Josué 10:16 - Li Santil hu

¹⁶ Ut eb li o̱b chi rey queꞌe̱lelic ut queꞌxmuk ribeb saꞌ jun li ochoch pec aran Maceda.

Q'eqchi Bible

¹⁶ Ut eb' li oob' chi awab'ej a'an ke'elelik ut koxe'xmuq rib' sa' li ochoch pek aran Makedá.

Josué 10:16 ပူးပေါင်းရင်းမြစ်များ

Apocalipsis 6:15

Ut chixjunileb quilajeꞌxmuk ribeb xbaneb xxiu. Queꞌxmuk ribeb li rey ut eb li cuanqueb xcuanquil, joꞌqueb ajcuiꞌ li nequeꞌtaklan saꞌ xbe̱neb li soldado. Queꞌxmuk ribeb li biom joꞌqueb ajcuiꞌ li cauheb rib, joꞌqueb ajcuiꞌ li lokꞌbil mo̱s joꞌ ajcuiꞌ li ma̱cꞌaꞌeb xpatrón. Queꞌxmuk ribeb saꞌ li ochoch pec ut saꞌ xya̱nkeb li ni̱nki pec li cuanqueb saꞌ tzu̱l.

Miqueas 7:17

Chanchanakeb li cꞌantiꞌ li naxquelo rib saꞌ li poks nak ta̱cuisi lix cuanquileb. Sicsotkeb xbaneb xxiu teꞌcana̱k cha̱cuu, at Ka̱cuaꞌ at kaDios.

Amós 9:2

Usta teꞌxyal chak xmukbal ribeb toj saꞌ xchamal li xbalba, toj aran toxebintau la̱in. Ut usta teꞌxic toj saꞌ choxa chixmukbal ribeb, la̱in tebintau aran.

1 Samuel 24:8

Laj David qui-el chak saꞌ li ochoch pec ut quixjap re chixyebal re laj Saúl: —At rey, chan. Ut laj Saúl qui-iloc chirix ut laj David quixcuikꞌib rib chiru re xcꞌutbal nak naxqꞌue xlokꞌal.

1 Samuel 24:3

Yo̱queb chi numecꞌ saꞌ jun li naꞌajej cuanqueb cuiꞌ xcorral li carner. Cuan jun li ochoch pec aran. Laj Saúl qui-oc saꞌ li ochoch pec chixtzꞌekbal rib. Ut saꞌ li ochoch pec aꞌan mukmu̱queb laj David ut eb li cui̱nk li cuanqueb rochben. Toj chi saꞌ cuanqueb chak.

1 Samuel 13:6

Eb laj Israel queꞌril nak cuanqueb saꞌ chꞌaꞌajquilal ut incꞌaꞌ chic queꞌxtau cꞌaꞌru teꞌxba̱nu re xcolbaleb rib. Queꞌxmuk ribeb saꞌ eb li ochoch pec, saꞌ eb li jul, saꞌ eb li sako̱nac, ut saꞌ xya̱nkeb li ni̱nki pec ut queꞌxmuk ajcuiꞌ ribeb saꞌ eb li rok haꞌ li ma̱cꞌaꞌ haꞌ chi saꞌ.

Jueces 6:2

Eb laj Madián cꞌajoꞌ nak queꞌxrahobtesiheb laj Israel. Joꞌcan nak eb laj Israel queꞌxmuk ribeb saꞌ eb li ochoch pec ut saꞌ eb li tzu̱l. Queꞌxyi̱b lix muheba̱leb saꞌ eb li naꞌajej bar incꞌaꞌ teꞌtaꞌekꞌ cuiꞌ.

Josué 10:5

Joꞌcan nak queꞌxchꞌutub ribeb li o̱b chi rey reheb laj amorreo li cuanqueb saꞌ eb li tenamit Jerusalén, Hebrón, Jarmut, Laquis ut Eglón. Queꞌxchꞌutubeb lix soldado ut queꞌco̱eb chi pletic riqꞌuineb laj Gabaón. Aran queꞌxqꞌue lix muheba̱leb nachꞌ riqꞌuin li tenamit Gabaón re teꞌoc chi pletic riqꞌuineb.

Josué 10:15

Nak ac xcꞌulman aꞌin, laj Josué rochbeneb lix soldado queꞌsukꞌi cuiꞌchic Gilgal saꞌ lix muheba̱leb.

Josué 10:17

Abanan cuan jun qui-iloc reheb ut quixye re laj Josué nak li o̱b chi rey mukmu̱queb saꞌ jun li ochoch pec aran Maceda.

Salmos 68:12

—Xeꞌe̱lelic. Xeꞌe̱lelic lix reyeb rochbeneb lix soldados, chanqueb. Ut li queꞌxmakꞌ chak chiruheb lix xicꞌ nequeꞌiloc reheb, eb li ixk li queꞌcana saꞌ cab queꞌxjeqꞌui.

Salmos 68:13

Usta la̱ex xexcanaba̱c chi mukmu saꞌ cab e̱rochben le̱ rucꞌal, abanan chanchanakex jun li paloma. Nalemtzꞌun li xicꞌ joꞌ li plata ut li rix nalemtzꞌun joꞌ li oro.