Josué 12:6 - Li Santil hu

⁶ Junxil laj Moisés rochbeneb lix soldado queꞌnumta saꞌ xbe̱neb li rey Sehón ut li rey Og. Ut li naꞌajej li queꞌre̱chani, laj Moisés quixjecꞌ reheb li jun te̱p chi ralal xcꞌajol laj Rubén, reheb li jun te̱p chi ralal xcꞌajol laj Gad ut reheb ajcuiꞌ yijach xte̱paleb li ralal xcꞌajol laj Manasés.

Q'eqchi Bible

⁶ Laj Moisés, laj k'anjel chiru li Qaawa', ut eb' laj Israel ke'xq'ax ruheb' li awab'ej a'in, ut laj Moisés, laj k'anjel chiru li Qaawa', kixk'e li na'ajej a'in chi reechaniheb' laj Rubén, laj Gad ut li xyiijachil xteepal laj Manasés.

Josué 12:6 ပူးပေါင်းရင်းမြစ်များ

Números 32:33

Joꞌcan nak laj Moisés quixqꞌue lix naꞌaj laj Sehón lix reyeb laj amorreo ut lix naꞌaj laj Og lix reyeb laj Basán reheb li ralal xcꞌajol laj Gad, ut reheb li ralal xcꞌajol laj Rubén ut reheb ajcuiꞌ yijach li ralal xcꞌajol laj Manasés li ralal laj José. Quixqꞌue ajcuiꞌ reheb li tenamit ut eb li cocꞌ cꞌaleba̱l li cuanqueb chi xjun sutam.

Números 32:29

Quixye reheb: —Cui eb li cui̱nk xcomoneb li ralal xcꞌajol laj Gad ut eb li ralal xcꞌajol laj Rubén teꞌxic jun pacꞌal li nimaꞌ chi pletic, la̱ex te̱qꞌue reheb li naꞌajej Galaad nak ac xere̱chani li chꞌochꞌ.

Números 32:32

La̱o toxic chi pletic jun pacꞌal li nimaꞌ Jordán aran Canaán joꞌ naxye ke li Ka̱cuaꞌ. Abanan li naꞌajej li tocua̱nk cuiꞌ, aꞌan li cuan saꞌ li pacꞌal aꞌin, saꞌ li oriente, chanqueb.

Josué 14:3

Li cuib te̱p chi ralal xcꞌajol laj Israel ac xeꞌxcꞌul li reheb aꞌan jun pacꞌal li nimaꞌ Jordán rochbeneb li yijach li ralal xcꞌajol laj Manasés. Eb li ralal xcꞌajol laj Leví incꞌaꞌ quiqꞌueheꞌ xchꞌochꞌeb.

Josué 18:7

Li ralal xcꞌajol laj Leví incꞌaꞌ ta̱qꞌuehekꞌ xnaꞌajeb xban nak eb aꞌan teꞌcꞌanjelak chokꞌ aj tij chiru li Ka̱cuaꞌ. Eb li ralal xcꞌajol laj Gad ut eb li ralal xcꞌajol laj Rubén, ut yijach li ralal xcꞌajol laj Manasés, eb aꞌan ac xeꞌxcꞌul lix naꞌajeb jun pacꞌal li nimaꞌ Jordán, li nacana saꞌ li este. Aran quiqꞌueheꞌ xnaꞌajeb xban laj Moisés laj cꞌanjel chiru li Dios, chan laj Josué.

Josué 22:4

Anakcuan ac xqꞌue ke li Ka̱cuaꞌ li cꞌaꞌru quixyechiꞌi ut eb le̱ rech tenamitil cuanqueb saꞌ xya̱lal. Anakcuan tintzꞌa̱ma che̱ru nak texsukꞌi̱k saꞌ le̱ naꞌaj aran jun pacꞌal li nimaꞌ Jordán, li quiqꞌueheꞌ e̱re xban laj Moisés laj cꞌanjel chiru li Ka̱cuaꞌ.

1 Reyes 4:19

Laj Geber li ralal laj Uri quicꞌanjelac saꞌ li naꞌajej Galaad, saꞌ lix tenamit li rey Sehón, lix reyeb laj amorreo, ut saꞌ li naꞌajej Basán li quicuan cuiꞌ chokꞌ rey laj Og. Caꞌaj cuiꞌ laj Geber quitaklan saꞌ eb li naꞌajej aꞌin.