Josué 1:11 - Li Santil hu

¹¹ —Talajexnumekꞌ saꞌ lix muheba̱leb li tenamit ut te̱ye reheb nak teꞌxcauresi ribeb ut teꞌxyi̱b xtzacae̱mk xban nak saꞌ oxib cutan tonumekꞌ jun pacꞌal li nimaꞌ Jordán. Toxic ut take̱chani li naꞌajej li tixqꞌue ke li Ka̱cuaꞌ li kaDios, chaꞌakex reheb.

Q'eqchi Bible

¹¹ “Numenqex sa' chixjunil li xmuheb'aaleb' li tenamit ut yehomaq reheb' naq te'xkawresi rib' ut te'xk'uub' xtzekemqeb', xb'aan naq sa' oxib' kutan toonume'q junpak'al li nima' Jordán ut toxqeechani li ch'och' tixk'e qe li Qaawa' li qaYos”, chan.

Josué 1:11 ပူးပေါင်းရင်းမြစ်များ

Deuteronomio 9:1

Abihomak la̱ex aj Israel. Anakcuan texnumekꞌ jun pacꞌal li nimaꞌ Jordán re texnumta̱k saꞌ xbe̱neb li qꞌuila tenamit li cuanqueb aran ut te̱re̱chani lix naꞌajeb. Eb aꞌan kꞌaxal cauheb rib che̱ru la̱ex. Ut lix tenamiteb ni̱nkeb ut sutsu̱queb saꞌ tzꞌac kꞌaxal najt xteram.

2 Reyes 20:5

—Sukꞌin riqꞌuin laj Ezequías, li nacꞌamoc be chiruheb lin tenamit. Ut ta̱ye re, “Joꞌcaꞌin xye li Ka̱cuaꞌ, lix Dios laj David la̱ xeꞌto̱nil yucuaꞌ: La̱in xcuabi la̱ tij ut xinqꞌue retal nak yo̱cat chi ya̱bac. Anakcuan tatinqꞌuirtesi. Ut saꞌ oxib cutan naru chic tatxic saꞌ lin templo.

Oseas 6:2

Usta ac xsach ku, abanan tixqꞌue cuiꞌchic li kayuꞌam chiru cuib oxib cutan ut tocua̱nk riqꞌuin.

Josué 3:2

Nak ac xnumeꞌ oxib cutan, eb li nequeꞌcꞌamoc be saꞌ xya̱nkeb laj Israel queꞌxsuti li naꞌajej li yo̱queb cuiꞌ chi hila̱nc.

Deuteronomio 11:31

Chi se̱b texxic jun pacꞌal li nimaꞌ Jordán chire̱chaninquil li naꞌajej li quixyechiꞌi e̱re li Ka̱cuaꞌ le̱ Dios. Te̱re̱chani ut texcua̱nk aran.

Éxodo 19:11

Ut cheꞌxcauresi rib xban nak saꞌ rox li cutan chiruheb chixjunileb li cristian tincuulak saꞌ li tzu̱l Sinaí.

Josué 1:2

Ut li Dios quixye re: —Anakcuan xcam laj Moisés laj cꞌanjel chicuu. Joꞌcan nak la̱at chic tatcꞌamok be chiruheb li tenamit aꞌin. Anakcuan texnumekꞌ jun pacꞌal li nimaꞌ Jordán a̱cuochbeneb chixjunileb li tenamit aꞌin. Texxic saꞌ li naꞌajej li oc cue chixkꞌaxtesinquil e̱re la̱ex li ralal xcꞌajol laj Israel.

Josué 1:10

Laj Josué quixbokeb li nequeꞌcꞌamoc be saꞌ li tenamit, ut quixye reheb:

Deuteronomio 3:18

Saꞌ li cutan aꞌan la̱in quinye e̱re, Li Ka̱cuaꞌ li kaDios xqꞌue e̱re li naꞌajej aꞌin re texcua̱nk cuiꞌ. Cauresihomakeb li cauheb xchꞌo̱l chi pletic ut taklahomakeb jun pacꞌal li nimaꞌ Jordán re xtenkꞌanquileb li jun chꞌol chic laj Israel chixcolbal rix lix naꞌajeb.