Josué 10:5 - Li Santil hu

⁵ Joꞌcan nak queꞌxchꞌutub ribeb li o̱b chi rey reheb laj amorreo li cuanqueb saꞌ eb li tenamit Jerusalén, Hebrón, Jarmut, Laquis ut Eglón. Queꞌxchꞌutubeb lix soldado ut queꞌco̱eb chi pletic riqꞌuineb laj Gabaón. Aran queꞌxqꞌue lix muheba̱leb nachꞌ riqꞌuin li tenamit Gabaón re teꞌoc chi pletic riqꞌuineb.

Q'eqchi Bible

⁵ Jo'kan naq ke'xjunaji rib' li oob' chi awab'ej aj Amor li wankeb' chaq sa'eb' li tenamit Jerusalén, Hebrón, Yarmut, Lakix ut Eklón, rochb'eeneb' chixjunileb' laj puub'. Koheb' chi yalok rik'ineb' laj Gabahón, ke'xxaqab' rib' chiruheb' ut ke'xsut li tenamit.

Josué 10:5 ပူးပေါင်းရင်းမြစ်များ

Josué 10:6

Ut eb li cuanqueb saꞌ li tenamit Gabaón queꞌxtakla xyebal re laj Josué toj aran Gilgal bar cuan cuiꞌ lix muheba̱l: —Takaj nak tatcha̱lk chikatenkꞌanquil la̱o aj cꞌanjel cha̱cuu. Moa̱canab kajunes. Tatcha̱lk chi junpa̱t chikacolbal xban nak chixjunileb li rey reheb laj amorreo, li cuanqueb saꞌ li tzu̱l ru, xeꞌchal chi pletic kiqꞌuin.—

Números 13:29

Saꞌ li naꞌajej Neguev cuan laj Amalec. Ut eb laj heteo, eb laj jebuseo ut eb laj amorreo cuanqueb saꞌ li naꞌajej li tzu̱l ru. Eb laj cananeo cuanqueb chire li palau ut chire li nimaꞌ Jordán, chanqueb.

Génesis 15:16

Li xca̱ xte̱pal la̱ cualal a̱cꞌajol teꞌsukꞌi̱k chak saꞌ li naꞌajej aꞌin. Abanan toj ta̱numta̱k li ma̱usilal teꞌxba̱nu laj amorreo, tojoꞌnak tinmakꞌ li naꞌajej aꞌin chiruheb, chan li Dios re laj Abram.

Josué 10:16

Ut eb li o̱b chi rey queꞌe̱lelic ut queꞌxmuk ribeb saꞌ jun li ochoch pec aran Maceda.

1 Samuel 7:14

Ut eb laj Israel queꞌre̱chani cuiꞌchic li tenamit li queꞌmakꞌeꞌ chiruheb xbaneb laj filisteo. Eb li tenamit aꞌan naticla Ecrón ut nacuulac toj Gat. Joꞌcan nak eb laj Israel queꞌxcol cuiꞌchic lix chꞌochꞌeb chiruheb laj filisteo. Ut queꞌcuan saꞌ usilal riqꞌuineb laj amorreo.

Jeremías 34:7

Aꞌan quicꞌulman nak lix soldados lix reyeb laj Babilonia yo̱queb chi pletic riqꞌuineb li cuanqueb Jerusalén, ut riqꞌuineb ajcuiꞌ li cuib chi tenamit Laquis ut Azeca. Aꞌaneb li cuib chi tenamit li cauheb rib chi pletic li toj ma̱jiꞌ queꞌe̱chani̱c.