Josué 13:25 - Li Santil hu

²⁵ Aꞌan aꞌin li naꞌajej li quiqꞌueheꞌ reheb: li naꞌajej Jazer ut chixjunileb li tenamit li cuanqueb Galaad, ut yijach lix naꞌajeb li ralal xcꞌajol laj Amón. Nacuulac toj saꞌ li tenamit Aroer li cuan chiru li naꞌajej Rabá.

Q'eqchi Bible

²⁵ Li xch'och'eb' a'an Jaser, chixjunileb' li tenamit re Galahad, li xyiijachil li xna'ajeb' laj Amón toj Aroher, li wank sa' xka'yab'aal Rabá,

Josué 13:25 ပူးပေါင်းရင်းမြစ်များ

2 Samuel 12:26

Laj Joab yo̱ chak chi pletic riqꞌuineb li ralal xcꞌajol laj Amón re ta̱re̱chani li tenamit Rabá, li nacuan cuiꞌ li rey.

2 Samuel 11:1

Saꞌ li chihab jun chic saꞌ li sakꞌehil nak eb li rey nequeꞌxic chi pletic, laj David quixtaklaheb chi pletic laj Joab rochbeneb li nequeꞌtaklan saꞌ xbe̱neb li soldados joꞌqueb ajcuiꞌ chixjunileb li soldados aj Israel. Queꞌxsach ruheb li ralal xcꞌajol laj Amón. Ut queꞌxsut rix li tenamit Rabá. Abanan laj David quicana aran Jerusalén.

Deuteronomio 3:11

(Chirix lix camic li rey Og, ma̱ jun chic xcana xcomoneb li ni̱nki cui̱nk. Lix chꞌa̱t laj Og yi̱banbil riqꞌuin chꞌi̱chꞌ. Numenak ca̱hib metro rok ut numenak cuib metro ru. Toj naru rilbal saꞌ li tenamit Rabá, lix tenamiteb li ralal xcꞌajol laj Amón.)

Números 32:35

Atarot-sofán, Jazer, Jogbeha,

Amós 1:14

Joꞌcan nak tinqꞌue xxamlel li tzꞌac sutsu cuiꞌ li tenamit Rabá ut ta̱cꞌatk li palacio. Teꞌxjap re chi cau nak yo̱keb chi numta̱c saꞌ xbe̱neb li tenamit Rabá. Chanchan nak nachal li ca̱k-sut-ikꞌ nak tintaklaheb li xicꞌ nequeꞌiloc reheb chi pletic riqꞌuineb.

Ezequiel 21:20

Jun li be ta̱xic saꞌ li tenamit Rabá lix naꞌajeb li ralal xcꞌajol laj Amón. Ut li jun chic ta̱xic saꞌ li tenamit Jerusalén li cauresinbil re pletic. Aꞌan lix tenamiteb li ralal xcꞌajol laj Judá.

Josué 21:39

Ut queꞌxcꞌul ajcuiꞌ eb li tenamit aꞌin: Hesbón, ut Jazer. Ca̱hib chi tenamit rochbeneb lix naꞌajeb lix queto̱mkeb.

Deuteronomio 2:19

Nak texcuulak cuanqueb cuiꞌ eb li ralal xcꞌajol laj Amón, me̱chꞌiꞌchꞌiꞌiheb ut me̱chikꞌ xjoskꞌileb re teꞌpletik xban nak la̱in incꞌaꞌ tinqꞌue e̱re lix naꞌajeb. La̱in quinqꞌue li naꞌajej aꞌan chokꞌ reheb li ralal xcꞌajol laj Lot,” chan.

Números 21:32

Laj Moisés quixtaklaheb laj qꞌuehol etal saꞌ li tenamit Jazer. Ut eb laj Israel queꞌre̱chani li tenamit Jazer ut eb li cocꞌ cꞌaleba̱l li cuanqueb chixjun sutam. Queꞌrisiheb laj amorreo saꞌ li naꞌajej aꞌan.

Josué 13:11

Ut quijeqꞌui̱c ajcuiꞌ reheb li naꞌajej Galaad ut lix tenamiteb laj gesureo ut lix naꞌajeb laj maacateo, ut chixjunil li tzu̱l Hermón ut chixjunil li naꞌajej Basán. Nacuulac toj saꞌ li tenamit Salca.

Josué 13:24

Laj Moisés quixqꞌue xnaꞌajeb li ralal xcꞌajol laj Gad, aꞌ yal chanru xqꞌuialeb li junju̱nk chꞌu̱tal.

Josué 13:26

Li naꞌajej aꞌan nacuulac cuan cuiꞌ li tenamit Hesbón ut toj saꞌ li naꞌajej Ramat-mizpa ut saꞌ li tenamit Betonim. Nacuulac cuan cuiꞌ li tenamit Mahanaim. Nacuulac toj cuan cuiꞌ li tenamit Debir.

2 Samuel 24:5

Queꞌnumeꞌ jun pacꞌal li nimaꞌ Jordán ut queꞌxyi̱b lix muheba̱leb saꞌ li sur re li tenamit Aroer. Li tenamit aꞌan cuan saꞌ xyi li ru takꞌa saꞌ xjayal li cuib chi tenamit Gad ut Jazer.

1 Crónicas 6:81

Hesbón rochben lix cocꞌ cꞌaleba̱l ut Jazer rochben lix cocꞌ cꞌaleba̱l.

1 Crónicas 26:31

Saꞌ xya̱nkeb li ralal xcꞌajol laj Hebrón, laj Jerías aꞌan li quitaklan saꞌ xbe̱neb, aꞌ yal chanru tzꞌi̱banbil lix cꞌabaꞌeb li junju̱nk chꞌu̱tal. Nak yo̱ ca̱cꞌa̱l chihab roquic laj David chokꞌ xreyeb laj Israel, queꞌoc chirilbal aꞌ yal chanru tzꞌi̱banbil lix cꞌabaꞌeb ut queꞌxtau nak cuanqueb li cui̱nk cauheb rib saꞌ xya̱nkeb li cuanqueb saꞌ li tenamit Jazer xcue̱nt Galaad.

Isaías 16:8

Quichakic lix naꞌajeb li acui̱mk uvas li cuanqueb Hesbón ut Sibma. Queꞌyekꞌi̱c xbaneb li jalan xtenamiteb. Junxil li acui̱mk uvas queꞌcuulac toj saꞌ li tenamit Jazer. Queꞌcuulac toj saꞌ li chaki chꞌochꞌ ut toj saꞌ li palau.

Jeremías 48:32

Tinya̱bak che̱rix la̱ex li cuanquex Sibma joꞌ nak quinya̱bac chirixeb li cuanqueb Jazer. Kꞌaxal nim raj le̱ cuanquil nak xexcuan. Xcuulac toj cuan cuiꞌ li palau li cuan nachꞌ riqꞌuin li tenamit Jazer. Abanan xcꞌulun laj sachonel ut xrisi le̱ cuanquil. Chanchanex li uvas li naxhel rib chi us ut xsacheꞌ li ru.

Jueces 5:17

Incꞌaꞌ queꞌco̱eb li ralal xcꞌajol laj Galaad li cuanqueb jun pacꞌal li nimaꞌ Jordán saꞌ li este. Ut incꞌaꞌ queꞌco̱eb li ralal xcꞌajol laj Dan li nequeꞌcꞌanjelac saꞌ li ni̱nki jucub. Chi moco queꞌco̱eb li ralal xcꞌajol laj Aser li cuanqueb saꞌ li naꞌajej chire li nimla palau.

Isaías 17:2

Eb li tenamit li cuanqueb Aroer teꞌcana̱k chi ma̱cꞌaꞌ chic cristian. Eb li carner teꞌcuaꞌak aran ut ma̱ ani ta̱seꞌbesi̱nk reheb saꞌ li naꞌajej aꞌan.