Josué 10:8 - Li Santil hu

⁸ Ut li Ka̱cuaꞌ quixye re laj Josué: —Matxucuac chiruheb aꞌan xban nak la̱in tinkꞌaxtesiheb saꞌ a̱cuukꞌ ut ma̱ jun reheb aꞌan teꞌnumta̱k saꞌ a̱be̱n, chan li Ka̱cuaꞌ.

Q'eqchi Bible

⁸ Ut li Qaawa' kixye re laj Josué: “Maaxiwa ruheb' xb'aan naq xink'eheb' sa' laawuq'; maajun reheb' truuq taakuyuq sa' aawuq'”, chan.

Josué 10:8 ပူးပေါင်းရင်းမြစ်များ

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

Deuteronomio 3:2

Ut li Ka̱cuaꞌ quixye cue: “Matxucuac xban laj Og xban nak la̱in tinkꞌaxtesi saꞌ e̱rukꞌ rochbeneb chixjunileb lix soldado ut lix naꞌajeb. Ta̱ba̱nu re joꞌ xaba̱nu re laj Sehón, lix reyeb laj amorreo li quicuan Hesbón,” chan.

Josué 11:6

Li Ka̱cuaꞌ Dios quixye re laj Josué: —Matxucuac chiruheb li cuanqueb Canaán xban nak cuulaj ajcuiꞌ joꞌcaꞌin ho̱nal acak xeꞌcam chixjunileb xban nak la̱in tinkꞌaxtesiheb saꞌ e̱rukꞌ la̱ex aj Israel. Te̱tok rokeb lix cacua̱yeb ut te̱cꞌateb lix carruaje, chan li Dios.

Josué 8:1

Tojoꞌnak li Ka̱cuaꞌ Dios quixye re laj Josué: —Matxucuac chi moco chichꞌina̱nk a̱chꞌo̱l. Cꞌameb chixjunileb la̱ soldado ut ayukex chire̱chaninquil li tenamit Hai. La̱in tintenkꞌa̱nk e̱re chi numta̱c saꞌ xbe̱n lix reyeb ut saꞌ xbe̱neb li tenamit. Li tenamit ut chixjunil li naꞌajej aꞌan e̱rehak chic.

Deuteronomio 7:24

Li Ka̱cuaꞌ tixkꞌaxtesiheb lix reyeb saꞌ e̱rukꞌ. Te̱camsiheb ut ma̱ ani chic ta̱jultica̱nk reheb. Ma̱ ani tixcuy e̱sumenquil la̱ex. Te̱sach ban ruheb chixjunileb.

Josué 10:9

Laj Josué qui-el Gilgal rochbeneb lix soldado. Chiru kꞌojyi̱n queꞌbe̱c toj retal queꞌcuulac nachꞌ riqꞌuin li tenamit Gabaón. Ma̱cꞌaꞌ saꞌ xchꞌo̱leb laj amorreo nak queꞌcuulac chi pletic riqꞌuineb.

Josué 10:25

Ut laj Josué quixye reheb li nequeꞌcꞌamoc be saꞌ xya̱nkeb laj Israel: —Mexxucuac chi moco chichꞌina̱nk e̱chꞌo̱l. Cauhak ban e̱chꞌo̱l xban nak joꞌcaꞌin nak tixkꞌaxtesiheb saꞌ kukꞌ li Ka̱cuaꞌ chixjunileb li xicꞌ nequeꞌiloc ke, chan.

Jueces 7:9

Saꞌ ajcuiꞌ li kꞌojyi̱n aꞌan li Dios quixye re laj Gedeón: —Ayu cuan cuiꞌ lix muheba̱leb laj Madián xban nak anakcuan tinkꞌaxtesiheb aꞌan saꞌ a̱cuukꞌ.

Jueces 6:16

Ut li Ka̱cuaꞌ quixye re: —La̱in cua̱nkin a̱cuiqꞌuin. La̱at tatnumta̱k saꞌ xbe̱neb laj Madián. Chanchanakeb jun chi cui̱nk nak ta̱sacheb ru, chan li Ka̱cuaꞌ.

1 Samuel 17:47

Chixjunileb li chꞌutchꞌu̱queb arin teꞌxqꞌue retal nak li chꞌi̱chꞌ ut li la̱ns ma̱cꞌaꞌ na-oc cuiꞌ chiru li Dios. Aꞌ li Ka̱cuaꞌ, aꞌan li ta̱e̱chani̱nk re li ple̱t aꞌin ut aꞌan ta̱kꞌaxtesi̱nk e̱re saꞌ kukꞌ la̱o aj Israel, chan laj David.

1 Reyes 20:13

Ut li Ka̱cuaꞌ quixtakla jun lix profeta riqꞌuin laj Acab chixyebal re: —Matxucuac chirilbaleb lix soldado laj Ben-adad usta nabaleb, xban nak li Dios textenkꞌa chi numta̱c saꞌ xbe̱neb re nak ta̱nau nak li Ka̱cuaꞌ, aꞌan li tzꞌakal Dios, chan.