Josué 10:2 - Li Santil hu

² Cꞌajoꞌ nak quixucuac li rey nak quirabi aꞌan xban nak li tenamit Gabaón, aꞌan nimla tenamit ut kꞌaxal nim xcuanquil chiru li tenamit Hai. Ut chixjunileb li cui̱nk aꞌan cauheb rib.

Q'eqchi Bible

² K'ajo' naq kixiwak laj Adonisédek, xb'aan naq Gabahón a'an jun nimla tenamit jo' xk'ulub'eb' li awab'ej, ut jwal nim chiru Ay; jo'kan ajwi' chixjunileb' li xwinqul q'axal kaweb' rib'.

Josué 10:2 ပူးပေါင်းရင်းမြစ်များ

Deuteronomio 11:25

Ma̱ ani tixcuy e̱sumenquil. Li Ka̱cuaꞌ le̱ Dios tixba̱nu joꞌ quixye e̱re. Tixqꞌueheb xxiuheb chixjunileb ut teꞌxucuak e̱ban yalak bar texxic.

Josué 2:24

Queꞌxye re: —Li Ka̱cuaꞌ xkꞌaxtesi saꞌ kukꞌ li naꞌajej aꞌan xban nak chixjunileb li cuanqueb saꞌ li naꞌajej aꞌan ca̱mqueb re xban xxiuheb kaban la̱o, chanqueb.

Hebreos 10:31

Kꞌaxal xucuajel nak ta̱rakok a̱tin li yoꞌyo̱quil Dios saꞌ xbe̱neb li nequeꞌtzꞌekta̱nan re.

Hebreos 10:27

Cui junelic yo̱ko chi ma̱cobc, caꞌaj chic li rakba a̱tin ut lix xamlel li tojba ma̱c yo̱co chiroybeninquil bar cuiꞌ teꞌcꞌatekꞌ li xicꞌ nequeꞌiloc re li Ka̱cuaꞌ Dios.

Proverbios 10:24

Li cꞌaꞌru nequeꞌxxucua li incꞌaꞌ useb xnaꞌleb, aꞌan ajcuiꞌ li nachal saꞌ xbe̱neb. Abanan eb li ti̱queb xchꞌo̱l nequeꞌxcꞌul li cꞌaꞌru nequeꞌraj.

2 Samuel 12:26

Laj Joab yo̱ chak chi pletic riqꞌuineb li ralal xcꞌajol laj Amón re ta̱re̱chani li tenamit Rabá, li nacuan cuiꞌ li rey.

1 Samuel 27:5

Laj David quixye re laj Aquis: —At rey, cui la̱at sa a̱chꞌo̱l cuiqꞌuin, nintzꞌa̱ma cha̱cuu nak ta̱qꞌue innaꞌaj saꞌ jun li chꞌina tenamit re nak aran tocana̱k. Moco incꞌulub ta nak tincua̱nk saꞌ la̱ tenamit, at rey, chan.

Deuteronomio 28:10

Ut chixjunileb li tenamit li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ quisicꞌoc chak e̱ru chokꞌ ralal xcꞌajol ut teꞌxucuak e̱ban.

Josué 9:3

Eb laj heveo li cuanqueb Gabaón queꞌrabi resil chixjunil li quixba̱nu laj Josué riqꞌuineb li tenamit Jericó ut Hai.

Deuteronomio 2:25

Saꞌ li cutan aꞌin la̱in tinqꞌue xxiuheb chixjunileb li tenamit li cuanqueb rubel choxa. Teꞌrabi resil li cꞌaꞌru yo̱kex ut sicsotkeb xban xxiuheb che̱ru,” chan li Dios.

Josué 9:24

Eb aꞌan queꞌxye re laj Josué: —La̱o xexkabalakꞌi xban kaxiu. Xkabi resil nak li Ka̱cuaꞌ le̱ Dios quixye re laj Moisés laj cꞌanjel chiru nak tixkꞌaxtesi e̱re li naꞌajej aꞌin ut te̱sach ruheb chixjunileb li cuanqueb arin. La̱o xkacꞌoxla nak toe̱camsi.