Josué 12:7 - Li Santil hu

⁷ Aꞌaneb aꞌin li rey li queꞌsacheꞌ ruheb xban laj Josué rochbeneb lix soldados. Eb li naꞌajej aꞌan cuanqueb jun pacꞌal li nimaꞌ saꞌ li oeste li na-oc cuiꞌ li sakꞌe. Naticla chak cuan cuiꞌ li tenamit Baal-gad saꞌ li ru takꞌa Líbano. Nacuulac cuan cuiꞌ li tzu̱l Halac ut nacuulac cuan cuiꞌ li naꞌajej Seir. Ut li chꞌochꞌ li queꞌre̱chani laj Josué quixjeqꞌui reheb chixjunju̱nkaleb lix te̱paleb li ralal xcꞌajol laj Israel.

Q'eqchi Bible

⁷ A'aneb' a'in li awab'ej q'axb'ileb' ru xb'aan laj Josué ut xb'aaneb' laj Israel sa' xjayal rokeb'l saq'e, junpak'al li nima' Jordán, chalen chaq Bahal Gad, sa' xtaq'ahil Líbano, toj wan wi' li T'ojochil Tzuul li wank sa' xb'een Seír. Laj Josué kixjek'i li xch'och'eb' li awab'ej a'an cho'q reheb' li xteepaleb' laj Israel, a' yaal k'aru li xmaatan li junjunq. Kixk'e cho'q reechanihomeb':

Josué 12:7 ပူးပေါင်းရင်းမြစ်များ

Josué 11:17

Li naꞌajej li queꞌre̱chani naticla chak cuan cuiꞌ li tzu̱l Halac li cuan cuiꞌ li naꞌajej Seir ut nacuulac toj Baal-gad li cuan saꞌ li ru takꞌa li cuan Líbano nachꞌ riqꞌuin li tzu̱l Hermón. Eb laj Israel queꞌxchap chixjunileb li rey ut queꞌxcamsiheb.

Josué 11:23

Joꞌcaꞌin nak laj Josué quire̱chani chixjunil lix naꞌajeb, joꞌ quiyeheꞌ re laj Moisés xban li Dios. Ut quixjeqꞌui li naꞌajej reheb li cablaju xte̱paleb laj Israel. Ut incꞌaꞌ chic quicuan li ple̱t saꞌ eb li naꞌajej aꞌan.

Josué 9:1

Eb li rey li cuanqueb jun pacꞌal li nimaꞌ Jordán saꞌ li oeste queꞌrabi resil li cꞌaꞌru queꞌxba̱nu laj Israel. Eb li rey aꞌan cuanqueb saꞌ eb li naꞌajej li tzu̱l ru ut li ru takꞌa ut cuanqueb ajcuiꞌ chire li Palau Mediterráneo chiru li naꞌajej Líbano. Aꞌaneb laj heteo, eb laj amorreo, eb laj cananeo, eb laj ferezeo, eb laj heveo ut eb laj jebuseo.

Josué 3:17

Ut chaki li chꞌochꞌ queꞌnumeꞌ cuiꞌ chixjunileb laj Israel saꞌ li nimaꞌ Jordán. Ut eb laj tij li yo̱queb chi cꞌamoc re lix Lokꞌlaj Ca̱x li Ka̱cuaꞌ xakxo̱queb saꞌ xyi li nimaꞌ Jordán nak yo̱queb chi numecꞌ li tenamit, ut chaki li chꞌochꞌ li xakxo̱queb cuiꞌ.

Deuteronomio 2:4

Ta̱ye reheb laj Israel chi joꞌcaꞌin: Oc e̱re chi numecꞌ saꞌ lix naꞌajeb li ralal xcꞌajol laj Esaú, le̱ rechꞌalal li cuanqueb saꞌ li naꞌajej Seir. Eb aꞌan teꞌxucuak che̱rilbal, abanan la̱ex te̱ba̱nu cue̱nt.

Deuteronomio 2:1

Chirix aꞌan cosukꞌi ut co̱o saꞌ li chaki chꞌochꞌ saꞌ li Caki Palau joꞌ quixye cue li Ka̱cuaꞌ. Najt kabeni kib saꞌ li naꞌajej Seir, li tzu̱l ru.

Génesis 36:30

joꞌ eb ajcuiꞌ laj Disón, laj Ezer ut laj Disán. Eb aꞌan queꞌtaklan saꞌ xbe̱neb laj horeo. Eb li cui̱nk aꞌin, aꞌaneb li queꞌtaklan saꞌ xbe̱neb li ju̱nk chꞌu̱tal li ralal xcꞌajoleb.

Génesis 36:20

Eb laj horeo queꞌcuan ajcuiꞌ saꞌ li naꞌajej aꞌan. Laj Seir aꞌan aj horeo. Aꞌaneb aꞌin li ralal laj Seir; laj Lotán, laj Sobal, ut laj Zibeón. Laj Aná, aꞌan li ralal laj Zibeón.

Génesis 36:8

Joꞌcan nak laj Esaú co̱ chi cua̱nc saꞌ li naꞌajej li tzu̱l ru Seir xcꞌabaꞌ. Nayeman ajcuiꞌ aj Edom re laj Esaú.

Génesis 32:3

Laj Jacob quixtaklaheb lix takl chi ubej re nak teꞌxic saꞌ li tenamit Seir li cuan xcue̱nt Edom, re nak teꞌxye re laj Esaú nak cuulac re laj Jacob.

Génesis 14:6

Ut queꞌnumta ajcuiꞌ saꞌ xbe̱neb laj horeo li cuanqueb saꞌ li tenamit Seir li tzu̱l ru. Ut queꞌcuulac saꞌ li tenamit Parán li cuan toj saꞌ xnuba̱l li chaki chꞌochꞌ.

Salmos 135:11

Quixqꞌue chi camsi̱c laj Sehón lix reyeb laj amorreo. Quixqꞌue chi camsi̱c laj Og lix reyeb laj Basán. Ut quixqꞌueheb ajcuiꞌ chi camsi̱c chixjunileb li rey li queꞌcuan Canaán.