Josué 11:3 - Li Santil hu

³ Ut quixtakla ajcuiꞌ xyebal resil reheb laj cananeo li cuanqueb saꞌ xcaꞌ pacꞌalil li nimaꞌ Jordán ut reheb laj amorreo, eb laj heteo, eb laj ferezeo, eb laj jebuseo, li cuanqueb saꞌ li tzu̱l ru joꞌ eb ajcuiꞌ laj heveo li cuanqueb nachꞌ riqꞌuin li tzu̱l Hermón li cuan saꞌ li naꞌajej Mizpa.

Q'eqchi Bible

³ Kixtaqla ajwi' xyeeb'al resil reheb' laj Kanahán li wankeb' chaq sa' releb'l saq'e ut rokeb'l saq'e, reheb' laj Amor, eb' laj Jib, eb' laj Perés ut eb' laj Jebús sa' xyanqeb' li tzuul, reheb' laj Jib chiru li tzuul Hermón, sa' li tenamit Mispá.

Josué 11:3 ပူးပေါင်းရင်းမြစ်များ

Jueces 3:3

Aꞌaneb aꞌin li tenamit li queꞌcanaba̱c saꞌ li naꞌajej Canaán: eb li o̱b chi rey li queꞌtaklan saꞌ xbe̱neb laj filisteo, chixjunileb laj cananeo, eb laj Sidón, ut eb laj heveo li queꞌcuan saꞌ eb li tzu̱l re Líbano, li naticla saꞌ li tzu̱l Baal-hermón toj saꞌ li naꞌajej Hamat.

Josué 18:26

Mizpa, Cafira, Mozah,

Génesis 31:49

Ut queꞌxqꞌue ajcuiꞌ Mizpa chokꞌ xcꞌabaꞌ li naꞌajej aꞌan. Laj Labán quixye, Aꞌ taxak li Ka̱cuaꞌ Dios chi-ilok ke nak takacanab kib chi kibil kib, chan.

Josué 15:63

Abanan eb li ralal xcꞌajol laj Judá incꞌaꞌ queꞌru risinquileb laj jebuseo saꞌ li tenamit Jerusalén. Eb laj jebuseo toj cuanqueb saꞌ li tenamit Jerusalén toj chalen anakcuan rochbeneb li ralal xcꞌajol laj Judá.

Josué 13:11

Ut quijeqꞌui̱c ajcuiꞌ reheb li naꞌajej Galaad ut lix tenamiteb laj gesureo ut lix naꞌajeb laj maacateo, ut chixjunil li tzu̱l Hermón ut chixjunil li naꞌajej Basán. Nacuulac toj saꞌ li tenamit Salca.

Jeremías 41:14

Chixjunileb li quixchapeb laj Ismael aran Mizpa queꞌxkꞌaxtesi ribeb rubel xcuanquil laj Johanán li ralal laj Carea.

Jeremías 41:3

Laj Ismael quixcamsiheb ajcuiꞌ chixjunileb laj judío li cuanqueb riqꞌuin laj Gedalías aran Mizpa. Ut quixcamsiheb ajcuiꞌ chixjunileb li soldado aj Babilonia li cuanqueb aran.

Jeremías 40:10

La̱in tincana̱k Mizpa ut tin-oque̱nk che̱rix nak eb laj Babilonia teꞌcha̱lk chi a̱tinac kiqꞌuin. La̱ex naru texcana̱k arin chixsicꞌbal ru li uvas ut li ru li cheꞌ li na-el saꞌ sakꞌehil ut li aceite. Te̱xoc saꞌ eb li cab li naxoqueꞌ cuiꞌ li cꞌaꞌak re ru. Cana̱kex saꞌ eb li tenamit li xesicꞌ ru, chan.

Jeremías 40:6

Joꞌcan nak laj Jeremías co̱ Mizpa chi cua̱nc saꞌ rochoch laj Gedalías li ralal laj Ahicam. Quicuan aran saꞌ xya̱nkeb li rech tenamitil li joꞌ qꞌuial chic queꞌcana saꞌ li naꞌajej aꞌan.

Cantares 4:8

Quim cuiqꞌuin, at cuixakil, ut toxic. E̱lko saꞌ li naꞌajej Líbano li cuanqueb cuiꞌ eb li tzu̱l Amana, Senir ut Hermón, lix naꞌajeb li cakcoj ut li hix.

Salmos 133:3

Chanchan li xchuꞌque li qꞌuebil xban li Dios, li nacube saꞌ li tzu̱l Hermón ut saꞌ li tzu̱l Sión. Aran quirosobtesi lix tenamit li Ka̱cuaꞌ ut quixqꞌue li junelic yuꞌam reheb.

Salmos 89:12

La̱at catyi̱ban re chixjunil li cꞌaꞌru cuan chalen saꞌ li norte toj saꞌ li sur. Li tzu̱l Tabor ut li tzu̱l Hermón nequeꞌxqꞌue a̱lokꞌal.

1 Reyes 15:22

Li rey Asa quixtakla xbokbaleb chixjunileb li cuanqueb Judá ut quixye reheb nak ma̱ jun ta̱paltok. Ut quixtaklaheb aran Ramá chixxocbal li pec ut li cheꞌ li yo̱ chi cꞌanjelac chiru laj Baasa re xyi̱banquil chi cha̱bil li tenamit Ramá. Ut riqꞌuin aꞌan li rey Asa quixyi̱b chi cha̱bil li cuib chi tenamit Mizpa ut Geba, lix naꞌajeb li ralal xcꞌajol laj Benjamín.

1 Reyes 9:20

Cuanqueb li ma̱cuaꞌeb aj Israel li toj queꞌcana saꞌ eb li tenamit aꞌan. Aꞌaneb aꞌin li queꞌcana: eb laj amorreo, eb laj heteo, eb laj ferezeo, eb laj heveo, ut eb laj jebuseo.

2 Samuel 24:16

Oc raj re chixsachbal ru li tenamit Jerusalén lix ángel li Dios, abanan quiyotꞌeꞌ xchꞌo̱l li Dios chirilbal li raylal yo̱queb chixcꞌulbal. Ut li Dios quixye re li ángel li yo̱ chi camsi̱nc reheb: —Tzꞌakal li xaba̱nu. Ma̱rahobtesiheb chic, chan. Saꞌ li ho̱nal aꞌan lix ángel li Dios cuan chire li naꞌajej li narisi cuiꞌ rix li trigo laj Arauna laj jebuseo.

1 Samuel 10:17

Mokon chic laj Samuel quixtakla xchꞌutubanquileb li tenamit chiru li Ka̱cuaꞌ aran Mizpa.

Jueces 21:8

Ut queꞌxye chi ribileb rib: —¿Ma cuanqueb saꞌ xya̱nkeb li ralal xcꞌajol laj Israel li incꞌaꞌ queꞌxchꞌutub ribeb chiru li Ka̱cuaꞌ arin Mizpa? chanqueb. Ut queꞌxqꞌue retal nak eb li cuanqueb Jabes-galaad incꞌaꞌ queꞌcuan aran nak queꞌxchꞌutub ribeb.

Jueces 21:5

Queꞌxye chi ribileb rib: —¿Ma cuanqueb kacomon incꞌaꞌ queꞌcuulac nak kachꞌutub kib aran Mizpa re xlokꞌoninquil li Ka̱cuaꞌ? La̱o kaba̱nu li juramento nak teꞌcamsi̱k li incꞌaꞌ queꞌcuulac chixchꞌutubanquil ribeb Mizpa, chanqueb.

Jueces 20:1

Quilajeꞌxchꞌutub ribeb chixjunileb li cui̱nk aj Israel saꞌ li naꞌajej cuan cuiꞌ li tabernáculo aran Mizpa. Eb aꞌan queꞌchal chak saꞌ eb li naꞌajej li naticla chak Dan ut nacuulac Beerseba ut toj Galaad.

Jueces 3:5

Joꞌcan nak eb laj Israel queꞌcuan saꞌ xya̱nkeb laj cananeo, eb laj hiteo, eb laj amorreo, eb laj ferezeo, eb laj heveo ut eb laj jebuseo.

Josué 15:38

Dileán, Mizpa, Jocteel,

Deuteronomio 7:1

Li Ka̱cuaꞌ le̱ Dios ta̱ocsi̱nk e̱re saꞌ li naꞌajej li te̱re̱chani la̱ex. Ta̱risiheb che̱ru li cuukub chi xni̱nkal ru tenamit. Aꞌaneb laj heteo, eb laj gergeseo, eb laj amorreo, eb laj cananeo, eb laj ferezeo, eb laj heveo, joꞌ eb ajcuiꞌ laj jebuseo. Eb li tenamit aꞌin cauheb rib ut kꞌaxal ni̱nkeb xcuanquil che̱ru la̱ex.

Deuteronomio 4:48

Li naꞌajej aꞌin quiticla Aroer li cuan chire li nimaꞌ Arnón ut nacuulac toj saꞌ li tzu̱l Sión li nayeman ajcuiꞌ Hermón re.

Números 13:29

Saꞌ li naꞌajej Neguev cuan laj Amalec. Ut eb laj heteo, eb laj jebuseo ut eb laj amorreo cuanqueb saꞌ li naꞌajej li tzu̱l ru. Eb laj cananeo cuanqueb chire li palau ut chire li nimaꞌ Jordán, chanqueb.

Josué 11:8

Li Ka̱cuaꞌ quixqꞌueheb laj Israel chi numta̱c saꞌ xbe̱neb. Ut queꞌra̱linaheb toj saꞌ li nimla tenamit Sidón ut toj saꞌ li naꞌajej Misrefot-maim ut toj saꞌ li ru takꞌa Mizpa li cuan saꞌ li este. Ut queꞌxcamsi chixjunileb. Ma̱ jun chic reheb queꞌcana chi yoꞌyo.

Josué 11:17

Li naꞌajej li queꞌre̱chani naticla chak cuan cuiꞌ li tzu̱l Halac li cuan cuiꞌ li naꞌajej Seir ut nacuulac toj Baal-gad li cuan saꞌ li ru takꞌa li cuan Líbano nachꞌ riqꞌuin li tzu̱l Hermón. Eb laj Israel queꞌxchap chixjunileb li rey ut queꞌxcamsiheb.

Josué 13:5

ut lix naꞌajeb laj giblita, ut chixjunil li naꞌajej Líbano li cuan saꞌ li este li nacuulac toj saꞌ li tenamit Baal-gad li cuan saꞌ li tzu̱l Hermón saꞌ li oqueba̱l re li tenamit Hamat.

2 Samuel 24:7

Mokon chic, queꞌco̱eb saꞌ li tenamit Tiro, li kꞌaxal cau rib chi pletic. Ut queꞌco̱eb saꞌ chixjunileb lix tenamiteb laj heveo ut eb laj cananeo. Ut queꞌco̱eb saꞌ li tenamit Beerseba, li cuan saꞌ xcue̱nt Judá ut queꞌcuulac toj Neguev.

Josué 3:10

Ut quixye ajcuiꞌ reheb: —Nak li Lokꞌlaj Ca̱x ta̱numekꞌ jun pacꞌal li nimaꞌ Jordán, te̱nau nak li yoꞌyo̱quil Dios cuan saꞌ kaya̱nk ut aꞌan ajcuiꞌ ta̱isi̱nk reheb laj cananeo, eb laj heteo, eb laj heveo, eb laj ferezeo, eb laj gergeseo, eb laj amorreo ut eb laj jebuseo saꞌ li kabe li bar tonumekꞌ cuiꞌ.