Josué 12:2 - Li Santil hu

² Laj Sehón lix reyeb laj amorreo li cuan saꞌ li tenamit Hesbón, aꞌan nataklan saꞌ xbe̱n li naꞌajej li naticla chak Aroer li cuan chire li nimaꞌ Arnón. Ut yijach re li ru takꞌa ut yijach li naꞌajej re Galaad. Nacuulac cuan cuiꞌ li nimaꞌ Jaboc saꞌ li nuba̱l re lix tenamiteb li ralal xcꞌajol laj Amón.

Q'eqchi Bible

² Laj Sijón, awab'ej re Amor, li kiwank chaq Jesbón. A'an ki'awab'ejink chalen chaq Aroher, chire li nima' Arnón, ut chalen li xyiijachil li ru taq'a jo'wi' li xyiijachil li na'ajej Galahad toj wan wi' li nima' Yabok, b'arwi' natiklaak li xch'och'eb' laj Amón.

Josué 12:2 ပူးပေါင်းရင်းမြစ်များ

Génesis 32:22

Saꞌ ajcuiꞌ li kꞌojyi̱n aꞌan, laj Jacob quicuacli ut quixtaklaheb chi xcabichal li rixakil jun pacꞌal li nimaꞌ Jaboc. Quixtaklaheb ajcuiꞌ li cuib chi mo̱s ixk joꞌ ajcuiꞌ li ralal junlaju.

Salmos 135:11

Quixqꞌue chi camsi̱c laj Sehón lix reyeb laj amorreo. Quixqꞌue chi camsi̱c laj Og lix reyeb laj Basán. Ut quixqꞌueheb ajcuiꞌ chi camsi̱c chixjunileb li rey li queꞌcuan Canaán.

Nehemías 9:22

La̱at cakꞌaxtesiheb li tenamit saꞌ rukꞌeb rochbeneb lix reyeb. Queꞌre̱chani chixjunil li naꞌajej Hesbón bar quicuan cuiꞌ li rey Sehón, joꞌ ajcuiꞌ li naꞌajej Basán bar quicuan cuiꞌ li rey Og.

Jueces 11:22

Quike̱chani chixjunil lix naꞌajeb laj amorreo, li naticla cuan cuiꞌ li nimaꞌ Arnón ut nacuulac saꞌ li nimaꞌ Jaboc. Saꞌ xjayal li na-el cuiꞌ chak li sakꞌe naticla saꞌ li chaki chꞌochꞌ ut nacuulac toj saꞌ li nimaꞌ Jordán saꞌ xjayal li na-oc cuiꞌ li sakꞌe.

Jueces 11:13

Lix reyeb laj Amón quixye reheb lix takl laj Jefté: —Nak queꞌel chak Egipto, eb laj Israel queꞌrelkꞌa lin chꞌochꞌ. Naticla saꞌ li nimaꞌ Arnón. Nacuulac toj saꞌ li nimaꞌ Jaboc ut toj saꞌ li nimaꞌ Jordán. Nintzꞌa̱ma che̱ru nak te̱kꞌaxtesi ke saꞌ xya̱lal, chan.

1 Crónicas 5:8

laj Bela li ralal laj Azaz; laj Azaz, aꞌan li ralal laj Sema; laj Sema, aꞌan li ralal laj Joel. Eb aꞌin queꞌcuan aran Aroer toj saꞌ li tenamit Nebo ut Baal-meón.

Jeremías 48:19

Ut la̱ex li cuanquex Aroer, xaklinkex chire li be chi oybeni̱nc. Patzꞌomak reheb li yo̱queb chi e̱lelic cꞌaꞌru xcꞌulman.

Deuteronomio 1:4

Aꞌin quicꞌulman nak ac xeꞌnumta saꞌ xbe̱n laj Sehón lix reyeb laj amorreo, li quicuan Hesbón ut saꞌ xbe̱n ajcuiꞌ laj Og lix reyeb laj Basán li quicuan Astarot saꞌ li naꞌajej Edrei.