Josué 11:8 - Li Santil hu

⁸ Li Ka̱cuaꞌ quixqꞌueheb laj Israel chi numta̱c saꞌ xbe̱neb. Ut queꞌra̱linaheb toj saꞌ li nimla tenamit Sidón ut toj saꞌ li naꞌajej Misrefot-maim ut toj saꞌ li ru takꞌa Mizpa li cuan saꞌ li este. Ut queꞌxcamsi chixjunileb. Ma̱ jun chic reheb queꞌcana chi yoꞌyo.

Q'eqchi Bible

⁸ Li Qaawa' kiq'axtesink reheb' sa' ruq'eb' laj Israel. Ke'xq'ax ruheb' ut ke'raanilasiheb' toj wan wi' li Nimla Sidón ut Misrepot ut, sa' xjayal releb'l saq'e, toj sa' xtaq'ahil Mispá. Ke'xsach ruheb': maajun chik kikanaak chi yo'yo.

Josué 11:8 ပူးပေါင်းရင်းမြစ်များ

Josué 13:6

La̱in texintenkꞌa chirisinquileb chi junaj cua saꞌ li naꞌajej Sidón. Te̱sach ruheb chixjunileb li cuanqueb saꞌ li naꞌajej tzu̱l ru toj saꞌ li naꞌajej Líbano ut toj saꞌ li naꞌajej Misrefot-maim. Abanan tento nak ta̱jeqꞌui riqꞌuin bu̱lic li naꞌajej reheb laj Israel joꞌ xinye a̱cue.

Josué 19:28

Nacuulac toj saꞌ eb li tenamit Hebrón, Rehob, Hamón ut Caná. Nacuulac toj cuan cuiꞌ li nimla tenamit Sidón.

Zacarías 9:2

Ut teꞌtzꞌako̱nk ajcuiꞌ riqꞌuin li raylal li cuanqueb saꞌ li tenamit Hamat li cuan saꞌ li este li na-el cuiꞌ chak li sakꞌe. Joꞌcan ajcuiꞌ li tenamit Tiro ut li tenamit Sidón usta kꞌaxal cuanqueb xnaꞌleb.

Josué 21:44

Ut li Ka̱cuaꞌ quixba̱nu li cꞌaꞌru quixyechiꞌi reheb. Quixqꞌueheb chi cua̱nc saꞌ usilal saꞌ lix tenamiteb. Ut ma̱ jun reheb li xicꞌ nequeꞌiloc reheb queꞌru chi pletic riqꞌuineb xban nak li Ka̱cuaꞌ naxqꞌueheb laj Israel chi numta̱c saꞌ xbe̱neb.

Josué 11:3

Ut quixtakla ajcuiꞌ xyebal resil reheb laj cananeo li cuanqueb saꞌ xcaꞌ pacꞌalil li nimaꞌ Jordán ut reheb laj amorreo, eb laj heteo, eb laj ferezeo, eb laj jebuseo, li cuanqueb saꞌ li tzu̱l ru joꞌ eb ajcuiꞌ laj heveo li cuanqueb nachꞌ riqꞌuin li tzu̱l Hermón li cuan saꞌ li naꞌajej Mizpa.

Génesis 49:13

Ut la̱at, at Zabulón, la̱at joꞌ eb ajcuiꞌ la̱ cualal a̱cꞌajol texcua̱nk nachꞌ chire li palau. Telajeꞌhila̱nk eb li ni̱nki jucub chire li palau li cua̱nkex cuiꞌ la̱ex. Li naꞌajej li texcua̱nk cuiꞌ, aꞌan cuan saꞌ xjayal li tenamit Sidón.

Génesis 10:15

Laj Canaán, aꞌan xyucuaꞌ laj Sidón ut laj Het. Laj Sidón, aꞌan li asbej.

Josué 11:7

Joꞌcan nak laj Josué rochbeneb chixjunileb lix soldados queꞌco̱eb nachꞌ riqꞌuin li palau Merom chi pletic riqꞌuineb chi ma̱cꞌaꞌ saꞌ xchꞌo̱leb.

Isaías 23:4

Xuta̱nal xex-el la̱ex aj Sidón, li nimla tenamit li cuan chire li palau. Ta̱cuulak xkꞌehil nak te̱ye: —Chanchan ma̱ jun sut xcuecꞌa li raylal li nequeꞌxcꞌul li ixk li oqueb re chi qꞌuira̱c. Chanchan nak ma̱ jun li cualal incꞌajol xinqꞌuiresi, chi moco te̱lom chi moco xkaꞌal.—

Deuteronomio 7:2

Li Ka̱cuaꞌ le̱ Dios tixkꞌaxtesiheb saꞌ e̱rukꞌ re nak texpletik riqꞌuineb ut texnumta̱k saꞌ xbe̱neb. Incꞌaꞌ te̱ba̱nu li contrato riqꞌuineb, chi moco te̱ril xtokꞌoba̱l ruheb. Te̱sach ban ruheb chi junaj cua.

Deuteronomio 9:3

Joꞌcan ut chenauhak nak li Ka̱cuaꞌ le̱ Dios ta̱xic che̱ru. Chanchanak li xam li yo̱ chixcꞌatbal chixjunil. Aꞌan ta̱numta̱k saꞌ xbe̱neb nak yo̱kex chi xic. Aꞌan ta̱tenkꞌa̱nk e̱re chirisinquileb saꞌ li naꞌajej aꞌan ut tixsach ruheb chi junpa̱t. Li Ka̱cuaꞌ tixba̱nu joꞌ quixyechiꞌi e̱re.

Josué 10:20

Nak laj Josué ut eb laj Israel queꞌxsach ru chi junaj cua eb laj amorreo, nabaleb li queꞌcamsi̱c. Abanan cuanqueb ajcuiꞌ junju̱nk queꞌe̱lelic. Eb aꞌan queꞌco̱eb chixcolbaleb rib saꞌ eb li tenamit li sutsu̱queb saꞌ tzꞌac.

2 Samuel 24:6

Chirix aꞌan queꞌco̱eb saꞌ eb li tenamit Galaad ut Hodsi saꞌ lix naꞌajeb laj hititas. Nak queꞌel aran queꞌco̱eb saꞌ li tenamit Dan-jaán. Ut chirix aꞌan queꞌco̱eb Sidón ut saꞌ eb li naꞌajej li cuanqueb chi xjun sutam.