Josué 11:16 - Li Santil hu

¹⁶ Joꞌcan nak laj Josué quire̱chani chixjunil li naꞌajej aꞌan. Quire̱chani li naꞌajej li tzu̱l ru, ut li naꞌajej Neguev, ut chixjunil li naꞌajej Gosén ut eb li ru takꞌa re Arabá joꞌ eb ajcuiꞌ li tzu̱l ut li ru takꞌa li cuan Israel.

Q'eqchi Bible

¹⁶ Laj Josué kireechani chixjunil li na'ajej sa' xyanqeb' li tzuul, li Nejeb, chixjunil li ch'och' re Gosen, Arabá, li Taq'a ru, jo'eb' ajwi' li tzuul ut li ru taq'a re Israel.

Josué 11:16 ပူးပေါင်းရင်းမြစ်များ

Josué 10:41

Laj Josué ut eb lix soldados queꞌxcamsiheb chixjunileb ut queꞌre̱chani chixjunil li naꞌajej Cades-barnea toj saꞌ li naꞌajej Gaza. Ut queꞌre̱chani ajcuiꞌ li naꞌajej Gosén. Quicuulac toj saꞌ li tenamit Gabaón.

Josué 12:8

Li naꞌajej li quixjeqꞌui, aꞌaneb aꞌin: li tzu̱l ru ut li ru takꞌa re li nimaꞌ Jordán, ut li chaki chꞌochꞌ joꞌ ajcuiꞌ li cuan jun pacꞌal, joꞌ ajcuiꞌ li naꞌajej Neguev. Chixjunil li naꞌajej aꞌin, aꞌan li queꞌcuan cuiꞌ eb laj heteo, eb laj amorreo, eb laj cananeo, eb laj ferezeo, ut eb laj heveo ut eb laj jebuseo.

Josué 11:21

Ut eb laj Israel queꞌxsach ajcuiꞌ ruheb li ralal xcꞌajol laj Anac li cuanqueb saꞌ eb li naꞌajej li tzu̱l ru. Aꞌaneb aꞌin li naꞌajej aꞌan: Hebrón, Debir, Anab, ut eb li naꞌajej tzu̱l ru re Judá ut Israel. Queꞌxsach ruheb chixjunileb li cuanqueb aran joꞌ ajcuiꞌ lix tenamiteb.

Ezequiel 36:8

Ut teꞌtuxmek cuiꞌchic li cheꞌ li cuanqueb saꞌ li tzu̱l Israel ut teꞌu̱chi̱nk. Ut eb laj Israel teꞌxtzaca li ru xban nak chi se̱b teꞌsukꞌi̱k cuiꞌchic saꞌ lix tenamiteb.

Ezequiel 17:23

Tincuau aran Israel saꞌ li tzu̱l li kꞌaxal najt xteram. Cha̱bilak li chacalteꞌ aꞌan ut nabalak li rukꞌ ut ta̱u̱chi̱nk ajcuiꞌ. Qꞌuila pa̱y ru li xul li nequeꞌrupupic teꞌxyi̱b lix soqueb saꞌ li rukꞌ li cheꞌ ut teꞌxcol ribeb saꞌ lix mu.

Josué 11:2

Ut quixtakla ajcuiꞌ xyebal resil reheb li rey li cuanqueb saꞌ li norte saꞌ li naꞌajej li tzu̱l ru, li cuan cuiꞌ li Palau Cineret, joꞌ ajcuiꞌ eb li rey li cuanqueb saꞌ li sur saꞌ li naꞌajej Arabá. Ut quixtakla resil reheb li cuanqueb saꞌ li ru takꞌa ut eb li cuanqueb saꞌ li oeste saꞌ li tenamit Dor.

Josué 9:1

Eb li rey li cuanqueb jun pacꞌal li nimaꞌ Jordán saꞌ li oeste queꞌrabi resil li cꞌaꞌru queꞌxba̱nu laj Israel. Eb li rey aꞌan cuanqueb saꞌ eb li naꞌajej li tzu̱l ru ut li ru takꞌa ut cuanqueb ajcuiꞌ chire li Palau Mediterráneo chiru li naꞌajej Líbano. Aꞌaneb laj heteo, eb laj amorreo, eb laj cananeo, eb laj ferezeo, eb laj heveo ut eb laj jebuseo.

Josué 10:40

Joꞌcaꞌin nak laj Josué quinumta saꞌ xbe̱neb li rey li cuanqueb saꞌ eb li naꞌajej aꞌan. Queꞌre̱chani chixjunileb li naꞌajej li tzu̱l ru, li naꞌajej Neguev, joꞌ ajcuiꞌ eb li ru takꞌa. Ut queꞌxcamsiheb chixjunileb li cuanqueb aran, joꞌ quiyeheꞌ reheb xban li Ka̱cuaꞌ lix Dioseb laj Israel.

Josué 11:15

Joꞌ quixye li Dios re laj Moisés laj cꞌanjel chiru, joꞌcan qui-uxman xban nak laj Moisés quixye re laj Josué li cꞌaꞌru quixye li Dios. Ut laj Josué quixba̱nu chi tzꞌakal re ru li cꞌaꞌru quiyeheꞌ re xban laj Moisés. Ma̱ jun li quixye li Dios incꞌaꞌ ta quixba̱nu laj Josué.

Salmos 78:55

Quirisiheb li tenamit li cuanqueb aran ut quixjeqꞌui li chꞌochꞌ reheb li ralal xcꞌajol laj Israel re teꞌcua̱nk cuiꞌ.

Salmos 105:44

Quixqꞌue reheb laj Israel lix chꞌochꞌeb li jalaneb xtenamit ut quicana ajcuiꞌ chokꞌ reheb li acui̱mk.

Deuteronomio 1:7

Xocomak li cꞌaꞌru e̱re ut texxic saꞌ li naꞌajej li tzu̱l ru li cuanqueb cuiꞌ eb laj amorreo. Texxic saꞌ eb li naꞌajej li cuanqueb chi xjun sutam. Texxic saꞌ li ru takꞌa re Arabá, ut saꞌ eb li tzu̱l. Ut texxic Neguev, ut chire li palau, ut saꞌ eb lix naꞌajeb laj cananeo ut li naꞌajej Líbano. Texxic toj cuan cuiꞌ li nimla nimaꞌ Éufrates.