Josué 1:18 - Li Santil hu

¹⁸ Chixjunileb li incꞌaꞌ teꞌabi̱nk cha̱cuu, ut incꞌaꞌ teꞌxba̱nu li cꞌaꞌru ta̱ye, eb aꞌan teꞌcamsi̱k. Li cꞌaꞌru nakaj la̱o, aꞌan nak incꞌaꞌ ta̱chꞌina̱nk a̱chꞌo̱l. Cauhak ban a̱chꞌo̱l chi cꞌamoc be chiku, chanqueb li tenamit re laj Josué.

Q'eqchi Bible

¹⁸ Yalaq ani taaq'etoq re laawaatin ut ink'a' tixpaab' laataqlahom sa' chixjunil, taakamsiiq. Li k'aru naqaj laa'o a'an a'in: naq kawaq aach'ool ut kaw xaqxooqat sa' laak'anjel”, chankeb'.

Josué 1:18 ပူးပေါင်းရင်းမြစ်များ

Efesios 6:10

Toj cuan cꞌaꞌru nacuaj xyebal e̱re ut aꞌan aꞌin: Cheꞌcacuubresi̱k le̱ chꞌo̱l saꞌ le̱ pa̱ba̱l riqꞌuin lix nimal xcuanquilal li Ka̱cuaꞌ li cuan e̱riqꞌuin.

1 Corintios 16:13

Michꞌinan e̱chꞌo̱l saꞌ le̱ pa̱ba̱l. Cauhak taxak e̱chꞌo̱l chi pa̱ba̱nc ut me̱qꞌue e̱rib chi a̱le̱c. Yoꞌon cua̱nkex ut chepa̱bak li Ka̱cuaꞌ chi anchal e̱chꞌo̱l, usta nachal raylal saꞌ e̱be̱n.

Esdras 10:4

Xaklin, at Esdras, xban nak saꞌ a̱be̱n tenebanbil xba̱nunquil aꞌin ut la̱o tatkatenkꞌa. Cacuubresi a̱chꞌo̱l ut ba̱nu li tento xba̱nunquil, chanqueb.

Josué 1:9

La̱in li yo̱quin chi takla̱nc a̱cue. Yal a̱kꞌe ut cacuubresi a̱chꞌo̱l. Matxucuac chi moco ta̱chꞌina̱nk a̱chꞌo̱l xban nak la̱in li Ka̱cuaꞌ la̱ Dios cua̱nkin a̱cuiqꞌuin yalak bar tatxic, chan li Dios.

Hebreos 12:25

Me̱tzꞌekta̱na li ra̱tin li Dios joꞌ queꞌxba̱nu eb laj Israel. Eb aꞌan incꞌaꞌ queꞌxcuy rabinquil xchakꞌrab li Dios ut queꞌxtzꞌekta̱na li ra̱tin nak quichꞌoloba̱c chak xya̱lal chiruheb aran saꞌ li tzu̱l. Ut quirakeꞌ a̱tin saꞌ xbe̱neb. Cui incꞌaꞌ queꞌcoleꞌ eb aꞌan, ¿ma tojaꞌ ta chic la̱o tocolekꞌ cui takatzꞌekta̱na li Dios li naa̱tinac chak toj saꞌ choxa?

1 Samuel 11:12

Eb laj Israel queꞌxye re laj Samuel: —¿Aniheb li cui̱nk li queꞌxye nak laj Saúl incꞌaꞌ ta̱takla̱nk saꞌ kabe̱n? Kꞌaxtesiheb saꞌ kukꞌ re takacamsiheb, chanqueb.

San Lucas 19:27

Ut cꞌamomakeb chak li xicꞌ nequeꞌiloc cue li incꞌaꞌ nequeꞌraj nak tin-oc chokꞌ xreyeb. Ut chicuu ajcuiꞌ, te̱camsiheb, chan li rey.

Deuteronomio 17:12

Cui cuan junak naxkꞌetkꞌeti rib chiruheb laj tij ut laj rakol a̱tin ut incꞌaꞌ tixba̱nu li teꞌxye eb aꞌan li yo̱queb chi cꞌanjelac chiru li Ka̱cuaꞌ le̱ Dios, tento nak ta̱teneba̱k ca̱mc saꞌ xbe̱n aꞌan. Tento nak te̱risi li ma̱usilal saꞌ e̱ya̱nk la̱ex aj Israel.

Josué 1:17

Junelic takaba̱nu li cꞌaꞌru ta̱ye ke joꞌ nak kaba̱nu li cꞌaꞌru coxtakla cuiꞌ laj Moisés. Ut chicua̱nk taxak li Dios a̱cuiqꞌuin joꞌ nak quicuan riqꞌuin laj Moisés.

Josué 2:1

Laj Josué, li ralal laj Nun, toj Sitim quixtakla cuibeb laj qꞌuehol etal chi mukmu ut quixye reheb: —Ayukex xqꞌuebal retal li naꞌajej Canaán ut li tenamit Jericó, chan. Eb aꞌan queꞌco̱eb ut queꞌcuulac saꞌ rochoch jun li ixk xcomoneb li nequeꞌxcꞌayi rib, xRahab xcꞌabaꞌ. Ut aran queꞌcana chixnumsinquil li kꞌojyi̱n.