Josué 1:7 - Li Santil hu

⁷ Caꞌaj cuiꞌ li tinye a̱cue nak yal a̱kꞌe ut cacuubresi a̱chꞌo̱l chixba̱nunquil chi tzꞌakal chixjunil li chakꞌrab li quixqꞌue a̱cue laj Moisés laj cꞌanjel chicuu. Ba̱nu chi tzꞌakal re ru. Ma̱canab xba̱nunquil re nak us tat-e̱lk riqꞌuin chixjunil li cꞌaꞌru ta̱ba̱nu.

Q'eqchi Bible

⁷ Kawaq b'i' aach'ool ut chayal aaq'e chi xpaab'ankil chixjunil li chaq'rab' k'eeb'il aawe xb'aan laj Moisés aj k'anjel chiwu. Chapaab' chi tz'aqal re ru, re naq us tat-elq sa' chixjunil li taab'aanu.

Josué 1:7 ပူးပေါင်းရင်းမြစ်များ

1 Crónicas 22:13

Us tat-e̱lk riqꞌuin li cꞌaꞌru ta̱ba̱nu cui ta̱ba̱nu chixjunil li naxye saꞌ li chakꞌrab li quixqꞌue li Ka̱cuaꞌ re laj Moisés chokꞌ reheb laj Israel. Chaba̱nu chixjunil li taklanbilat cuiꞌ xban li Ka̱cuaꞌ. Cauhak taxak a̱chꞌo̱l. Matxucuac chi moco ta̱chꞌina̱nk a̱chꞌo̱l.

Deuteronomio 5:32

Joꞌcan nak cheqꞌuehak retal ut te̱ba̱nu li cꞌaꞌru naxye e̱re li Ka̱cuaꞌ le̱ Dios. Me̱canab xba̱nunquil. Te̱ba̱nu ban chixjunil li naxye li Ka̱cuaꞌ.

Josué 1:8

Incꞌaꞌ ta̱canab xyebal li chakꞌrab li xinqꞌue e̱re. Chi kꞌek chi cutan yo̱kat chixcꞌoxlanquil li chakꞌrab re nak incꞌaꞌ ta̱canab xba̱nunquil li cꞌaꞌru naxye, ut re ajcuiꞌ nak sa tatcua̱nk ut chixjunil ta̱e̱lk chi us cha̱cuu.

Proverbios 4:27

Me̱canab xba̱nunquil li us. Junelic ban texcua̱nk saꞌ ti̱quilal.

Josué 11:15

Joꞌ quixye li Dios re laj Moisés laj cꞌanjel chiru, joꞌcan qui-uxman xban nak laj Moisés quixye re laj Josué li cꞌaꞌru quixye li Dios. Ut laj Josué quixba̱nu chi tzꞌakal re ru li cꞌaꞌru quiyeheꞌ re xban laj Moisés. Ma̱ jun li quixye li Dios incꞌaꞌ ta quixba̱nu laj Josué.

Deuteronomio 12:32

Te̱ba̱nu chixjunil li cꞌaꞌru xinye e̱re. Me̱qꞌue xtzꞌakob li cua̱tin, chi moco te̱cꞌos li cꞌaꞌru xinye e̱re.

Deuteronomio 31:7

Ut chirix aꞌan laj Moisés quixbok laj Josué ut chiruheb chixjunileb laj Israel quixye re: —Cacuubresi a̱chꞌo̱l, at Josué, ut cauhak taxak a̱cuib, xban nak la̱at tatcꞌamok be chiruheb li tenamit nak teꞌoc saꞌ li naꞌajej li quixyechiꞌi li Ka̱cuaꞌ reheb le̱ xeꞌto̱nil yucuaꞌ. La̱at ta̱cꞌam xbeheb chire̱chaninquil li naꞌajej.

Deuteronomio 29:9

Cheba̱nu chi tzꞌakal re ru chixjunil li naxye saꞌ li contrato aꞌin re nak us tex-e̱lk riqꞌuin li cꞌaꞌru te̱ba̱nu.

Deuteronomio 28:14

Me̱canab xba̱nunquil li chakꞌrab li yo̱quin chixqꞌuebal e̱re anakcuan. Ut me̱lokꞌoni li jalanil dios chi moco texcꞌanjelak chiruheb.

Proverbios 8:20

Li cha̱bil naꞌleb li ninqꞌue, aꞌan naxcꞌut chanru nak texcua̱nk saꞌ xya̱lal ut saꞌ ti̱quilal.

1 Reyes 2:3

Chaba̱nu la̱ taklanquil li xqꞌue li Ka̱cuaꞌ la̱ Dios. Ta̱ba̱nu taxak li cꞌaꞌru naxye a̱cue. Ba̱nu li cꞌaꞌru naraj aꞌan joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Ta̱ba̱nu li cꞌaꞌru naraj li Ka̱cuaꞌ re nak us tat-e̱lk riqꞌuin chixjunil li ta̱ba̱nu yalak bar tatxic.

Números 27:23

Quixqꞌue li rukꞌ saꞌ xjolom laj Josué ut quixxakab saꞌ xcꞌanjel joꞌ quiyeheꞌ re xban li Ka̱cuaꞌ.

Josué 1:1

Nak ac xcam laj Moisés, laj cꞌanjel chiru li Dios, laj Josué li ralal laj Nun quia̱tina̱c xban li Dios. Laj Josué, aꞌan li quitenkꞌan re laj Moisés.

Deuteronomio 11:8

Joꞌcan nak cheba̱nu chi tzꞌakal re ru chixjunil li naxye saꞌ lix chakꞌrab li Dios li yo̱quin chixkꞌaxtesinquil e̱re anakcuan re nak cauhak e̱chꞌo̱l chire̱chaninquil li naꞌajej aꞌan li yechiꞌinbil e̱re.

Josué 1:9

La̱in li yo̱quin chi takla̱nc a̱cue. Yal a̱kꞌe ut cacuubresi a̱chꞌo̱l. Matxucuac chi moco ta̱chꞌina̱nk a̱chꞌo̱l xban nak la̱in li Ka̱cuaꞌ la̱ Dios cua̱nkin a̱cuiqꞌuin yalak bar tatxic, chan li Dios.

Josué 23:6

Joꞌcan nak checacuubresi e̱chꞌo̱l ut cheqꞌuehak retal chi us re nak te̱ba̱nu chi tzꞌakal chixjunil li cꞌaꞌru tzꞌi̱banbil saꞌ li chakꞌrab li quiqꞌueheꞌ re laj Moisés. Ut incꞌaꞌ te̱canab xba̱nunquil li naxye saꞌ li chakꞌrab.

1 Reyes 2:2

—La̱in ca̱mc cue joꞌ nak nequeꞌcam chixjunileb li cristian saꞌ ruchichꞌochꞌ. Cauhak taxak a̱chꞌo̱l ut ta̱yal taxak a̱kꞌe chixba̱nunquil li us.

2 Reyes 22:2

Laj Josías cha̱bil xnaꞌleb nak quicuan chokꞌ rey. Quixba̱nu li ti̱quilal chiru li Ka̱cuaꞌ Dios. Quixba̱nu li us chi anchal xchꞌo̱l joꞌ quixba̱nu laj David lix xeꞌto̱nil yucuaꞌ ut incꞌaꞌ quixcanab xba̱nunquil li us.

2 Crónicas 15:7

Anakcuan ut la̱ex, michꞌinan e̱chꞌo̱l. Cauhak ban e̱chꞌo̱l xban nak le̱ cꞌanjel, aꞌan cuan xkꞌajca̱munquil, chan laj Azarías.

Li xHu LAJ JOB 1:8

Ut li Ka̱cuaꞌ Dios quixye re laj tza: —¿Ma incꞌaꞌ nacacuil laj Job laj cꞌanjel chicuu? Ma̱ ani chic junak cui̱nk joꞌ aꞌan saꞌ ruchichꞌochꞌ. Aꞌan tzꞌakal re ru lix yuꞌam ut ti̱c xchꞌo̱l. Aꞌan naxxucua cuu ut incꞌaꞌ naxba̱nu ma̱usilal, chan.

Daniel 10:19

Ut aꞌan quixye cue: —Li Dios nacatxra. Tuktu̱quil usilal chicua̱nk a̱cuiqꞌuin. Chacacuubresi la̱ chꞌo̱l ut matxucuac, chan cue. Nak quixye cue aꞌan, quicuecꞌa nak cuan chic inmetzꞌe̱u. Usin chic. Ut la̱in quinye re: —At Ka̱cuaꞌ, anakcuan a̱tinan cuiqꞌuin. Us chic nacuecꞌa xban nak la̱at xaqꞌue cuiꞌchic inmetzꞌe̱u, chanquin re.

Deuteronomio 4:2

Incꞌaꞌ te̱risi junak a̱tin saꞌ xya̱nkeb li tinye e̱re chi moco te̱qꞌue xtzꞌakob. Cheba̱nu chi tzꞌakal li naxye lix chakꞌrab li Ka̱cuaꞌ le̱ Dios, li yo̱quin chixyebal e̱re.

Deuteronomio 29:8

La̱o xke̱chani lix naꞌajeb ut xkajeqꞌui reheb li ralal xcꞌajol laj Rubén, ut reheb li ralal xcꞌajol laj Gad, ut reheb ajcuiꞌ yi jach li ralal xcꞌajol laj Manasés.

2 Crónicas 26:5

Quixsicꞌ li Dios saꞌ eb li cutan nak laj Zacarías yo̱ chixchꞌolobanquil lix ya̱lal li Dios chiru. Nak quixsicꞌ li Dios, li Dios quirosobtesi ut us qui-el riqꞌuin li cꞌaꞌru quixba̱nu.

Salmos 80:19

At Ka̱cuaꞌ, at nimajcual Dios, choa̱tenkꞌa cuiꞌchic re nak tosukꞌi̱k cuiꞌchic a̱cuiqꞌuin. Chisahokꞌ ta cuiꞌchic a̱chꞌo̱l kiqꞌuin re nak tocolekꞌ.