Josué 11:5 - Li Santil hu

⁵ Chixjunileb li rey aꞌin queꞌxchꞌutub ribeb ut queꞌco̱eb chi pletic riqꞌuineb laj Israel. Ut queꞌxyi̱b lix muheba̱leb chire li palau Merom.

Q'eqchi Bible

⁵ Chixjunileb' a'in ke'xjunaji rib' ut koxe'hilanq chire li ha' re Merón re yalok rik'ineb' laj Israel.

Josué 11:5 ပူးပေါင်းရင်းမြစ်များ

Apocalipsis 16:14

Eb li ma̱us aj musikꞌej aꞌin nequeꞌxba̱nu sachba chꞌo̱lej. Nequeꞌxic yalak bar saꞌ ruchichꞌochꞌ chixchꞌutubanquileb li rey ut eb li tenamit re nak teꞌpletik saꞌ eb li cutan nak li nimajcual Dios ta̱pletik riqꞌuin li joskꞌ aj xul.

Isaías 8:9

La̱ex tenamit, usta te̱chꞌutub e̱rib, yo̱k ajcuiꞌ e̱xiu. Abihomak la̱ex li cuanquex chi najt. Usta te̱cauresi e̱rib, abanan ta̱chꞌina̱nk e̱chꞌo̱l ut ta̱sachekꞌ e̱ru.

Salmos 3:1

At Ka̱cuaꞌ, nabaleb li xicꞌ nequeꞌiloc cue. Nabaleb li nequeꞌraj numta̱c saꞌ inbe̱n.

Josué 11:4

Queꞌxjunaji ribeb chixjunileb rochbeneb lix soldados re teꞌxic chi pletic riqꞌuineb laj Israel. Kꞌaxal cuiꞌchic nabaleb. Chanchan xqꞌuial li samaib chire li palau. Ut nabaleb lix cacua̱yeb joꞌ ajcuiꞌ lix carruajeb re pletic.

Josué 11:6

Li Ka̱cuaꞌ Dios quixye re laj Josué: —Matxucuac chiruheb li cuanqueb Canaán xban nak cuulaj ajcuiꞌ joꞌcaꞌin ho̱nal acak xeꞌcam chixjunileb xban nak la̱in tinkꞌaxtesiheb saꞌ e̱rukꞌ la̱ex aj Israel. Te̱tok rokeb lix cacua̱yeb ut te̱cꞌateb lix carruaje, chan li Dios.

Josué 9:2

Chixjunileb aꞌan queꞌxcꞌu̱b rib re nak teꞌoc chi pletic saꞌ comonil riqꞌuin laj Josué ut eb lix soldado.

2 Samuel 10:15

Eb li soldados re Siria queꞌxqꞌue retal nak eb laj Israel queꞌnumta saꞌ xbe̱neb. Joꞌcan nak queꞌxchꞌutub cuiꞌchic ribeb chixjunileb.

Salmos 48:5

Abanan nak queꞌril li tenamit Jerusalén, queꞌsach xchꞌo̱leb. Queꞌxucuac ut queꞌe̱lelic.