Josué 10:11 - Li Santil hu

¹¹ Nak eb laj amorreo yo̱queb chi e̱lelic chiruheb laj Israel, li Ka̱cuaꞌ nabal li sakbach quixtakla chak saꞌ xbe̱neb nak yo̱queb chi cubec saꞌ li tzu̱l Bet-horón. Chanchan li ni̱nki pec. Ut kꞌaxal cuiꞌchic nabal li queꞌcam xban li sakbach chiru li queꞌcamsi̱c chi chꞌi̱chꞌ xbaneb laj Israel.

Q'eqchi Bible

¹¹ Ut naq yookeb' chi elelik chiruheb' laj Israel sa' li kub'sink re Bet-Jorón, li Qaawa' kixtaqla chaq naab'al li saqb'ach, chanchan ninqi pek, sa' xb'eeneb' toj chalen sa' xb'ehel Aseká, ut ke'kamk. Jwal naab'aleb' chik li ke'kamk xb'aan li saqb'ach chiru li ke'kamsiik xb'aaneb' laj Israel rik'in ch'iich'.

Josué 10:11 ပူးပေါင်းရင်းမြစ်များ

Isaías 28:2

Qꞌuehomak retal. Li Ka̱cuaꞌ ac xcauresi jun li cui̱nk cuan xmetzꞌe̱u li tixcut saꞌ chꞌochꞌ li tenamit. Chanchan li cacuil hab sakbach xsaꞌ. Chanchan li ca̱k-sut-ikꞌ li naxsach chixjunil. Malaj ut chanchan li butꞌ li naxtzꞌap chixjunil li chꞌochꞌ.

Jueces 5:20

Eb li chahim li cuanqueb saꞌ choxa queꞌpletic. Nak queꞌxbeni ribeb chiru choxa queꞌpletic riqꞌuin laj Sísara.

Apocalipsis 16:21

Quitꞌaneꞌ ni̱nki sakbach saꞌ ruchichꞌochꞌ. Ju̱nk ciento libra ra̱lal li junju̱nk chi sakbach. Ut queꞌnak saꞌ xbe̱neb li cristian ut queꞌxmajecua li Dios xban li nimla raylal li yo̱queb chixcꞌulbal.

Apocalipsis 11:19

Ut quicuil nak quiteheꞌ lix templo li Dios cuan saꞌ choxa. Ut quicꞌutun li Lokꞌlaj Ca̱x li cuan cuiꞌ li contrato saꞌ lix templo li Dios. Nareploc li rakꞌ ca̱k ut nabal li choki̱nc. Quicuan jun li hi̱c ut nabal li sakbach quitꞌaneꞌ nak quicuil.

Ezequiel 13:11

Joꞌcan nak ta̱ye reheb li xeꞌbonoc re li tzꞌac li incꞌaꞌ cau nak cha̱lc re li cacuil hab saꞌ xbe̱n ut cha̱lc re li cacuil ikꞌ. Ut tintakla li sakbach saꞌ xbe̱n. Ut li tzꞌac ta̱tꞌanekꞌ.

Isaías 30:30

Li Ka̱cuaꞌ li nimajcual Dios tixqꞌue chi abi̱c lix ya̱b lix cux ut tixcꞌutbesi lix joskꞌil chiruheb chixjunileb riqꞌuin xam ut riqꞌuin li cacuil hab ut sakbach ut riqꞌuin ca̱k-sut-ikꞌ.

Salmos 11:6

Li Dios tixtakla nabal li raylal saꞌ xbe̱neb li incꞌaꞌ useb xnaꞌleb. Cꞌatbilakeb riqꞌuin xam ut azufre nak teꞌosokꞌ.

Génesis 19:24

Li Ka̱cuaꞌ Dios toj saꞌ choxa quixtakla chak li xam ut li azufre saꞌ xbe̱neb li tenamit Sodoma ut Gomorra.

Li xHu LAJ JOB 38:22

¿Ma ac xatcuulac chak saꞌ li naꞌajej li xocxo cuiꞌ li nieve inban? Ut, ¿ma ac xatcuulac chak saꞌ li naꞌajej li xocxo cuiꞌ li sakbach?

Deuteronomio 20:4

Li Ka̱cuaꞌ le̱ Dios, aꞌan li ta̱cua̱nk e̱riqꞌuin. Aꞌan ta̱tenkꞌa̱nk e̱re chi pletic riqꞌuineb li xicꞌ nequeꞌiloc e̱re re texnumta̱k saꞌ xbe̱neb.”

2 Samuel 18:8

Queꞌpletic yalak bar saꞌ li cꞌaleba̱l aꞌan, ut kꞌaxal nabal queꞌcam saꞌ li qꞌuicheꞌ chiru li queꞌcamsi̱c riqꞌuin chꞌi̱chꞌ.

Li xHu LAJ JOB 38:23

Aꞌan xocxo inban re tintakla saꞌ xkꞌehil li raylal ut saꞌ xkꞌehil nak nacuan li ple̱t.

Salmos 147:17

Naxtakla li sakbach saꞌ ruchichꞌochꞌ ut xban li que li naxtakla naxpeca rib li haꞌ.

Isaías 28:21

Li Ka̱cuaꞌ tixba̱nu joꞌ quixba̱nu saꞌ li tzu̱l Perazim ut saꞌ li ru takꞌa Gabaón. Tixba̱nu li incꞌaꞌ quixba̱nu junxil. Tixba̱nu chi tzꞌakal re ru.