Josué 10:13 - Li Santil hu

¹³ Li sakꞌe ut li po queꞌxakli. Incꞌaꞌ chic queꞌbe̱c toj retal nak queꞌnumta laj Israel saꞌ xbe̱neb li xicꞌ nequeꞌiloc reheb. ¿Ma incꞌaꞌ ta biꞌ tzꞌi̱banbil retalil aꞌin saꞌ li hu li quixtzꞌi̱ba laj Jaser nak li sakꞌe quixakli saꞌ xyi li choxa caꞌchꞌin chic ma̱ jun cutan ut incꞌaꞌ quixse̱ba rib chi oc?

Q'eqchi Bible

¹³ Ut li saq'e jo'wi' li po ke'xaqliik toj reetal li tenamit ke'reeqajuniheb' li xik' neke'ilok reheb'. Ma ink'a' tab'i' tz'iib'anb'il a'in sa' xHuhil li Tiik xch'ool? Li saq'e kixaqliik sa' xyi li choxa, kach'in chik maa jun kutan, ut ink'a' kixseeb'a rib' chi ok.

Josué 10:13 ပူးပေါင်းရင်းမြစ်များ

Habacuc 3:11

Quicuil nak cuan chak la̱ tzimaj ut la̱ la̱ns saꞌ la̱ cuukꞌ ut cꞌajoꞌ nak nalemtzꞌun. Li po ut li sakꞌe incꞌaꞌ chic queꞌecꞌan saꞌ lix naꞌajeb nak queꞌxqꞌue retal la̱ cuanquilal.

Isaías 38:8

Li Dios tixsukꞌisi li sakꞌe o̱b o̱r chirix ut ta̱cꞌutu̱nk saꞌ lix relo̱j laj Acaz, li naxbis cuiꞌ li o̱r riqꞌuin li sakꞌe, chan. Ut joꞌcan quicꞌulman. Li sakꞌe quisukꞌi chirix o̱b o̱r ut quicꞌutun saꞌ lix relo̱j laj Acaz nak li sakꞌe quisukꞌi chirix.

Josué 10:14

Ma̱ jun sut quicꞌulman chi joꞌcan joꞌ li quicꞌulman saꞌ li cutan aꞌan, chi moco junxil chi moco mokon. Li Dios quixsume lix tij laj Josué, usta yal cui̱nk, ut quixtenkꞌaheb laj Israel chi numta̱c saꞌ xbe̱neb li xicꞌ nequeꞌiloc reheb.

Jueces 16:28

Laj Sansón quitijoc ut quixye re li Ka̱cuaꞌ: —At nimajcual Dios, chacuil taxak xtokꞌoba̱l cuu ut china̱tenkꞌa taxak. Chaqꞌue taxak inmetzꞌe̱u usta yal jun sut raj chic re nak tinqꞌue re̱kaj chi junaj cua reheb laj filisteo li raylal xeꞌxba̱nu cue nak queꞌrisi li xnakꞌ cuu, chan.

San Lucas 18:7

¿Ma tojaꞌ ta chic li Dios incꞌaꞌ tixcoleb li sicꞌbileb ru xban? ¿Ma ta̱ba̱yk ta biꞌ chixsumenquil li cꞌaꞌru teꞌxtzꞌa̱ma li nequeꞌya̱ban re lix cꞌabaꞌ chi kꞌek chi cutan?

Joel 3:15

Li sakꞌe ut li po teꞌkꞌojyi̱nokꞌ ru ut incꞌaꞌ chic teꞌlemtzꞌu̱nk li chahim.

Joel 2:10

Ta̱ecꞌa̱nk li ruchichꞌochꞌ joꞌ ajcuiꞌ li choxa nak yo̱keb chi cha̱lc. Ta̱kꞌojyi̱nokꞌ ru li sakꞌe ut li po xban xqꞌuialeb laj sa̱cꞌ ut incꞌaꞌ chic teꞌcꞌutu̱nk li chahim.

Salmos 148:3

Li sakꞌe ut li po cheꞌxqꞌuehak ta xlokꞌal li Dios. Cheꞌxqꞌuehak ta xlokꞌal chixjunileb li chahim li nequeꞌlemtzꞌun.

Salmos 19:4

Saꞌ chixjunil li ruchichꞌochꞌ jun sut rubel choxa na-ilman xlokꞌal li Dios. Li Dios quixqꞌue li sakꞌe saꞌ choxa.

Ester 8:13

Ut li hu aꞌin li quixtakla li rey quicana joꞌ chakꞌrab ut qui-el resilal saꞌ chixjunileb li tenamit re nak ac cauresinbilakeb laj judío chi numta̱c saꞌ xbe̱neb li xicꞌ nequeꞌiloc reheb nak ta̱cuulak xkꞌehil li ac yebil resil.

2 Samuel 1:18

Ut quixye nak chixjunileb li ralal xcꞌajol laj Judá teꞌxtzol. Li bich aꞌin tzꞌi̱banbil saꞌ li hu li quixtzꞌi̱ba laj Jaser. Aꞌan aꞌin li bich:

Isaías 24:23

Ta̱kꞌojyi̱nokꞌ ru li sakꞌe joꞌ ajcuiꞌ li po nak li nimajcual Dios cua̱nk chokꞌ tzꞌakal rey. Ut aꞌan ta̱takla̱nk saꞌ xbe̱neb li cuanqueb Jerusalén saꞌ li tzu̱l Sión. Ut li nequeꞌtaklan saꞌ xbe̱neb li tenamit teꞌril lix lokꞌal li Ka̱cuaꞌ.

Jueces 5:2

—Cheqꞌuehak taxak xlokꞌal li Ka̱cuaꞌ che̱junilex la̱ex xban nak saꞌ li tenamit Israel toj cuanqueb cui̱nk cauheb xchꞌo̱l chi pletic ut xban ajcuiꞌ nak toj cuanqueb cui̱nk teꞌraj oque̱nc saꞌ li ple̱t.

Josué 10:11

Nak eb laj amorreo yo̱queb chi e̱lelic chiruheb laj Israel, li Ka̱cuaꞌ nabal li sakbach quixtakla chak saꞌ xbe̱neb nak yo̱queb chi cubec saꞌ li tzu̱l Bet-horón. Chanchan li ni̱nki pec. Ut kꞌaxal cuiꞌchic nabal li queꞌcam xban li sakbach chiru li queꞌcamsi̱c chi chꞌi̱chꞌ xbaneb laj Israel.

Números 31:2

—Qꞌue re̱kaj reheb laj Madián li ma̱usilal li queꞌxba̱nu reheb laj Israel. Nak acak xaqꞌueheb chixtojbal lix ma̱queb, la̱at tatca̱mk ut toxa̱tauheb la̱ xeꞌto̱nil yucuaꞌ, chan li Dios.

Apocalipsis 21:23

Ma̱cꞌaꞌ li sakꞌe aran ut ma̱cꞌaꞌ li po xban nak li Dios cuan aran ut lix lokꞌal li Dios nacutanobresin re. Ut lix lokꞌal li Jun li chanchan carner nacutanobresin re li tenamit.

Apocalipsis 8:12

Ut li xca̱ ángel quixya̱basi li trompeta ut caꞌchꞌin chic ma̱ yijach (1/3) li sakꞌe incꞌaꞌ chic quicutanoꞌ ru. Ut caꞌchꞌin chic ma̱ yijach li po incꞌaꞌ chic quicutanoꞌ ru. Ut caꞌchꞌin chic ma̱ yijach li chahim incꞌaꞌ chic queꞌlemtzꞌun. Caꞌchꞌin chic ma̱ yijach li cutan quikꞌojyi̱noꞌ ru. Ut joꞌcan ajcuiꞌ li po chiru li kꞌojyi̱n. Caꞌchꞌin chic ma̱ yijach li kꞌojyi̱n incꞌaꞌ quicutanoꞌ ru.

Apocalipsis 6:12

Ut quicuil nak li Jun li chanchan carner quixte li xcuak sello ut quicuan jun li nimla hi̱c. Li sakꞌe quikꞌojyi̱noꞌ ru. Chanchan li kꞌeki tꞌicr li nequeꞌrocsi li raheb saꞌ xchꞌo̱l. Ut li po quicakoꞌ joꞌ li quicꞌ.

Apocalipsis 6:10

Ut queꞌxye chi cau xya̱b xcux: —At nimajcual Dios, la̱at Santo ut la̱at ti̱c a̱chꞌo̱l. ¿Jokꞌe tatrakok a̱tin saꞌ xbe̱neb li tenamit xban li raylal xeꞌxba̱nu ke? Ut, ¿jokꞌe ta̱qꞌue re̱kaj reheb nak xoeꞌxcamsi? chanqueb.

Hechos 2:20

Ta̱kꞌojyi̱nokꞌ ru li sakꞌe ut li po ta̱cakokꞌ ru chanchan li quicꞌ toj ta̱cuulak xkꞌehil li cutan aꞌan, li kꞌaxal xiu xiu, nak la̱in tinrakok a̱tin, chan li Dios.

San Mateo 5:45

Cui te̱ba̱nu chi joꞌcan, la̱exak ralal xcꞌajol le̱ Yucuaꞌ cuan saꞌ choxa. Aꞌan naqꞌuehoc chak li sakꞌe saꞌ xbe̱neb li useb xnaꞌleb joꞌ ajcuiꞌ li incꞌaꞌ useb xnaꞌleb. Ut aꞌan ajcuiꞌ naqꞌuehoc chak li hab saꞌ xbe̱neb li ti̱queb xchꞌo̱l joꞌ ajcuiꞌ li incꞌaꞌ ti̱queb xchꞌo̱l.

Números 21:14

Xban aꞌan nak naxye chi joꞌcaꞌin saꞌ li hu li tzꞌi̱banbil cuiꞌ retalileb li pletic li quixba̱nu li Ka̱cuaꞌ: Li Ka̱cuaꞌ quixcꞌutbesi lix cuanquil chiku nak conumeꞌ saꞌ li Caki Palau ut saꞌ eb li nimaꞌ li cuan Arnón.

San Mateo 24:29

Ut saꞌ eb li cutan aꞌan nak acak xrakeꞌ li raylal aꞌan, ta̱kꞌojyi̱nokꞌ ru li sakꞌe ut li po incꞌaꞌ chic ta̱cutanokꞌ ru. Ta̱ecꞌa̱nk chak ru li choxa ut li chahim talajeꞌtꞌanekꞌ chak.

Joel 2:31

Ta̱kꞌojyi̱nokꞌ ru li sakꞌe ut li po ta̱cakokꞌ ru chanchan li quicꞌ nak toj ma̱jiꞌ nacuulac xkꞌehil li cutan, li kꞌaxal xiu xiu, nak la̱in tinrakok a̱tin, chan li Dios.

2 Reyes 20:10

Ut laj Ezequías quixye: —Moco chꞌaꞌaj ta nak li sakꞌe ta̱xic chi ubej o̱bak o̱r, abanan nak ta̱sukꞌi̱k chirix o̱bak o̱r, aꞌan chꞌaꞌaj, chan.

Li xHu LAJ JOB 9:7

Aꞌan naba̱nun re nak li sakꞌe incꞌaꞌ ta̱ilok. Ut aꞌan naba̱nun re nak li chahim incꞌaꞌ teꞌlemtzꞌu̱nk.