Josué 10:10 - Li Santil hu

¹⁰ Li Ka̱cuaꞌ Dios quirocsi xxiuheb laj amorreo nak queꞌril eb laj Israel. Ut nabaleb li cuanqueb Gabaón queꞌcamsi̱c. Ut li incꞌaꞌ queꞌcam, queꞌa̱linac ut eb laj Israel queꞌxta̱keheb toj saꞌ li naꞌajej Bet-horón. Ut cuanqueb cuiꞌchic li queꞌcamsi̱c nak yo̱queb chi numecꞌ saꞌ eb li naꞌajej Azeca ut Maceda.

Q'eqchi Bible

¹⁰ Li Qaawa' kixk'eheb' chi elelik chiruheb' laj Israel: k'ajo' naq kixsacheb' aran Gabahón! Kixtaaqiheb' sa' li b'e nataqe'k sa' li tenamit Bet-Jorón, ut wankeb' ajwi' ke'kamsiik Aseká ut Makedá.

Josué 10:10 ပူးပေါင်းရင်းမြစ်များ

Salmos 18:14

Chanchan nak quixcut chak lix tzimaj li Ka̱cuaꞌ nak quixtakla chak li ca̱k. Ut eb li xicꞌ nequeꞌiloc cue queꞌe̱lelic ut queꞌxchaꞌchaꞌi ribeb yalak bar.

Josué 16:5

Aꞌan aꞌin li naꞌajej li queꞌxcꞌul eb li ralal xcꞌajol laj Efraín, aꞌ yal chanru xqꞌuialeb li junju̱nk chꞌu̱tal: Li nuba̱l saꞌ li este naticla chak saꞌ li tenamit Atarot-adar. Nacuulac toj Bet-horón li cuan saꞌ xbe̱n bol.

Josué 16:3

Naxic toj saꞌ li oeste saꞌ lix naꞌajeb laj jafletitas. Nacuulac toj saꞌ li nuba̱l re li tenamit Bet-horón. Nacuulac cuan cuiꞌ li tenamit Gezer ut nocox-e̱lk cuan cuiꞌ li palau Mediterráneo.

Isaías 28:21

Li Ka̱cuaꞌ tixba̱nu joꞌ quixba̱nu saꞌ li tzu̱l Perazim ut saꞌ li ru takꞌa Gabaón. Tixba̱nu li incꞌaꞌ quixba̱nu junxil. Tixba̱nu chi tzꞌakal re ru.

Jueces 4:15

Nak queꞌoc chi pletic riqꞌuin chꞌi̱chꞌ laj Barac, li Dios quixsach xnaꞌleb laj Sísara joꞌqueb ajcuiꞌ lix soldado ut eb li yo̱queb chi beresi̱nc reheb li carruaje. Laj Sísara quicube saꞌ lix carruaje ut chi rok chic co̱ nak quie̱lelic.

Josué 15:35

Jarmut, Adulam, Soco, Azeca,

Josué 10:11

Nak eb laj amorreo yo̱queb chi e̱lelic chiruheb laj Israel, li Ka̱cuaꞌ nabal li sakbach quixtakla chak saꞌ xbe̱neb nak yo̱queb chi cubec saꞌ li tzu̱l Bet-horón. Chanchan li ni̱nki pec. Ut kꞌaxal cuiꞌchic nabal li queꞌcam xban li sakbach chiru li queꞌcamsi̱c chi chꞌi̱chꞌ xbaneb laj Israel.

Jeremías 34:7

Aꞌan quicꞌulman nak lix soldados lix reyeb laj Babilonia yo̱queb chi pletic riqꞌuineb li cuanqueb Jerusalén, ut riqꞌuineb ajcuiꞌ li cuib chi tenamit Laquis ut Azeca. Aꞌaneb li cuib chi tenamit li cauheb rib chi pletic li toj ma̱jiꞌ queꞌe̱chani̱c.

Salmos 78:55

Quirisiheb li tenamit li cuanqueb aran ut quixjeqꞌui li chꞌochꞌ reheb li ralal xcꞌajol laj Israel re teꞌcua̱nk cuiꞌ.

Salmos 44:3

Eb li kaxeꞌto̱nil yucuaꞌ incꞌaꞌ queꞌre̱chani li naꞌajej riqꞌuin li ple̱t queꞌxba̱nu chi moco xban xcuanquileb. La̱at ban cattenkꞌan reheb riqꞌuin la̱ cuanquilal xban nak cacuil xtokꞌoba̱l ruheb ut cacuuxta̱na ruheb.

2 Crónicas 14:12

Ut li Dios quixtenkꞌaheb li rey Asa joꞌ eb ajcuiꞌ laj Judá chi numta̱c saꞌ xbe̱neb laj Etiopía toj retal queꞌe̱lelic.

1 Samuel 13:18

Li xcab chꞌu̱tal queꞌco̱eb Bet-horón ut li rox chꞌu̱tal queꞌco̱eb saꞌ li nuba̱l re li ru takꞌa re laj Zeboim saꞌ xjayal li chaki chꞌochꞌ.

Josué 21:22

Kibsaim ut Bet-horón. Ca̱hib chi tenamit li quiqꞌueheꞌ reheb rochbeneb lix naꞌajeb lix queto̱mk.

Josué 15:41

Gederot, Bet-dagón, Naama ut Maceda. Cuaklaju (16) chixjunileb li tenamit li quiqꞌueheꞌ reheb, rochbeneb li cocꞌ cꞌaleba̱l.

Josué 12:16

li rey re Maceda, ut li rey re Bet-el,

Josué 11:8

Li Ka̱cuaꞌ quixqꞌueheb laj Israel chi numta̱c saꞌ xbe̱neb. Ut queꞌra̱linaheb toj saꞌ li nimla tenamit Sidón ut toj saꞌ li naꞌajej Misrefot-maim ut toj saꞌ li ru takꞌa Mizpa li cuan saꞌ li este. Ut queꞌxcamsi chixjunileb. Ma̱ jun chic reheb queꞌcana chi yoꞌyo.

Josué 10:28

Saꞌ eb li cutan aꞌan laj Josué ut eb lix soldado queꞌpletic riqꞌuineb li cuanqueb saꞌ li tenamit Maceda. Queꞌnumta saꞌ xbe̱neb ut queꞌxcamsiheb. Ma̱ jun chic queꞌcana chi yoꞌyo saꞌ li tenamit aꞌan. Joꞌ nak quixcamsi lix reyeb laj Jericó, joꞌcan cuiꞌchic quixba̱nu re lix reyeb laj Maceda.

Deuteronomio 7:23

Ta̱cuulak xkꞌehil nak li Ka̱cuaꞌ le̱ Dios tixkꞌaxtesiheb saꞌ e̱rukꞌ. Tixsach lix cuanquileb ut tixsacheb ru chi junaj cua.

Josué 10:9

Laj Josué qui-el Gilgal rochbeneb lix soldado. Chiru kꞌojyi̱n queꞌbe̱c toj retal queꞌcuulac nachꞌ riqꞌuin li tenamit Gabaón. Ma̱cꞌaꞌ saꞌ xchꞌo̱leb laj amorreo nak queꞌcuulac chi pletic riqꞌuineb.

1 Samuel 17:1

Eb laj filisteo queꞌxchꞌutub ruheb lix soldados re teꞌxic chi pletic. Queꞌxchꞌutub ribeb aran Soco, li cuan saꞌ xcue̱nt Judá. Ut queꞌxyi̱b lix muheba̱leb saꞌ li naꞌajej Efes-damim li cuan saꞌ xyi li cuib chi tenamit Soco ut Azeca.

2 Samuel 22:15

Chanchan nak narepoc li ca̱k nak quixcut lix tzimaj. Quixsach xnaꞌlebeb li xicꞌ nequeꞌiloc cue ut quixchaꞌchaꞌi ruheb.

1 Reyes 9:17

Laj Salomón quixtakla cuiꞌchic xyi̱banquil li tenamit Gezer, joꞌ ajcuiꞌ li tenamit Bet-horón li cuan takꞌa.

Salmos 68:14

Joꞌ nak natꞌaneꞌ li nieve saꞌ xbe̱n li tzu̱l Salmón, joꞌcan quixba̱nu li nimajcual Dios nak quixqꞌueheb chi e̱lelic lix reyeb li xicꞌ nequeꞌiloc re lix tenamit li Dios.

Jueces 4:16

Ut laj Barac quira̱linaheb li soldado ut li carruaje toj saꞌ li naꞌajej Haroset-goim ut quixsach ruheb chixjunileb li soldado. Ma̱ jun chic lix soldado laj Sísara quicana chi yoꞌyo. Chixjunileb queꞌcamsi̱c riqꞌuin chꞌi̱chꞌ.

Jueces 5:20

Eb li chahim li cuanqueb saꞌ choxa queꞌpletic. Nak queꞌxbeni ribeb chiru choxa queꞌpletic riqꞌuin laj Sísara.

2 Crónicas 25:13

Nak yo̱ chi cꞌulma̱nc aꞌan, eb li soldado aj Israel li queꞌtakla̱c saꞌ rochocheb, queꞌoc saꞌ eb li tenamit li cuanqueb Judá naticla chak Samaria ut nacuulac toj Bet-horón. Queꞌxcamsiheb oxib mil chi cristian ut nabal li cꞌaꞌak re ru queꞌrelkꞌa saꞌ eb li tenamit aꞌan.

Isaías 30:30

Li Ka̱cuaꞌ li nimajcual Dios tixqꞌue chi abi̱c lix ya̱b lix cux ut tixcꞌutbesi lix joskꞌil chiruheb chixjunileb riqꞌuin xam ut riqꞌuin li cacuil hab ut sakbach ut riqꞌuin ca̱k-sut-ikꞌ.

Zacarías 14:3

Nak acak xeꞌxcꞌul aꞌan li Ka̱cuaꞌ chic ta̱xic chi pletic riqꞌuineb li xni̱nkal ru tenamit joꞌ quixba̱nu nak queꞌpletic chak junxil.