil riqꞌuin jun ciento chi tumin plata takaqꞌue a̱cue chikaju̱nkal, chanqueb laj filisteo.

1 Samuel 5:1

Nak queꞌre̱chani li Lokꞌlaj Ca̱x eb laj filisteo, queꞌel aran Eben-ezer ut queꞌxcꞌam toj saꞌ li tenamit Asdod.

1 Reyes 8:65

Saꞌ eb li cutan aꞌan laj Salomón quixba̱nu jun li ninkꞌe rochbeneb chixjunileb laj Israel. Kꞌaxal nabaleb li chꞌutchꞌu̱queb aran. Eb aꞌan queꞌchal chak saꞌ eb li naꞌajej Hamat ut toj cuan cuiꞌ li nimaꞌ re Egipto. Li ninkꞌe aꞌin queꞌxba̱nu cuukub cutan ut chirix aꞌan queꞌxba̱nu cuukub cutan chic. Ca̱laju cutan queꞌninkꞌei̱c re xlokꞌoninquil li Dios.

Isaías 23:3

Xetaklaheb li cui̱nk chixlokꞌbal li ru li acui̱mk li na-el Egipto xban li nimaꞌ Nilo. Xexcꞌayin ut xexlokꞌoc riqꞌuineb chixjunileb li tenamit.

Génesis 15:18

Aꞌan aꞌin li retalil nak saꞌ li cutan aꞌan li Ka̱cuaꞌ Dios quixba̱nu jun li contrato riqꞌuin laj Abram. Ut li Dios quixye re laj Abram: —Li naꞌajej aꞌin tinqꞌue chokꞌ a̱cue ut chokꞌ reheb ajcuiꞌ la̱ cualal a̱cꞌajol li teꞌcua̱nk. Li naꞌajej li tinqꞌue reheb naticla chak cuan cuiꞌ li nimaꞌ re Egipto ut nocoxrakekꞌ cuan cuiꞌ li nimla nimaꞌ Éufrates, chan.

1 Samuel 5:8

Queꞌxtakla resil riqꞌuineb li nequeꞌtaklan saꞌ xbe̱neb laj filisteo ut queꞌxpatzꞌ reheb: —¿Cꞌaꞌru takaba̱nu riqꞌuin lix Lokꞌlaj Ca̱x lix Dioseb laj Israel? chanqueb. Eb aꞌan queꞌchakꞌoc ut queꞌxye: —Cꞌamomak saꞌ li tenamit Gat, chanqueb. Ut queꞌxcꞌam li Lokꞌlaj Ca̱x aran.

1 Samuel 5:10

Joꞌcan nak queꞌxtakla li Lokꞌlaj Ca̱x saꞌ li tenamit Ecrón. Eb li cuanqueb aran queꞌxucuac. Japjo̱queb re chixyebal: —Xeꞌxtakla chak arin lix Lokꞌlaj Ca̱x lix Dios eb laj Israel re kacamsinquil la̱o ut eb li katenamit, chanqueb.

1 Crónicas 13:5

Joꞌcan nak laj David quixchꞌutubeb chixjunileb laj Israel re nak teꞌxcꞌam Jerusalén lix Lokꞌlaj Ca̱x li Dios li cuan chak saꞌ li tenamit Quiriat-jearim. Quixchꞌutubeb chixjunileb li cuanqueb saꞌ eb li naꞌajej naticla chak cuan cuiꞌ li tenamit Sihor li cuan saꞌ li nuba̱l re li tenamit Egipto ut nacuulac toj saꞌ li oqueba̱l re li tenamit Hamat.