Josué 1:5 - Li Santil hu

⁵ Ma̱ ani ta̱ru̱k ta̱numta̱k saꞌ a̱be̱n joꞌ najtil yoꞌyo̱kat xban nak la̱in cua̱nkin a̱cuiqꞌuin cha̱tenkꞌanquil joꞌ nak quintenkꞌa laj Moisés. Incꞌaꞌ tatincanab a̱junes. Cua̱nkin ban a̱cuiqꞌuin junelic.

Q'eqchi Bible

⁵ Maa'ani truuq taanumtaaq sa' aab'een chiru chixjunil laayu'am. Jo' naq kinwank rik'in laj Moisés, jo'kan ajwi' naq wanqin aawik'in: ink'a' tatinkanab' aajunes chi moko tatintz'eq chirix linch'ool.

Josué 1:5 ပူးပေါင်းရင်းမြစ်များ

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Josué 1:9

La̱in li yo̱quin chi takla̱nc a̱cue. Yal a̱kꞌe ut cacuubresi a̱chꞌo̱l. Matxucuac chi moco ta̱chꞌina̱nk a̱chꞌo̱l xban nak la̱in li Ka̱cuaꞌ la̱ Dios cua̱nkin a̱cuiqꞌuin yalak bar tatxic, chan li Dios.

Deuteronomio 20:4

Li Ka̱cuaꞌ le̱ Dios, aꞌan li ta̱cua̱nk e̱riqꞌuin. Aꞌan ta̱tenkꞌa̱nk e̱re chi pletic riqꞌuineb li xicꞌ nequeꞌiloc e̱re re texnumta̱k saꞌ xbe̱neb.”

2 Timoteo 4:17

Abanan li Ka̱cuaꞌ quitenkꞌan cue ut quixqꞌue xcacuilal inchꞌo̱l re xjulticanquil chi tzꞌakal resil li colba-ib re nak chixjunileb li ma̱cuaꞌeb aj judío teꞌrabi resil li evangelio. Joꞌcan nak quincoleꞌ saꞌ rukꞌ li cakcoj.

Salmos 46:11

Li Ka̱cuaꞌ, li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob. Ut aꞌan ajcuiꞌ li nacoloc ke.

Hebreos 13:5

Me̱ra ru li tumin. Checꞌojobak ban e̱chꞌo̱l riqꞌuin li joꞌ qꞌuial cuan e̱re xban nak li Dios quixye: Junelic tatintenkꞌa, ut ma̱ jokꞌe tatincanab a̱junes. (Deut. 31:6)

Josué 3:7

Li Ka̱cuaꞌ Dios quixye re laj Josué: —Chalen anakcuan tinqꞌue a̱cuanquil re nak eb laj Israel teꞌxqꞌue a̱lokꞌal ut teꞌxnau nak la̱in cuanquin a̱cuiqꞌuin joꞌ nak quincuan riqꞌuin laj Moisés.

Éxodo 3:12

Li Dios quichakꞌoc ut quixye re laj Moisés: —Ayu ut la̱in cua̱nkin a̱cuiqꞌuin. Ut aꞌin a̱cuetalil nak la̱in xintaklan a̱cue. Nak ac xacuisiheb chak laj Israel saꞌ li tenamit Egipto, saꞌ li tzu̱l aꞌin tina̱lokꞌoni cuiꞌchic, chan li Dios.

Romanos 8:37

Aban li Jesucristo nocoxra ut nocoxtenkꞌa chixcuybal ut chixnumsinquil chixjunil li raylal nakacꞌul.

Josué 1:17

Junelic takaba̱nu li cꞌaꞌru ta̱ye ke joꞌ nak kaba̱nu li cꞌaꞌru coxtakla cuiꞌ laj Moisés. Ut chicua̱nk taxak li Dios a̱cuiqꞌuin joꞌ nak quicuan riqꞌuin laj Moisés.

Deuteronomio 7:24

Li Ka̱cuaꞌ tixkꞌaxtesiheb lix reyeb saꞌ e̱rukꞌ. Te̱camsiheb ut ma̱ ani chic ta̱jultica̱nk reheb. Ma̱ ani tixcuy e̱sumenquil la̱ex. Te̱sach ban ruheb chixjunileb.

Josué 6:27

Li Ka̱cuaꞌ quitenkꞌan re laj Josué ut yalak bar quicuulac resil li cꞌaꞌru quixba̱nu.

Deuteronomio 31:23

Ut li Ka̱cuaꞌ quia̱tinac riqꞌuin laj Josué li ralal laj Nun ut quixye re: —Cacuubresi a̱chꞌo̱l ut chicua̱nk a̱metzꞌe̱u xban nak la̱at tatcꞌamok reheb laj Israel saꞌ li naꞌajej li xinyechiꞌi reheb riqꞌuin juramento. Ut la̱in tincua̱nk a̱cuiqꞌuin, chan.

Deuteronomio 4:31

Li Ka̱cuaꞌ incꞌaꞌ textzꞌekta̱na chi moco tixsach e̱ru xban nak aꞌan junelic jultic re li contrato li quixba̱nu riqꞌuineb le̱ xeꞌto̱nil yucuaꞌ.

Josué 10:8

Ut li Ka̱cuaꞌ quixye re laj Josué: —Matxucuac chiruheb aꞌan xban nak la̱in tinkꞌaxtesiheb saꞌ a̱cuukꞌ ut ma̱ jun reheb aꞌan teꞌnumta̱k saꞌ a̱be̱n, chan li Ka̱cuaꞌ.

Jueces 2:18

Nak li Ka̱cuaꞌ naxxakab junak aj rakol a̱tin, aꞌan ajcuiꞌ natenkꞌan re. Ut aꞌan ajcuiꞌ nacoloc reheb laj Israel saꞌ rukꞌeb li xicꞌ nequeꞌiloc reheb joꞌ najtil yoꞌyo laj rakol a̱tin. Li Ka̱cuaꞌ quiril xtokꞌoba̱l ruheb nak yo̱queb chi ya̱bac xban li raylal li yo̱queb chixcꞌulbal saꞌ rukꞌeb li xicꞌ nequeꞌiloc reheb.

Jueces 6:16

Ut li Ka̱cuaꞌ quixye re: —La̱in cua̱nkin a̱cuiqꞌuin. La̱at tatnumta̱k saꞌ xbe̱neb laj Madián. Chanchanakeb jun chi cui̱nk nak ta̱sacheb ru, chan li Ka̱cuaꞌ.

1 Samuel 10:7

Nak ta̱cꞌul li cꞌaꞌak re ru aꞌin, la̱at ta̱ba̱nu li cꞌaꞌru nacacuecꞌa nak us xba̱nunquil xban nak li Ka̱cuaꞌ cua̱nk a̱cuiqꞌuin.

1 Reyes 1:37

Joꞌ nak quicuan a̱cuiqꞌuin, at rey, joꞌcan taxak nak chicua̱nk riqꞌuin laj Salomón. Ut kꞌaxal taxak nimak xcuanquil laj Salomón chiru la̱ cuanquil la̱at, chan.

1 Reyes 6:13

La̱in tincua̱nk saꞌ li templo aꞌin saꞌ xya̱nkeb laj Israel lin tenamit. Ut incꞌaꞌ tincanabeb xjuneseb, chan li Ka̱cuaꞌ.

1 Reyes 8:57

Chicua̱nk taxak li Ka̱cuaꞌ kiqꞌuin joꞌ nak quicuan chak riqꞌuineb li kaxeꞌto̱nil yucuaꞌ. Ut incꞌaꞌ taxak toxtzꞌekta̱na chi moco toxcanab kajunes.

1 Reyes 11:38

Cui la̱at ta̱ba̱nu li cꞌaꞌru tatintakla cuiꞌ, ut cui tatcua̱nk saꞌ ti̱quilal chicuu, ut cui ta̱ba̱nu li cꞌaꞌru naxye lin chakꞌrab joꞌ quixba̱nu laj David laj cꞌanjel chicuu, la̱in cua̱nkin a̱cuiqꞌuin. Ut tinxakab saꞌ xnaꞌaj la̱ cuanquilal, la̱at joꞌ eb ajcuiꞌ la̱ cualal a̱cꞌajol, joꞌ nak quinxakab xcuanquil laj David.

1 Crónicas 28:20

Cauhak taxak la̱ chꞌo̱l ut yal a̱kꞌe chixba̱nunquil li cꞌanjel. Matxucuac chi moco ta̱chꞌina̱nk la̱ chꞌo̱l xban nak li Ka̱cuaꞌ lin Dios cua̱nk a̱cuiqꞌuin. Aꞌan incꞌaꞌ tatxcanab a̱junes toj retal ta̱choy xyi̱banquil lix templo li Ka̱cuaꞌ.

Isaías 42:16

Abanan la̱in tinberesiheb li mutzꞌ saꞌ eb li be li ma̱ jun sut xeꞌnumeꞌ cuiꞌ. Saꞌ eb li be li incꞌaꞌ xeꞌxnau la̱in tinberesiheb. Tinsukꞌisi li kꞌojyi̱n chokꞌ cutan chiruheb ut tinti̱cobresi li be chiruheb. Chixjunil li cꞌaꞌak re ru aꞌin tinba̱nu. Incꞌaꞌ tintzꞌekta̱naheb.

Jeremías 1:8

Matxucuac chiruheb li tenamit. La̱in cua̱nkin a̱cuiqꞌuin cha̱colbal, chan li Ka̱cuaꞌ Dios.

Daniel 11:16

Ut li rey li cuan saꞌ li norte tixba̱nu li cꞌaꞌru naraj riqꞌuineb. Ut ta̱cana̱k saꞌ li cha̱bil naꞌajej yechiꞌinbil reheb laj Israel ut chixjunil ta̱cana̱k saꞌ rukꞌ aꞌan ut ma̱ ani ta̱ru̱k ta̱colok reheb.

Génesis 39:2

Li Ka̱cuaꞌ Dios quitenkꞌan re laj José ut us qui-el riqꞌuin chixjunil nak cuan saꞌ rochoch laj Egipto lix patrón.

Deuteronomio 20:1

Nak texxic chi pletic riqꞌuineb li xicꞌ nequeꞌiloc e̱re ut te̱ril nak kꞌaxal nabaleb lix soldado ut lix cacua̱y ut lix carruaje chiru le̱ re la̱ex, mexxucuac xbaneb. Li Ka̱cuaꞌ le̱ Dios li qui-isin chak e̱re aran Egipto, aꞌan cua̱nk e̱riqꞌuin ut ta̱tenkꞌa̱nk e̱re.

Josué 21:44

Ut li Ka̱cuaꞌ quixba̱nu li cꞌaꞌru quixyechiꞌi reheb. Quixqꞌueheb chi cua̱nc saꞌ usilal saꞌ lix tenamiteb. Ut ma̱ jun reheb li xicꞌ nequeꞌiloc reheb queꞌru chi pletic riqꞌuineb xban nak li Ka̱cuaꞌ naxqꞌueheb laj Israel chi numta̱c saꞌ xbe̱neb.