Josué 11:2 - Li Santil hu

² Ut quixtakla ajcuiꞌ xyebal resil reheb li rey li cuanqueb saꞌ li norte saꞌ li naꞌajej li tzu̱l ru, li cuan cuiꞌ li Palau Cineret, joꞌ ajcuiꞌ eb li rey li cuanqueb saꞌ li sur saꞌ li naꞌajej Arabá. Ut quixtakla resil reheb li cuanqueb saꞌ li ru takꞌa ut eb li cuanqueb saꞌ li oeste saꞌ li tenamit Dor.

Q'eqchi Bible

² ut reheb' li awab'ej li wankeb' sa' xjayal releb'l iq', sa' xyanqeb' li tzuul, sa' li ru taq'a li wank sa' xjayal rokeb'l iq' re Kinéret, sa' Taq'a ru ut sa' xyanqeb' li tzuul li wankeb' sa' rokeb'l saq'e re Dor.

Josué 11:2 ပူးပေါင်းရင်းမြစ်များ

Jueces 1:27

Eb li ralal xcꞌajol laj Manasés incꞌaꞌ queꞌru risinquileb li cuanqueb saꞌ eb li tenamit Bet-seán ut Taanac, joꞌ ajcuiꞌ li tenamit Dor. Chi moco queꞌrisiheb saꞌ li cocꞌ cꞌaleba̱l li cuanqueb chi xjun sutam. Ut incꞌaꞌ queꞌrisiheb saꞌ eb li tenamit Ibleam ut Meguido, chi moco queꞌrisiheb saꞌ li cocꞌ cꞌaleba̱l li cuanqueb chi xjun sutam. Joꞌcan nak eb laj cananeo queꞌcana chi cua̱nc saꞌ li naꞌajej aꞌan.

Josué 12:3

Ut aꞌan ajcuiꞌ nataklan saꞌ xbe̱neb li naꞌajej li cuan saꞌ li este, li cuan saꞌ li ru takꞌa nachꞌ riqꞌuin li nimaꞌ Jordán. Naticla cuan cuiꞌ li palau Cineret. Nacuulac cuan cuiꞌ li palau Mar Muerto saꞌ xjayal li tenamit Bet-jesimot li cuan saꞌ li sur cuan cuiꞌ li tzu̱l Pisga.

Josué 17:11

Cuan li naꞌajej quitzꞌak laj Manasés xcomon lix naꞌajeb laj Isacar. Aꞌaneb aꞌin lix cꞌabaꞌeb: Aser ut Bet-seán rochben li cocꞌ cꞌaleba̱l; Ibleam rochben li cocꞌ cꞌaleba̱l joꞌ ajcuiꞌ li tenamit Dor ut li tenamit Endor rochbeneb li cocꞌ cꞌaleba̱l; li tenamit Taanac ut eb li cocꞌ cꞌaleba̱l joꞌ ajcuiꞌ li tenamit Meguido rochbeneb li oxib chi tenamit li cuanqueb saꞌ xbe̱n bol.

Números 34:11

Ta̱numekꞌ Sefam ut ta̱cuulak Ribla li cuan saꞌ li este re li naꞌajej Aín xcꞌabaꞌ. Ut ta̱cuulak chire li palau Cineret saꞌ li este.

1 Reyes 4:11

Laj Ben-abinadab quicꞌanjelac saꞌ chixjunil li naꞌajej Dor. Li rixakil, aꞌan lix Tafat, lix rabin laj Salomón.

Josué 12:23

li rey re Dor, ut li rey re li tenamit Goim li cuan aran Gilgal,

San Lucas 5:1

Saꞌ jun li cutan li Jesús cuan chire li palau Genesaret ut kꞌaxal cuiꞌchic nabal li tenamit queꞌchꞌutla chirabinquil li ra̱tin li Dios.

San Lucas 1:39

Ac xnumeꞌ chic cuib oxib cutan nak lix María co̱ saꞌ junpa̱t saꞌ jun li naꞌajej tzu̱l ru cuan saꞌ xcue̱nt Judea.

Josué 13:27

Joꞌ ajcuiꞌ li tenamit Bet-aram li cuan saꞌ li ru takꞌa, li tenamit Bet-nimra, ut eb li tenamit Sucot ut Zafón. Aꞌaneb aꞌin li yijach chic li naꞌajej li quicuan rubel xcuanquil laj Sehón li quicuan chokꞌ rey aran Hesbón. Saꞌ li oeste, lix nuba̱l li naꞌajej aꞌan, aꞌan li nimaꞌ Jordán. Ut saꞌ li norte lix nuba̱l, aꞌan li palau Cineret.

Josué 11:21

Ut eb laj Israel queꞌxsach ajcuiꞌ ruheb li ralal xcꞌajol laj Anac li cuanqueb saꞌ eb li naꞌajej li tzu̱l ru. Aꞌaneb aꞌin li naꞌajej aꞌan: Hebrón, Debir, Anab, ut eb li naꞌajej tzu̱l ru re Judá ut Israel. Queꞌxsach ruheb chixjunileb li cuanqueb aran joꞌ ajcuiꞌ lix tenamiteb.

Josué 10:40

Joꞌcaꞌin nak laj Josué quinumta saꞌ xbe̱neb li rey li cuanqueb saꞌ eb li naꞌajej aꞌan. Queꞌre̱chani chixjunileb li naꞌajej li tzu̱l ru, li naꞌajej Neguev, joꞌ ajcuiꞌ eb li ru takꞌa. Ut queꞌxcamsiheb chixjunileb li cuanqueb aran, joꞌ quiyeheꞌ reheb xban li Ka̱cuaꞌ lix Dioseb laj Israel.

Josué 10:6

Ut eb li cuanqueb saꞌ li tenamit Gabaón queꞌxtakla xyebal re laj Josué toj aran Gilgal bar cuan cuiꞌ lix muheba̱l: —Takaj nak tatcha̱lk chikatenkꞌanquil la̱o aj cꞌanjel cha̱cuu. Moa̱canab kajunes. Tatcha̱lk chi junpa̱t chikacolbal xban nak chixjunileb li rey reheb laj amorreo, li cuanqueb saꞌ li tzu̱l ru, xeꞌchal chi pletic kiqꞌuin.—

Josué 11:16

Joꞌcan nak laj Josué quire̱chani chixjunil li naꞌajej aꞌan. Quire̱chani li naꞌajej li tzu̱l ru, ut li naꞌajej Neguev, ut chixjunil li naꞌajej Gosén ut eb li ru takꞌa re Arabá joꞌ eb ajcuiꞌ li tzu̱l ut li ru takꞌa li cuan Israel.

1 Reyes 15:20

Li rey Ben-adad quixcꞌul xchꞌo̱l li quixye laj Asa. Joꞌcan nak quixtaklaheb lix soldado joꞌqueb ajcuiꞌ li nequeꞌtaklan saꞌ xbe̱neb re nak teꞌpletik aran Israel. Ut queꞌnumta saꞌ xbe̱neb li tenamit Ijón, Dan, Abel-bet-maaca, ut quinumta ajcuiꞌ saꞌ xbe̱neb chixjunileb li naꞌajej Cineret joꞌ ajcuiꞌ chixjunil lix naꞌajeb li ralal xcꞌajol laj Neftalí.