Josué 12:8 - Li Santil hu

⁸ Li naꞌajej li quixjeqꞌui, aꞌaneb aꞌin: li tzu̱l ru ut li ru takꞌa re li nimaꞌ Jordán, ut li chaki chꞌochꞌ joꞌ ajcuiꞌ li cuan jun pacꞌal, joꞌ ajcuiꞌ li naꞌajej Neguev. Chixjunil li naꞌajej aꞌin, aꞌan li queꞌcuan cuiꞌ eb laj heteo, eb laj amorreo, eb laj cananeo, eb laj ferezeo, ut eb laj heveo ut eb laj jebuseo.

Q'eqchi Bible

⁸ eb' li tzuul, li ru taq'a, li Arabá, li na'ajej wank chi xtoonal li tzuul, li chaqich'och' ut li Nejeb. Sa' chixjunil li na'ajej a'in ke'wank xb'enwa eb' laj Hit, eb' laj Amor, eb' laj Kanahán, eb' laj Perés, eb' laj Jib ut eb' laj Jebús.

Josué 12:8 ပူးပေါင်းရင်းမြစ်များ

Josué 11:16

Joꞌcan nak laj Josué quire̱chani chixjunil li naꞌajej aꞌan. Quire̱chani li naꞌajej li tzu̱l ru, ut li naꞌajej Neguev, ut chixjunil li naꞌajej Gosén ut eb li ru takꞌa re Arabá joꞌ eb ajcuiꞌ li tzu̱l ut li ru takꞌa li cuan Israel.

Josué 10:40

Joꞌcaꞌin nak laj Josué quinumta saꞌ xbe̱neb li rey li cuanqueb saꞌ eb li naꞌajej aꞌan. Queꞌre̱chani chixjunileb li naꞌajej li tzu̱l ru, li naꞌajej Neguev, joꞌ ajcuiꞌ eb li ru takꞌa. Ut queꞌxcamsiheb chixjunileb li cuanqueb aran, joꞌ quiyeheꞌ reheb xban li Ka̱cuaꞌ lix Dioseb laj Israel.

Josué 9:1

Eb li rey li cuanqueb jun pacꞌal li nimaꞌ Jordán saꞌ li oeste queꞌrabi resil li cꞌaꞌru queꞌxba̱nu laj Israel. Eb li rey aꞌan cuanqueb saꞌ eb li naꞌajej li tzu̱l ru ut li ru takꞌa ut cuanqueb ajcuiꞌ chire li Palau Mediterráneo chiru li naꞌajej Líbano. Aꞌaneb laj heteo, eb laj amorreo, eb laj cananeo, eb laj ferezeo, eb laj heveo ut eb laj jebuseo.

Deuteronomio 9:1

Abihomak la̱ex aj Israel. Anakcuan texnumekꞌ jun pacꞌal li nimaꞌ Jordán re texnumta̱k saꞌ xbe̱neb li qꞌuila tenamit li cuanqueb aran ut te̱re̱chani lix naꞌajeb. Eb aꞌan kꞌaxal cauheb rib che̱ru la̱ex. Ut lix tenamiteb ni̱nkeb ut sutsu̱queb saꞌ tzꞌac kꞌaxal najt xteram.

Deuteronomio 7:1

Li Ka̱cuaꞌ le̱ Dios ta̱ocsi̱nk e̱re saꞌ li naꞌajej li te̱re̱chani la̱ex. Ta̱risiheb che̱ru li cuukub chi xni̱nkal ru tenamit. Aꞌaneb laj heteo, eb laj gergeseo, eb laj amorreo, eb laj cananeo, eb laj ferezeo, eb laj heveo, joꞌ eb ajcuiꞌ laj jebuseo. Eb li tenamit aꞌin cauheb rib ut kꞌaxal ni̱nkeb xcuanquil che̱ru la̱ex.

Éxodo 23:23

Lin ángel ta̱cꞌamok be che̱ru toj retal texcuulak saꞌ li naꞌajej li cuanqueb cuiꞌ eb laj amorreo, eb laj heteo, eb laj ferezeo, eb laj cananeo, eb laj heveo, joꞌ eb ajcuiꞌ laj jebuseo. La̱in tinsach ruheb aꞌan.

Éxodo 3:8

Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.

Génesis 10:17

joꞌ ajcuiꞌ laj heveo, laj araceo, ut laj sineo.

Génesis 12:9

Laj Abram qui-oc cuiꞌchic chi xic saꞌ li naꞌajej Neguev.

Génesis 13:7

Ut saꞌ li naꞌajej aꞌan cuanqueb laj cananeo joꞌ eb ajcuiꞌ laj ferezeo. Xban nak kꞌaxal latzꞌ li naꞌajej, queꞌxpleti rib chi ribileb rib laj ilol xqueto̱mk laj Abram riqꞌuineb laj ilol xqueto̱mk laj Lot.

Josué 3:10

Ut quixye ajcuiꞌ reheb: —Nak li Lokꞌlaj Ca̱x ta̱numekꞌ jun pacꞌal li nimaꞌ Jordán, te̱nau nak li yoꞌyo̱quil Dios cuan saꞌ kaya̱nk ut aꞌan ajcuiꞌ ta̱isi̱nk reheb laj cananeo, eb laj heteo, eb laj heveo, eb laj ferezeo, eb laj gergeseo, eb laj amorreo ut eb laj jebuseo saꞌ li kabe li bar tonumekꞌ cuiꞌ.

Jueces 1:9

Chirix aꞌan queꞌco̱eb chi pletic riqꞌuineb laj Canaán li cuanqueb saꞌ li tzu̱l ru ut saꞌ li ru takꞌa, joꞌ eb ajcuiꞌ li cuanqueb Neguev.