Josué 1:6 - Li Santil hu

⁶ Cacuubresi a̱chꞌo̱l ut chicua̱nk a̱metzꞌe̱u xban nak la̱at tatjecꞌok re li naꞌajej aꞌin reheb laj Israel. Aꞌan aꞌin li naꞌajej li quinyechiꞌi reheb la̱ xeꞌto̱nil yucuaꞌ.

Q'eqchi Bible

⁶ Kaw xaqxooqat sa' laak'anjel ut matxiwak, xb'aan naq laa'at tatjek'oq re li ch'och' cho'q re li tenamit a'in, a' li ch'och' kinyeechi'i sa' jurament reheb' li xxe'toonil yuwa'eb'.

Josué 1:6 ပူးပေါင်းရင်းမြစ်များ

Daniel 10:19

Ut aꞌan quixye cue: —Li Dios nacatxra. Tuktu̱quil usilal chicua̱nk a̱cuiqꞌuin. Chacacuubresi la̱ chꞌo̱l ut matxucuac, chan cue. Nak quixye cue aꞌan, quicuecꞌa nak cuan chic inmetzꞌe̱u. Usin chic. Ut la̱in quinye re: —At Ka̱cuaꞌ, anakcuan a̱tinan cuiqꞌuin. Us chic nacuecꞌa xban nak la̱at xaqꞌue cuiꞌchic inmetzꞌe̱u, chanquin re.

Josué 1:9

La̱in li yo̱quin chi takla̱nc a̱cue. Yal a̱kꞌe ut cacuubresi a̱chꞌo̱l. Matxucuac chi moco ta̱chꞌina̱nk a̱chꞌo̱l xban nak la̱in li Ka̱cuaꞌ la̱ Dios cua̱nkin a̱cuiqꞌuin yalak bar tatxic, chan li Dios.

Josué 1:7

Caꞌaj cuiꞌ li tinye a̱cue nak yal a̱kꞌe ut cacuubresi a̱chꞌo̱l chixba̱nunquil chi tzꞌakal chixjunil li chakꞌrab li quixqꞌue a̱cue laj Moisés laj cꞌanjel chicuu. Ba̱nu chi tzꞌakal re ru. Ma̱canab xba̱nunquil re nak us tat-e̱lk riqꞌuin chixjunil li cꞌaꞌru ta̱ba̱nu.

Efesios 6:10

Toj cuan cꞌaꞌru nacuaj xyebal e̱re ut aꞌan aꞌin: Cheꞌcacuubresi̱k le̱ chꞌo̱l saꞌ le̱ pa̱ba̱l riqꞌuin lix nimal xcuanquilal li Ka̱cuaꞌ li cuan e̱riqꞌuin.

1 Corintios 16:13

Michꞌinan e̱chꞌo̱l saꞌ le̱ pa̱ba̱l. Cauhak taxak e̱chꞌo̱l chi pa̱ba̱nc ut me̱qꞌue e̱rib chi a̱le̱c. Yoꞌon cua̱nkex ut chepa̱bak li Ka̱cuaꞌ chi anchal e̱chꞌo̱l, usta nachal raylal saꞌ e̱be̱n.

2 Timoteo 2:1

Aꞌut anakcuan, at Timoteo, cauhak a̱chꞌo̱l riqꞌuin li usilal qꞌuebil ke xban nak reho chic li Cristo Jesús.

1 Crónicas 28:10

Qꞌue retal. Li Ka̱cuaꞌ Dios, aꞌan li xsicꞌoc a̱cuu re nak ta̱yi̱b lix templo li Ka̱cuaꞌ re ta̱cua̱nk cuiꞌ lix Lokꞌlaj Ca̱x. Cauhak a̱chꞌo̱l ut ba̱nu li cꞌanjel, chan li rey David.

1 Crónicas 22:13

Us tat-e̱lk riqꞌuin li cꞌaꞌru ta̱ba̱nu cui ta̱ba̱nu chixjunil li naxye saꞌ li chakꞌrab li quixqꞌue li Ka̱cuaꞌ re laj Moisés chokꞌ reheb laj Israel. Chaba̱nu chixjunil li taklanbilat cuiꞌ xban li Ka̱cuaꞌ. Cauhak taxak a̱chꞌo̱l. Matxucuac chi moco ta̱chꞌina̱nk a̱chꞌo̱l.

Hageo 2:4

Anakcuan, cacuubresi a̱chꞌo̱l, at Zorobabel. Cacuubresi ajcuiꞌ a̱chꞌo̱l la̱at at Josué li xbe̱nil aj tij. Cacuubresihomak e̱chꞌo̱l che̱junilex li cuanquex arin ut chexcꞌanjelak ut la̱in cua̱nkin e̱riqꞌuin, chan li nimajcual Dios.

Salmos 27:14

Chexyoꞌoni̱nk riqꞌuin li Ka̱cuaꞌ. Michꞌinan e̱chꞌo̱l. Cauhak ban e̱chꞌo̱l riqꞌuin. Caꞌaj cuiꞌ riqꞌuin aꞌan chexyoꞌoni̱nk.

Zacarías 8:9

Joꞌcaꞌin xye li Ka̱cuaꞌ, li nimajcual Dios: —Cacuubresihomak le̱ chꞌo̱l chixyi̱banquil lin templo. La̱ex ac querabi li cꞌaꞌru queꞌxye li profeta chalen nak queꞌxtiquib chak xqꞌuebal li cimiento, chan.

1 Reyes 2:2

—La̱in ca̱mc cue joꞌ nak nequeꞌcam chixjunileb li cristian saꞌ ruchichꞌochꞌ. Cauhak taxak a̱chꞌo̱l ut ta̱yal taxak a̱kꞌe chixba̱nunquil li us.

Génesis 26:3

Tatcana̱k saꞌ li naꞌajej aꞌin li cuancat cuiꞌ anakcuan. La̱in tinberesi̱nk a̱cue ut tatcuosobtesi. Chixjunil li chꞌochꞌ aꞌin tinqꞌue a̱cue la̱at ut reheb ajcuiꞌ la̱ cualal a̱cꞌajol re nak ta̱tzꞌaklok ru li contrato li quinba̱nu chak najter riqꞌuin la̱ yucuaꞌ, chan li Dios.

1 Samuel 4:9

Cauhak taxak kachꞌo̱l la̱o aj filisteo. Cau taxak topletik riqꞌuineb re nak incꞌaꞌ teꞌnumta̱k saꞌ kabe̱n. Ma̱re anchal tocana̱k rubel xcuanquileb joꞌ nak xeꞌcuan rubel kacuanquil la̱o, chanqueb.

Deuteronomio 31:23

Ut li Ka̱cuaꞌ quia̱tinac riqꞌuin laj Josué li ralal laj Nun ut quixye re: —Cacuubresi a̱chꞌo̱l ut chicua̱nk a̱metzꞌe̱u xban nak la̱at tatcꞌamok reheb laj Israel saꞌ li naꞌajej li xinyechiꞌi reheb riqꞌuin juramento. Ut la̱in tincua̱nk a̱cuiqꞌuin, chan.

Deuteronomio 1:21

Qꞌuehomak retal. Li Ka̱cuaꞌ le̱ Dios tixkꞌaxtesi e̱re li naꞌajej. Texxic ut te̱re̱chani li naꞌajej joꞌ quixye li Ka̱cuaꞌ, lix Dioseb li kaxeꞌto̱nil yucuaꞌ. Mexxucuac, chi moco ta̱chꞌina̱nk le̱ chꞌo̱l, chanquin e̱re.

Deuteronomio 11:8

Joꞌcan nak cheba̱nu chi tzꞌakal re ru chixjunil li naxye saꞌ lix chakꞌrab li Dios li yo̱quin chixkꞌaxtesinquil e̱re anakcuan re nak cauhak e̱chꞌo̱l chire̱chaninquil li naꞌajej aꞌan li yechiꞌinbil e̱re.

2 Samuel 10:12

Cauhak taxak a̱chꞌo̱l. Chikacacuubresi kachꞌo̱l chi pletic. Chikacolak rix li katenamit la̱o aj Israel, lix tenamit li Dios. Ut li Ka̱cuaꞌ taxak tixba̱nu li cꞌaꞌru naraj aꞌan, chan.

Génesis 12:7

Saꞌ li naꞌajej aꞌan quia̱tinac li Dios riqꞌuin laj Abram ut quixye re, —Saꞌ jun cutan tinqꞌue chixjunil li naꞌajej aꞌin reheb la̱ cualal a̱cꞌajol, chan li Dios. Joꞌcan nak laj Abram quixtus li pec ut quixyi̱b jun lix artal re xlokꞌoninquil li Ka̱cuaꞌ Dios.

Números 26:53

—Aꞌaneb li teꞌjeqꞌui̱k xchꞌochꞌeb aꞌ yal joꞌ qꞌuialeb li tzꞌi̱banbil xcꞌabaꞌeb.

Números 33:53

Te̱risiheb chixjunileb li cristian li cuanqueb saꞌ li naꞌajej aꞌan ut texcana̱k chi cua̱nc aran xban nak la̱in xinqꞌuehoc e̱re li naꞌajej aꞌan.

Deuteronomio 1:8

Qꞌuehomak retal. La̱in xinqꞌue e̱re li naꞌajej aꞌin. Texxic ut te̱re̱chani li naꞌajej joꞌ quinye riqꞌuin juramento reheb le̱ xeꞌto̱nil yucuaꞌ, laj Abraham, laj Isaac ut laj Jacob ut reheb ajcuiꞌ li ralal xcꞌajoleb li teꞌcua̱nk mokon, chan li Dios.

Josué 1:18

Chixjunileb li incꞌaꞌ teꞌabi̱nk cha̱cuu, ut incꞌaꞌ teꞌxba̱nu li cꞌaꞌru ta̱ye, eb aꞌan teꞌcamsi̱k. Li cꞌaꞌru nakaj la̱o, aꞌan nak incꞌaꞌ ta̱chꞌina̱nk a̱chꞌo̱l. Cauhak ban a̱chꞌo̱l chi cꞌamoc be chiku, chanqueb li tenamit re laj Josué.

Josué 5:6

Eb laj Israel queꞌbe̱c saꞌ li chaki chꞌochꞌ chiru caꞌcꞌa̱l chihab toj retal queꞌcam chixjunileb li cui̱nk li queꞌel chak Egipto, li tzꞌakal xchihabeb re xic chi pletic. Queꞌcam xban nak incꞌaꞌ queꞌxba̱nu li quixye li Ka̱cuaꞌ. Joꞌcan nak li Dios quixye riqꞌuin juramento nak incꞌaꞌ naru teꞌoc saꞌ li cha̱bil naꞌajej li quixyechiꞌi reheb lix xeꞌto̱nil yucuaꞌ, li naꞌajej bar na-el cuiꞌ chi us li acui̱mk ut li sahil echej.

Josué 10:25

Ut laj Josué quixye reheb li nequeꞌcꞌamoc be saꞌ xya̱nkeb laj Israel: —Mexxucuac chi moco chichꞌina̱nk e̱chꞌo̱l. Cauhak ban e̱chꞌo̱l xban nak joꞌcaꞌin nak tixkꞌaxtesiheb saꞌ kukꞌ li Ka̱cuaꞌ chixjunileb li xicꞌ nequeꞌiloc ke, chan.

Josué 13:6

La̱in texintenkꞌa chirisinquileb chi junaj cua saꞌ li naꞌajej Sidón. Te̱sach ruheb chixjunileb li cuanqueb saꞌ li naꞌajej tzu̱l ru toj saꞌ li naꞌajej Líbano ut toj saꞌ li naꞌajej Misrefot-maim. Abanan tento nak ta̱jeqꞌui riqꞌuin bu̱lic li naꞌajej reheb laj Israel joꞌ xinye a̱cue.

Josué 18:3

Laj Josué quixye reheb: —¿Joꞌ najtil chic toj yo̱kex chiroybeninquil le̱ naꞌaj? ¿Ma incꞌaꞌ naru te̱cꞌul le̱ naꞌaj li xqꞌue e̱re li Ka̱cuaꞌ lix Dioseb le̱ xeꞌto̱nil yucuaꞌ?

Josué 21:43

Joꞌcaꞌin nak li Ka̱cuaꞌ quixqꞌueheb lix chꞌochꞌ laj Israel, joꞌ quixyechiꞌi chak reheb lix xeꞌto̱nil yucuaꞌ riqꞌuin juramento. Queꞌxcꞌul chokꞌ reheb ut queꞌcuan aran.

1 Crónicas 28:20

Cauhak taxak la̱ chꞌo̱l ut yal a̱kꞌe chixba̱nunquil li cꞌanjel. Matxucuac chi moco ta̱chꞌina̱nk la̱ chꞌo̱l xban nak li Ka̱cuaꞌ lin Dios cua̱nk a̱cuiqꞌuin. Aꞌan incꞌaꞌ tatxcanab a̱junes toj retal ta̱choy xyi̱banquil lix templo li Ka̱cuaꞌ.

2 Crónicas 15:7

Anakcuan ut la̱ex, michꞌinan e̱chꞌo̱l. Cauhak ban e̱chꞌo̱l xban nak le̱ cꞌanjel, aꞌan cuan xkꞌajca̱munquil, chan laj Azarías.

2 Crónicas 20:7

At kaDios, ¿ma ma̱cuaꞌ ta biꞌ la̱at cat-isin reheb li cuanqueb saꞌ li naꞌajej aꞌin nak yo̱queb chi oc arin eb laj Israel la̱ tenamit? Ut caqꞌue li naꞌajej aꞌin reheb re teꞌcua̱nk chi junelic xban nak eb aꞌan ralal xcꞌajol laj Abraham li raro a̱ban.

2 Crónicas 20:11

Chaqꞌue taxak retal chanru nak yo̱queb chixkꞌajca̱munquil chiku nak incꞌaꞌ xkaba̱nu raylal reheb. Teꞌraj nak toeꞌrisi saꞌ li naꞌajej li xaqꞌue chokꞌ ke chi junelic.