Josué 1:8 - Li Santil hu

⁸ Incꞌaꞌ ta̱canab xyebal li chakꞌrab li xinqꞌue e̱re. Chi kꞌek chi cutan yo̱kat chixcꞌoxlanquil li chakꞌrab re nak incꞌaꞌ ta̱canab xba̱nunquil li cꞌaꞌru naxye, ut re ajcuiꞌ nak sa tatcua̱nk ut chixjunil ta̱e̱lk chi us cha̱cuu.

Q'eqchi Bible

⁸ Ink'a' taakanab' rilb'al xsa' xhuhil li Chaq'rab' a'in; chak'oxla rix chi q'eq ut chi kutan. Chi jo'kan junelik taab'aanu li k'aru naxye; tat-usaaq ut chaab'il tat-elq sa' chixjunil laak'anjel.

Josué 1:8 ပူးပေါင်းရင်းမြစ်များ

Salmos 119:15

Tincꞌoxlak chi us chirix li cꞌaꞌru tzꞌi̱banbil saꞌ la̱ chakꞌrab. Ut tinqꞌue saꞌ inchꞌo̱l lix ya̱lal.

Salmos 19:14

Chicuulak taxak cha̱cuu chixjunil li ninye ut li nincꞌoxla. At Ka̱cuaꞌ, at inDios, la̱at nacaqꞌue xcacuilal inchꞌo̱l ut la̱at laj Colol cue.

Colosenses 3:16

Li ra̱tin li Cristo chicana̱k saꞌ e̱chꞌo̱l chi junelic re nak cua̱nk e̱naꞌleb. Chetzolak e̱rib che̱ribil e̱rib ut chetenkꞌa e̱rib che̱ribil e̱rib saꞌ le̱ pa̱ba̱l. Chexbicha̱nk re xlokꞌoninquil li Dios. Chexbicha̱nk joꞌ naxcꞌut che̱ru li Santil Musikꞌej ut junelic chexbantioxi̱nk chiru li Dios.

Proverbios 3:1

Ex cualal incꞌajol, misach saꞌ e̱chꞌo̱l lin chakꞌrab. Chi anchal ban le̱ chꞌo̱l chepa̱bak le̱ taklanquil inban.

Deuteronomio 29:9

Cheba̱nu chi tzꞌakal re ru chixjunil li naxye saꞌ li contrato aꞌin re nak us tex-e̱lk riqꞌuin li cꞌaꞌru te̱ba̱nu.

San Juan 14:21

Li ani naxcꞌul lin chakꞌrab ut naxba̱nu li naxye, aꞌan li narahoc cue. Li ani narahoc cue naraheꞌ ajcuiꞌ xban lin Yucuaꞌ. Ut la̱in tinra ajcuiꞌ aꞌan ut tincꞌutbesi cuib chiru, chan li Jesús reheb lix tzolom.

San Lucas 11:28

Li Jesús quichakꞌoc ut quixye: —Kꞌaxal cuiꞌchic us chokꞌ reheb li nequeꞌabin re li ra̱tin li Dios ut nequeꞌxba̱nu li cꞌaꞌru naxye.—

San Mateo 7:24

Joꞌcan nak yalak ani ta̱abi̱nk reheb li cua̱tin aꞌin ut cui tixba̱nu li cꞌaꞌru xinye, li jun aꞌan tinjuntakꞌe̱ta riqꞌuin li cui̱nk cuan xnaꞌleb li quixyi̱b li rochoch saꞌ xbe̱n pec.

Salmos 119:11

Junelic ninqꞌue saꞌ inchꞌo̱l la̱ cua̱tin re nak incꞌaꞌ tinma̱cobk cha̱cuu.

Salmos 119:97

At Ka̱cuaꞌ, cꞌajoꞌ nak ninra la̱ cua̱tin, ut junes aꞌan nincꞌoxla nanumeꞌ li cutan.

San Mateo 7:21

Moco chixjunileb ta li nequeꞌyehoc “Ka̱cuaꞌ, Ka̱cuaꞌ” cue, teꞌoc saꞌ lix nimajcual cuanquilal li Dios. Aban li nequeꞌba̱nun re li naraj lin Yucuaꞌ cuan saꞌ choxa, aꞌaneb li teꞌoc saꞌ lix nimajcual cuanquilal li Dios.

San Juan 13:17

Ac nequenau chic xya̱lal. Us xak e̱re cui la̱ex te̱ba̱nu li cꞌaꞌru xetzol cuiqꞌuin.

Josué 1:7

Caꞌaj cuiꞌ li tinye a̱cue nak yal a̱kꞌe ut cacuubresi a̱chꞌo̱l chixba̱nunquil chi tzꞌakal chixjunil li chakꞌrab li quixqꞌue a̱cue laj Moisés laj cꞌanjel chicuu. Ba̱nu chi tzꞌakal re ru. Ma̱canab xba̱nunquil re nak us tat-e̱lk riqꞌuin chixjunil li cꞌaꞌru ta̱ba̱nu.

Deuteronomio 30:14

Me̱ye chi joꞌcan xban nak li chakꞌrab cuan e̱riqꞌuin. Cuan chi xtzꞌu̱mal e̱re ut cuan saꞌ le̱ chꞌo̱l re nak ta̱ru̱k te̱ba̱nu li cꞌaꞌru naxye.

Deuteronomio 5:29

Us raj nak eb li cualal incꞌajol incꞌaꞌ teꞌxjal xcꞌaꞌuxeb. Junelic raj teꞌxxucua cuu. Junelic raj teꞌxba̱nu li cꞌaꞌru naxye saꞌ lin chakꞌrab re nak junelic us teꞌe̱lk joꞌ eb ajcuiꞌ li ralal xcꞌajoleb.

Salmos 119:99

La̱in chic cuan innaꞌleb chi us chiruheb li nequeꞌtzoloc cue xban nak junelic yo̱quin chixcꞌoxlanquil la̱ chakꞌrab.

Isaías 59:21

Li Ka̱cuaꞌ quixye: —La̱in tinba̱nu jun li contrato e̱riqꞌuin. La̱in ninye nak lin musikꞌ ta̱cua̱nk e̱riqꞌuin. Ut li cua̱tin quinqꞌue e̱re ta̱cua̱nk saꞌ e̱chꞌo̱l chi junelic. Junelic te̱chꞌolob lix ya̱lal chiruheb le̱ ralal e̱cꞌajol ut eb le̱ ralal e̱cꞌajol teꞌxchꞌolob xya̱lal chiruheb li ralal xcꞌajoleb li teꞌcua̱nk mokon, chan li Dios.

Deuteronomio 5:32

Joꞌcan nak cheqꞌuehak retal ut te̱ba̱nu li cꞌaꞌru naxye e̱re li Ka̱cuaꞌ le̱ Dios. Me̱canab xba̱nunquil. Te̱ba̱nu ban chixjunil li naxye li Ka̱cuaꞌ.

Deuteronomio 31:11

Nak teꞌxchꞌutub ribeb chixjunileb laj Israel chixlokꞌoninquil li Ka̱cuaꞌ saꞌ li naꞌajej li tixye e̱re, aran te̱ril xsaꞌ li chakꞌrab aꞌin saꞌ xxiqueb chixjunileb.

Efesios 4:29

Mex-a̱tinac yibru aj a̱tin. Riqꞌuin ban cha̱bil a̱tin tex-a̱tinak re nak teꞌxqꞌue retal li ani yo̱quex cuiꞌ chi a̱tinac ut te̱tenkꞌaheb.

San Mateo 12:35

Li cha̱bil cui̱nk naa̱tinac chi cha̱bil xban nak cha̱bil li cuan saꞌ xchꞌo̱l. Ut li cui̱nk li incꞌaꞌ us lix naꞌleb, yibru naa̱tinac xban nak incꞌaꞌ us li cuan saꞌ xchꞌo̱l.

Salmos 40:10

Incꞌaꞌ xincanab xyebal resil la̱ ti̱quilal. Xinye ban resil lix ti̱quilal la̱ chꞌo̱l ut xinye ajcuiꞌ resil nak la̱at nacatcoloc ke. Chiruheb chixjunileb la̱ cualal a̱cꞌajol la̱in xinye resil la̱ cuuxta̱n ut la̱ rahom.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Apocalipsis 22:14

Us xak reheb li cuybil sachbil xma̱queb xban li Dios, xban nak eb aꞌan ta̱ru̱k teꞌxtzaca li ru li cheꞌ li retalil li junelic yuꞌam. Ut teꞌoc ajcuiꞌ saꞌ li oqueba̱l re li tenamit.

Génesis 24:63

Nak qui-ecuu, laj Isaac co̱ chi be̱c saꞌ cꞌaleba̱l. Ut nak qui-iloc saꞌ be, quiril nak yo̱queb chak chi nachꞌoc li camellos.

Deuteronomio 31:24

Ut laj Moisés quixchoy xtzꞌi̱banquil li chakꞌrab saꞌ xticlajic toj saꞌ rosoꞌjic.

Josué 8:34

Ut laj Josué quiril xsaꞌ li chakꞌrab chiruheb. Quiril chi tzꞌakal chixjunil li tzꞌi̱banbil saꞌ li chakꞌrab chirix li osobtesi̱c ut li majecua̱c.

Deuteronomio 5:1

Laj Moisés quixchꞌutubeb chixjunileb laj Israel ut quixye reheb: —La̱ex aj Israel, abihomak li chakꞌrab ut le̱ taklanquil li oc cue chixyebal e̱re anakcuan. Chetzolak chi us li chakꞌrab ut qꞌuehomak e̱chꞌo̱l chixba̱nunquil.

Deuteronomio 29:8

La̱o xke̱chani lix naꞌajeb ut xkajeqꞌui reheb li ralal xcꞌajol laj Rubén, ut reheb li ralal xcꞌajol laj Gad, ut reheb ajcuiꞌ yi jach li ralal xcꞌajol laj Manasés.

2 Crónicas 26:5

Quixsicꞌ li Dios saꞌ eb li cutan nak laj Zacarías yo̱ chixchꞌolobanquil lix ya̱lal li Dios chiru. Nak quixsicꞌ li Dios, li Dios quirosobtesi ut us qui-el riqꞌuin li cꞌaꞌru quixba̱nu.