Josué 11:4 - Li Santil hu

⁴ Queꞌxjunaji ribeb chixjunileb rochbeneb lix soldados re teꞌxic chi pletic riqꞌuineb laj Israel. Kꞌaxal cuiꞌchic nabaleb. Chanchan xqꞌuial li samaib chire li palau. Ut nabaleb lix cacua̱yeb joꞌ ajcuiꞌ lix carruajeb re pletic.

Q'eqchi Bible

⁴ Chixjunileb' li awab'ej a'in koheb' rochb'eeneb' chixjunileb' laj puub', k'ajo' xk'ihaleb', kama' li samahib' chire li palaw, rochb'eeneb' ajwi' naab'aleb' li kawaay ut eb' li b'eleb'aal ch'iich'.

Josué 11:4 ပူးပေါင်းရင်းမြစ်များ

Jueces 7:12

Eb laj Madián ut eb laj Amalec ut eb li queꞌchal saꞌ li oriente chanchaneb jun tu̱b chi aj sa̱cꞌ saꞌ li ru takꞌa xban nak kꞌaxal nabaleb. Nabaleb lix camellos. Chanchan xqꞌuial li samaib li cuan chire li palau.

1 Samuel 13:5

Ut eb laj filisteo queꞌxchꞌutub ribeb chi pletic riqꞌuineb laj Israel. Cuanqueb laje̱b xcaꞌcꞌa̱l mil (30,000) chi carruaje re pletic, cuanqueb cuakib mil (6,000) li soldado li nequeꞌxic chirix cacua̱y, ut cuanqueb ajcuiꞌ nabaleb li soldado li nequeꞌxic chi rokeb joꞌ xqꞌuial li samaib li cuan chire li palau. Queꞌco̱eb ut queꞌxyi̱b lix muheba̱leb aran Micmas li nacana saꞌ xjayal li tenamit Bet-avén, li na-el cuiꞌ chak li sakꞌe.

Génesis 32:12

La̱at junxil caye chak cue nak tina̱cuosobtesi ut caye ajcuiꞌ nak teꞌcua̱nk nabal li cualal incꞌajol joꞌ xqꞌuial ru li samaib li cuan chire li palau, li incꞌaꞌ naru rajlanquil xban xqꞌuial, chan.

Génesis 22:17

Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.

1 Reyes 4:20

Eb laj Israel ut eb laj Judá kꞌaxal nabaleb joꞌ xqꞌuial li cocꞌ ru li samaib chire li palau. Nequeꞌcuaꞌac ut nequeꞌucꞌac chi sa saꞌ xchꞌo̱leb.

2 Samuel 17:11

La̱in ninye a̱cue nak kꞌaxal us nak ta̱chꞌutubeb ru chixjunileb laj Israel, li cuanqueb saꞌ li tenamit Dan toj saꞌ li tenamit Beerseba. Eb aꞌan kꞌaxal nabaleb. Chanchaneb li cocꞌ ru li samaib chire li palau. Ut la̱at tatcꞌamok xbeheb nak texxic chi pletic.

Josué 11:5

Chixjunileb li rey aꞌin queꞌxchꞌutub ribeb ut queꞌco̱eb chi pletic riqꞌuineb laj Israel. Ut queꞌxyi̱b lix muheba̱leb chire li palau Merom.

Salmos 20:8

Eb li cauheb xchꞌo̱l riqꞌuin lix carruajeb ut lix cacua̱y, eb aꞌan teꞌcana̱k chi ma̱cꞌaꞌeb chic xcuanquil ut teꞌosokꞌ. Abanan la̱o junelic cau kachꞌo̱l riqꞌuin li Dios ut incꞌaꞌ ta̱chꞌina̱nk kachꞌo̱l.