Josué 10:26 - Li Santil hu

²⁶ Chirix chic aꞌan laj Josué quixcamsiheb li o̱b chi rey ut quixtakla xtꞌuyubanquileb saꞌ ruꞌuj o̱b li cheꞌ. Ut aran queꞌxnumsi li cutan chi tꞌuytꞌu toj retal qui-ecuu.

Q'eqchi Bible

²⁶ Chirix chik a'an kixkamsiheb' ut kixtaqla xt'uyub'ankileb' sa' ru'uj oob' li che'; ut aran ke'kanaak chi t'uyt'u toj ewu.

Josué 10:26 ပူးပေါင်းရင်းမြစ်များ

Josué 8:29

Ut li rey li quicuan saꞌ li tenamit Hai, yatzꞌbil queꞌxba̱nu re. Ut quixnumsi li cutan chi tꞌuytꞌu aran. Nak qui-ecuu laj Josué quixtakla xcubsinquil li camenak re teꞌxcut saꞌ li oqueba̱l re li tenamit. Ut queꞌxtu̱b nabal li pec saꞌ xbe̱n. Toj tu̱btu ajcuiꞌ li pec aꞌan toj chalen anakcuan.

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)

San Mateo 27:25

Ut chixjunileb li tenamit queꞌchakꞌoc ut queꞌxye: —Saꞌ kabe̱n la̱o ut saꞌ xbe̱neb li kalal kacꞌajol chicana̱k xtojbal rix lix camic, chanqueb.

Ester 2:23

Queꞌxtzꞌil a̱tin chirix li cꞌaꞌru quixye laj Mardoqueo. Nak queꞌxqꞌue retal nak ya̱l li quixye, queꞌxtakla xyatzꞌbaleb li cuib chi cui̱nk li queꞌajoc xcamsinquil li rey. Ut chixjunil aꞌin quitzꞌi̱ba̱c retalil saꞌ li hu li tzꞌi̱banbil cuiꞌ retalil chixjunil li nacꞌulman saꞌ li tenamit aꞌan.

2 Samuel 21:9

Laj David quixkꞌaxtesiheb saꞌ rukꞌeb laj Gabaón. Ut queꞌyatzꞌeꞌ xbaneb laj Gabaón saꞌ li tzu̱l chiru li Ka̱cuaꞌ. Cuotz queꞌcamsi̱c li cuukub saꞌ xkꞌehil nak xticla xsicꞌbal ru li cebada.

2 Samuel 21:6

La̱o nakaj nak ta̱kꞌaxtesi saꞌ kukꞌ cuukubeb li cui̱nk xcomoneb li ralal xcꞌajol laj Saúl. La̱o takayatzꞌeb chiru li Ka̱cuaꞌ aran Gabaa, lix tenamit laj Saúl, li sicꞌbil ru xban li Ka̱cuaꞌ, chanqueb. Ut li rey David quixye reheb: —Us. La̱in tinkꞌaxtesiheb e̱re, chan.

1 Samuel 15:33

Laj Samuel quixye re: —Riqꞌuin la̱ chꞌi̱chꞌ xacamsiheb li tenamit ut eb li naꞌbej queꞌcana chi ma̱cꞌaꞌeb chic xcocꞌal. Joꞌcan ajcuiꞌ la̱ naꞌ ta̱cana̱k chi ma̱cꞌaꞌ chic xcocꞌal, chan. Ut laj Samuel quixcamsi ut quixpedasi laj Agag chiru li Ka̱cuaꞌ aran Gilgal.

Jueces 8:21

Tojoꞌnak laj Zeba ut laj Zalmuna queꞌxye re: —Choa̱camsi la̱at. ¿Ma ma̱cuaꞌ ta biꞌ la̱at li cui̱nk cau a̱cuib? chanqueb. Joꞌcan nak laj Gedeón quixcamsiheb ut quixcꞌam chokꞌ re li xsahob ruheb lix camellos li nacuan saꞌ xcuxeb.

Números 25:4

Ut li Ka̱cuaꞌ quixye re laj Moisés: —Ta̱chꞌutubeb chixjunileb li cui̱nk li nequeꞌcꞌamoc be saꞌ xya̱nkeb laj Israel. Ut ta̱yatzꞌeb chiruheb chixjunileb li tenamit re nak ta̱e̱lk lin joskꞌil saꞌ xbe̱neb laj Israel, chan li Dios.

San Juan 19:31

Eb li nequeꞌtaklan saꞌ xya̱nkeb laj judío queꞌxtzꞌa̱ma chiru laj Pilato re nak tixtakla xtokbal xbakel li raꞌeb li queꞌqꞌueheꞌ chiru cruz re nak teꞌca̱mk chi junpa̱t. Queꞌraj nak teꞌisi̱k chiru cruz xban nak cuulac re li hiloba̱l cutan. Yo̱queb chixcauresinquil ribeb re li ninkꞌe Pascua xban nak aꞌan li kꞌaxal lokꞌ chiruheb.

Salmos 18:41

Xeꞌxjap reheb chixtzꞌa̱manquil xtenkꞌanquil, abanan ma̱ ani quicoloc reheb. Queꞌxtzꞌa̱ma xtenkꞌanquileb a̱cue, at Ka̱cuaꞌ. Abanan la̱at incꞌaꞌ casume lix tijeb.

Salmos 149:7

re nak teꞌxqꞌueheb chixtojbaleb xma̱c li incꞌaꞌ nequeꞌpa̱ban re li Ka̱cuaꞌ ut re ajcuiꞌ nak teꞌxqꞌueheb chixtojbaleb xma̱c li jalaneb xtenamit.